Skessuhorn - 20.04.2005, Blaðsíða 8

8
MIÐVIKUDAGUR 20. APRÍL 2005
..n.v'hH..:
Leikskólagjöld á
Akranesi til skoðunar
Sviðsstjóra menningar- og
fræðslusviðs Akraneskaupstaðar
hefur verið falið að skoða mögu-
leika þess að taka upp lægra gjald í
leikskólum bæjarins eftir hádegi,
þar sem eftirspurn eftir dagvistar-
plássum er ekki eins mikil og fyrir
hádegi. Einnig er honum falið að
skoða áhrif þess að 5 ára börn fái
vistun fyrir hádegi án endurgjalds.
Þá var sviðsstjóra fjölskyldusviðs
falið að leggja fyrri bæjarráð upp-
lýsingar um áhrif þess ef gæsla
barna hjá dagmæðrum verði nið-
urgreidd þannig að gjald fyrir dag-
vistun verði sú sama og almennt
gjald fyrir vistun á leikskólum bæj-
arins.
Umræða hefur verið um breyt-
ingar á skipulagi skólamála í land-
inu sem hafa munu áhrif á starf-
semi grunn- og leikskóla í fram-
tíðinni. A vegum Akraneskaup-
staðar er unnið að stefnumótun
vegna heilsdagsskóla, verið er að
skoða stefnu bæjarins í gjaldskrár-
málum og unnið er að gerð fjöl-
skyldustefnu fyrir kaupstaðinn. A
meðan unnið er að þessum málum
telur bæjarráð Akraness ekki rétt
að taka nú til afgreiðslu almenna
tillögu um lækkun leikskólagjalda
sem fram kom á fundi bæjarstjórn-
ar 12. apríl sl., enda eru leikskóla-
gjöld á Akranesi verulega lægri en
víðast hvar annars staðar á land-
inu.
MM/www. akranes. is
Oánægja með
nýjan samning
Eins og við greindum frá í síðasta
tölublaði var kjarasamningur
starfsmanna Norðuráls við fyrir-
tækið samþykktur fyrir skömmu.
Atkvæði féllu þannig að 106 voru
samþykkir en 102 voru á móti
þannig að samningurinn var sam-
þykktur með einungis fjögurra at-
kvæða mun. 4 seðlar voru ógildir
og auðir.
Talsverðrar óánægju gætir í hópi
þeirra starfsmanna sem voru and-
vígir samningnum og snýr hún
einkum að breytingu á vaktafyrir-
komulagi. Breyting úr núverandi
kerfi felst m.a. í að unnið er á
tveimur dagvöktum, tveimur næt-
urvöktum en síðan er fjögurra daga
frí, þannig að unnið er fjóra daga í
röð og síðan jafrí margir dagar frí.
„Fyrsti dagur í fríi fer að miklu
leyti í svefrí. Þar fyrir utan byggir
núverandi kerfi á því að menn hafa
-alltaf tvær vinnuhelgar í röð og
tvær ffíhelgar. I nýja kerfinu fá
menn einungis eina heila helgi á
átta vikna fresti. Þetta er mikil aft-
urför og ekki síst mjög slæmt fyrir
helgarpabbana,“ segir einn viðmæl-
enda blaðsins sem getur ekki gefið
upp nafrí sitt.
Annar starfsmaður sem blaðið
ræddi við segir að sér finnist starfs-
menn Norðuráls hafa verið platað-
ir í þessum fyrsta möguleika starfs-
manna til að leiðrétta kjör sín frá
því fyrsti samningurinn var gerður
árið 1998. „Ég hélt að kjörin yrðu
samræmd við kjör starfsmanna í
samsvarandi iðnaði hér á landi.
Ekki einungis höldum við ekki í
horfinu við Alcan (ISAL) heldur
náum við ekki einu sinni starfs-
mönnum Islenska járnblendifélags-
ins að kjörum. Eins held ég að það
sé einsdæmi að samningar við álík-
ar aðstæður séu samþykktir í fyrstu
tilraun.“ Sá hinn sami starfsmaður
segir að á sinni vakt hafi nokkrir
starfsmanna borið sorgarborða í
liðinni viku vegna nýja samnings-
ins. Hann bætir við: „Mér þykir
líka einkennilegt að dagvinnu-
starfsmenn skuli greiða atkvæði um
vinnufyrirkomulag vaktastarfs-
rnanna."
