Morgunblaðið - 25.05.2019, Blaðsíða 4

4 FRÉTTIRInnlent
MORGUNBLAÐIÐ LAUGARDAGUR 25. MAÍ 2019
Rau›arárstígur 14 · sími 551 0400 · www.myndlist.is
Hægt er að skoða uppboðsskrána á myndlist.is
mánudaginn 27. maí, kl. 18
Listmunauppboð
í Gallerí Fold
Listmunauppboð nr. 115
Forsýning á verkunum
fimmtudag til mánudags
Jóhann Briem
fimmtudag og föstudag kl. 10–18,
laugardag kl. 11–16, sunnudag kl. 12–16
og mánudag 10–17
„Þetta ætti að ganga vel því ég verð með straum-
inn og vindinn í bakið,“ sagði Veiga Grétars-
dóttir í gær áður en hún lagði af stað á kajak frá
Stykkishólmi til Ólafsvíkur, um 50 km leið. Hún
lagði upp frá Ísafirði þriðjudaginn 14. maí og
ætlar að róa rangsælis í kringum landið á um
tveimur til fjórum mánuðum.
Ferðin hefur gengið mjög vel, að sögn Veigu.
Veðrið hefur almennt verið gott og vindar og
straumar hagstæðir. „Reyndar var mjög erfitt að
róa frá Rauðasandi yfir á Siglunes með vindinn í
fangið alla leiðina og sama má segja um síðustu
tíu kílómetrana áður en ég kom að Flatey.“
Veiga segir að flestir hafi róið hringinn á
tveimur til þremur mánuðum. „Það er svo erfitt
að segja til um hvað þetta tekur langan tíma, því
margt spilar inn í,“ segir hún og bætir við að hún
gisti allar nætur í landi og nauðsynlegt sé að auki
að taka hvíldardaga reglulega. „Ég fer í land á
tíu til fimmtán kílómetra fresti til þess að borða
og létta á mér og ég hef mest róið 50 kílómetra á
einum degi.“
Veiga hefur haldið tvo fyrirlestra af átta á
leiðinni þar sem hún ræðir um það sem hún hefur
gengið í gegnum. Hún er transkona og reyndi að
taka líf sitt þegar hún gekk í gegnum kynleið-
réttingarferlið. Því valdi hún að safna áheitum
fyrir Píeta-samtökin meðan á ferðinni stendur.
Örlygur Sigurjónsson fylgdi henni eftir á öðr-
um kajak til Stykkishólms og Óskar Páll Sveins-
son vinnur að heimildarmynd um ferðina.
steinthor@mbl.is
Kajakróður Veigu Grétarsdóttur frá Ísafirði rangsælis í kringum Ísland fer vel af stað
Heppin með
veður til þessa
Ljósmynd/Óskar Páll Sveinsson
Kajakræðari Veiga Grétarsdóttir á leið frá Hænuvík yfir í Látravík. Sjór var stilltur en hún fann fyrir haföldu á leið fyrir Bjarnarnúp.
Gunnlaugur Snær Ólafsson
gso@mbl.is
Ekki eru til nein gögn um það hvaða
forstjórar ríkisstofnana fengu aft-
urvirka launahækkun með ákvörðun
kjararáðs árið 2011. Sagðist kjara-
ráð ætla að tilkynna hverjum og ein-
um með bréfi hvaða hækkun þeir
myndu fá, en bréfin voru aldrei
send. Þetta kemur fram í svari fjár-
málaráðuneytisins við fyrirspurn
Morgunblaðsins.
Eina launahækkunin sem vitað er
um er 214 þúsund króna hækkun
mánaðarlauna forstjóra Landspítal-
ans, en hann greindi frá því sjálfur í
forstjórapistli á vef spítalans í júlí á
síðasta ári að hann hefði 33 fleiri
yfirvinnueiningar en þær eitt
hundrað sem hann fékk samkvæmt
úrskurði ráðsins árið 2010.
Tilkynnt með bréfi
Í úrskurði kjararáðs frá 21. des-
ember 2011, sem birtur var á vef
þess, var sagt frá því að ákvörðun
um launahækkanir yrði tilkynnt
hverjum og einum með bréfi, en
ekki fylgdi ákvörðuninni neinn rök-
stuðningur. Var síðasta haust farið
þess á leit við fjármálaráðuneytið að
fá afhentar fundargerðir kjararáðs.
Í kjölfar úrskurðar úrskurðarnefnd-
ar upplýsingamála varð ráðuneytið
við beiðninni, en afhenti ekki eldri
fundargerðir en aftur til ársins 2015
þar sem úrvinnsla beiðninnar þótti
of umfangsmikil.
Var þá óskað eftir stakri fund-
argerð frá fundi ráðsins í desember
2011 og varð ráðuneytið við þeirri
beiðni. Í þeirri fundargerð kemur
aðeins fram að „ákvörðun kjararáðs
um mánaðarlaun og einingafjölda
verður birt með bréfum sem send
verða hverjum og einum“.
Beðið svars
Er þetta orðrétt sama orðalag
sem er að finna í úrskurði ráðsins og
er því með öllu óljóst hverjir fengu
afturvirka launahækkun samkvæmt
úrskurði ráðsins eða um hversu
mikla hækkun er um að ræða. Jafn-
framt er þar enginn rökstuðningur.
Var fjármálaráðuneytinu því send
fyrirspurn á ný í apríl sl. og óskað
eftir því að fá afrit af öllum fylgi-
gögnum umrædds fundar og ekki
síst afrit af þeim bréfum sem kjar-
aráð segist hafa sent hverjum og
einum. Þann 6. maí tilkynnti ráðu-
neytið að enn væri verið að skoða
erindið og að gert væri ráð fyrir því
að svar myndi berast fyrir 23. maí
og að skýring tafanna væri að gögn-
in væru ekki nema að hluta til á raf-
rænu formi og eru frá öðru stjórn-
valdi sem tefur vinnslu málsins.
Síðdegis í gær barst síðan svar
frá ráðuneytinu þar sem segir:
„Ráðuneytið hefur kannað gögn
sem stafa frá kjararáði og liggur
fyrir að engin fylgiskjöl eru með til-
vísaðri fundargerð. Þá liggur einnig
fyrir að bréf voru ekki send ein-
staklingum sem undir ráðið heyrðu,
þrátt fyrir fyrirætlan þar um í fund-
argerðinni.“
Í lögum sem voru í gildi um störf
kjararáðs segir að ráðið „skal birta
ákvarðanir sínar og úrskurði og
ástæður fyrir þeim opinberlega með
skipulegum og aðgengilegum
hætti.“ Jafnframt var ráðinu skylt
að „skilgreina samanburðarhópa og
birta í úrskurði sínum tölulegar
upplýsingar um laun og launaþróun
þeirra“ við endurmat launasetning-
ar einstakra hópa.
Reynt var í gær að ná tali af Jón-
asi Þór Guðmundssyni, fyrrverandi
formanni kjararáðs, til þess að leita
skýringa á málinu en án árangurs.
Launahækkanir kjararáðs ráðgáta
Morgunblaðið/Þórður
Fjármálaráðuneytið Svar barst loksins um kjararáð en ansi rýrt í roðinu.
 Engin gögn eru til um launahækkanir forstjóra ríkisstofnana árið 2011 Engar upplýsingar í fund-
argerð eða úrskurði  Sagðist tilkynna hverjum og einum ný kjör með bréfi, en bréfin voru aldrei send
Seðlabanki Ísland hefur greint frá
því að boðuð skýrsla um 500 millj-
óna evra lánið sem bankinn veitti
Kaupþingi sama dag og neyðarlögin
voru sett árið 2008 verði birt á
mánudaginn. Í skýrslunni er einnig
ætlunin að varpa ljósi á sölu Seðla-
bankans á FIH-bankanum í Dan-
mörku en neyðarlánið var veitt
gegn allsherjarveði í bankanum á
sínum tíma.
Skýrslan hefur verið í vinnslu frá
2015 og hefur útgáfu hennar ítrek-
að verið frestað. Í viðtali sem birt
var við Má Guðmundsson seðla-
bankastjóra í ViðskiptaMogganum
20. mars síðastliðinn kom fram að
skýrslan myndi koma út 30. apríl. Í
síðustu tilkynningu frá bankanum
var útgáfudagur skýrslunnar sagð-
ur 14. maí.
Neyðarlán upp-
lýst á mánudag
 Skýrslan verið í vinnslu frá 2015
Morgunblaðið/Ómar