Lengra ekki
komist án átaka
Óánægja starfsmanna var borin
tmdir Vilhjálm Birgisson, formann
VLFA, en félagið er aðili að samn-
ingnum sem um ræðir. „Það er í
rauninni slæm niðurstaða að nær
helmingur starfsmanna skuli vera
óánægður. Vissulega hefðum við
viljað fá afdráttarlausari niðurstöðu
en þessa, á hvom veginn sem hún
hefði orðið,“ segir Vilhjálmur.
Hann segir tillögur um nýtt vakta-
fyrirkomulag hafa verið tillögu fyr-
irtækisins í kjarasamningsgerðinni.
„En engu að síður megum við ekki
gleyma því að meirihluti starfs-
manna, þó lítill meirihluti sé, sam-
þykkti samninginn og þeir menn
em ekki að kvarta."
Vilhjálmur segir að samningur-
inn hafi verið kynntur fyrir öllum
starfsmönnum. „Það kom fram
sterk óánægja á kynningarfundun-
um einkum með vaktafyrirkomu-
lagið, en almennt virtust menn
sáttari við launaliðinn. Gamli
samningurinn frá 1998 var einfald-
lega svo slakur að þær hækkanir
sem komu núna gera ekkert annað
en að jafna kjörin, eða komast
uppundur þau, miðað við aðrar
verksmiðjur. Það er hinsvegar ljóst
að við vomm ekki að ná leiðrétt-
ingu til að jafría kjör starfsmanna
Isal og það em vissulega vonbrigði
en lengra varð ekki komist í þessum
áfanga án átaka og við urðum því
að leggja þennan samning í dóm
starfsmanna. Við megum samt ekki
gleyma því að samningurinn er að
gefa 25% hækkun á samningstím-
anum meðan aðrir samningar í
þjóðfélaginu em að gefa 15,8%,“
segir Vilhjálmur að lokum.
MM
/
Arsreikningur Borgarbyggðar 2004:
Jalnvægi í rekstri sveitarfélagsins
Ársreikningur Borgarbyggðar
fyrir árið 2004 var lagður fram til
fyrri umræðu á fundi bæjarstjórnar
14. apríl s.l. Meginniðurstaðan er
sú að bæjarsjóður var rekinn með
tekjuafgangi á árinu 2004. Tekjuaf-
gangur fyrir fjármagnsliði var tæp-
ar 29 milljónir, en að teknu tilliti
til fjármagnsliða var tekjuafgangur
upp á tæpar 12 milljónir og var
niðurstaðan í samræmi við endur-
skoðaða fjárhagsáætlun. Hins veg-
ar var halli á rekstri fyrirtækja
sveitarfélagsins, félagslegum íbúð-
um og veitum, upp á tæpar 13
milljónir. Samantekin ársreikn-
ingur fyrir bæjarsjóð og fyrirtæki
sveitarfélagsins sýnir því að nei-
kvæð afkoma á rekstri Borgar-
byggðar var 886 þúsund.
Veltufé frá rekstri var 62 millj-
ónir eða 5,6% af tekjum og hefur
veltufé þrefaldast frá árinu 2002.
Skuldir sveitarfélagsins lækkuðu
um rúmar 41 milljón á árinu. Líf-
eyrisskuldbindingar hækkuðu alls
um 66 milljónir. Skuldir og skuld-
bindingar á hvern íbúa em því 567
þúsund. Sveitarfélagið fjárfesti fyr-
ir 185 milljónir á árinu 2004.
Söluhagnaður af eignasölu nam 68
milljónum. Eigið fé sveitarfélags-
ins breyttist ekki á milli ára og er
137 þúsund á hvern íbúa.
„Við lítum þannig á að það sé
jafrívægi í rekstri sveitarfélagins,"
segir Páll Brynjarsson bæjarstjóri.
„Það hefur verið mikil uppbygging
hér að undanförnu og ekki útlit
fyrir annað en að hún haldi áffam.
Það má nefna sem dæmi að á síð-
asta ári vom tekjur af gatnagerðar-
gjöldum nærri þrefalt hærri en á-
ætlun gerði ráð fyrir og miðað við
eftirspurn eftir lóðum þá er bjart
framundan á þeim vettvangi."
GE
Þórhallur á Laugalandi
kjörinn formaður SG
Aðalfundur Sambands garð-
yrkjubænda var haldinn á Flúðum
sl. föstudag. A fríndinum komu
tveir nýir menn inn í stjórn. Mikið
var rætt um skýrslu stjómar og ekki
síst um birtingu upplýsinga úr að-
lögunarsamningi ríkisins sem gerð-
ur var við garðyrkjuna. Nokkur hiti
var í fundarmönnum þegar þeir
ræddu m.a. um úthlutun fjár til
vömþróunar og markaðsmála.
A fundinum bauð Þórhallur
Bjarnason, garðyrkjubóndi á
Laugalandi sig fram gegn sitjandi
formanni, Helga Jóhannessyni ffá
Garði í Hrunamannhreppi. Hafði
Þórhallur betur, hlaut 46 atkvæði á
móti 23 atkvæðum Helga. Auk
Þórhalls er nýr maður í stjórn
Bergvin Jóhannsson og er hann
fulltrúi kartöflubænda. Aðrir í
stjóm em Gísli Jóhannsson, sem
situr þar fyrir blómabændur, Frið-
rik Rúnar Friðriksson, sem er full-
trúi grænmetisbænda og Vernharð-
ur Gtmnarsson sem situr í stjóm
fyrir hönd garðplöntuframleið-
enda.
Þórhallur sagði í samtali við
Skessuhorn að Samband garðyrkju-
bænda hefði verið án ffamkvæmda-
stjóra um nokkra hríð og nú væri
unnið að því að finna hæfan ein-
stakling til að gegna starfinu. „Við
erum byrjaðir að vinna í rafimagns-
málum garðyrkjunnar en hún er án
samnings við raforkusala," sagði
Þórhallur. „Ég mun fyrst í stað ein-
beita mér að því að láta hjól sam-
bandsins fara að snúast á nýjan leik
effir nokkuð stopp. Vissulega var
þetta átakafundur og talsverður hiti
í inönnum og mikil undiralda, en
það þótti mikilvægt að stokka upp
því sambandið er mikilvægt til að
sinna víðtækri hagsmunagæslu fyrir
stéttina. Ég er meðvitaður um að
einhverjir aðilar hyggist kæra ffam-
kvæmd kosningarinnar m.a. vegna
ágreinings um umboð sem menn
höfðu á fundinum. En ég vona að
menn sýni skynsemi og fari að
vinna saman ffemur en að standa í
skærum,“ segir Þórhallur.
MM
Hildur Vala á Skaganum
Síminn hélt sl. laugardag heilmikla jjölskylduhdtíi á Akranesi. I boði voruýmis
skemmtiatriöi einkum fyrir yngri kynslóíina svo sem sundlaugarpartý fyrir 14-16
ára, danskennsla, trúðar, Birta og Bárður og ýmislegt fleira. Sá gestanna sem mesta
athygli vakti var nýkrýnd ldolstjama, Hildur Vala. Hér sést hún gefa nokkrum <est-
um aðdáendum eiginhandaráritanir. MM/ Ljósm. Hilmar.
Herra og ungfrú Arnardalur
Arshátíð Amardals og efstu bekkja grunnskólanna fórfram fóstudaginn 8. apríl með pomp og prakt eins og greint var frá í síðasta
blaði. Hátindur kvöldsins var krýnitig á herra og ungfrú Amardal. Það eru þau Haraldur Haraldsson og Asgerður Hlynsdóttir sem
bera þann eftirsótta titil í ár. ALS

/