Morgunblaðið - 25.06.2019, Síða 6

6 FRÉTTIRInnlent
MORGUNBLAÐIÐ ÞRIÐJUDAGUR 25. JÚNÍ 2019
Ragnhildur Þrastardóttir
ragnhildur@mbl.is
Fyrningar óskilorðsbundinna dóma
hafa einungis verið fimm það sem af
er ári, en síðustu ár hafa fyrningar
verið um og yfir 30 árlega.
„Ég er ákaflega ánægður með
þetta en í mínum huga er það ein af
grunnstoðum réttarríkisins að refs-
ingar séu fullnustaðar,“ segir Páll
Winkel fangelsismálastjóri.
„Það hefur verið vandamál alveg
frá efnahagshruni að við höfum ekki
náð að fullnusta allar refsingar en
núna erum við loksins farin að sjá ár-
angur með mikilli innspýtingu ríkis-
valdsins í þennan málaflokk.“
Fleiri rými og úrræði
Þeir einstaklingar sem ekki hafa
sinnt boðun í fangelsi mega nú búast
við því að sæta handtöku lögreglu.
„Við viljum komast hjá því þannig að
ég var að hvetja þetta fólk til þess að
setja sig í samband við okkur og
skipuleggja fangelsun vegna þess að
það verða gefnar út handtökubeiðnir
á alla þá sem ekki hafa mætt og er
búið að gera í vissum tilvikum.“
Páll segir ýmislegt valda því að
fyrningum hafi fækkað svo mikið.
„Við erum með fleiri fangelsisrými
en áður, en það er jafnframt búið að
breyta lögum um fullnustu refsingar
þannig að það er hægt að fullnusta
fleiri refsingar með samfélagsþjón-
ustu til dæmis. Önnur úrræði hafa
sömuleiðis verið tekin upp eins og
ökklabönd eða rafrænt eftirlit svo
það er verið að vinna í þessu á öllum
sviðum,“ segir hann.
Þá er einnig sérstakt átaksverk-
efni í gangi. „Þar sem teymi vinna í
því að fara markvisst yfir þessa lista
og tryggja að einstaklingar skili sér
inn með góðu eða illu svo refsingar
fyrnist ekki,“ segir Páll.
Hann segir þó að ákjósanlegast
væri að engir dómar myndu fyrnast.
„Það er og verður markmiðið hjá
okkur. Jafnframt stefnum við á að
fullnusta komi í beinu framhaldi af
dómsuppkvaðningu. Það er mjög
stórt atriði í réttarríkinu sem við bú-
um í, til þess að refsingarnar þjóni
tilgangi sínum þá verði þær fullnust-
aðar í beinu framhaldi af dómsupp-
kvaðningu.“
Þetta þarf að bæta, að sögn Páls.
„Sumir hafa beðið lengi. Það skýtur
skökku við að boða mann í fangelsi
sem hugsanlega hefur snúið af braut
afbrota og hefur í nokkur ár verið að
taka til í lífi sínu, kannski að mennta
sig og kominn í vinnu og svo fram
vegis og þá þarf viðkomandi að fulln-
usta refsinguna mörgum árum
seinna. Það er mjög öfugsnúið og á
ekki að vera þannig. Við höfum verið
að bregðast við þessu og stjórnvöld
sömuleiðis.“
28
3
6
9
20
35
32
35 35
5
Fjöldi fyrninga óskilorðsbundinna refsinga
2009 til 2018 og það sem af er ári 2019
40
35
30
25
20
15
10
5
0
2009 2010 2011 2012 2013 2014 2015 2016 2017 2018 2019
Heimild: Fangelsismálastofnun
2
Það
sem af
er ári
Færri fangelsis-
dómar fyrnast
 Fleiri fangelsisrými og ný úrræði
Sigurður Bogi Sævarsson
sbs@mbl.is
„Á góðum skipum með traustri og
góðri áhöfn er þetta starf ævintýrið
eitt, ekki síst á dögum eins og núna
þegar er sól og blíða og sjórinn hér á
sundinu milli lands og Eyja speg-
ilsléttur. Það er fínt að enda ferilinn
svona,“ segir Ívar Gunnlaugsson,
skipstjóri á Herjólfi. Frá liðnu
hausti – og einnig fyrr á árum – hef-
ur hann verið skipstjóri á Vest-
mannaeyjaferjunni, skipinu sem
tekið verður úr þjónustu þegar ný
ferja, sem kom til landsins um dag-
inn, fer í áætlunarsiglingar. Þar með
lýkur sjómannsferli Ívars sem
spannar 52 ár.
Viðvaningur og bátsmaður
Ívar var sextán ára þegar hann
réð sig sem háseta á síldarbátinn Ot-
ur frá Stykkishólmi. Eftir stutt út-
hald þar munstraðist hann svo á
Dettifoss, hvar Þóarinn Ingi Sig-
urðsson móðurbróðir hans var skip-
stjóri. „Ég byrjaði sem þilfars-
drengur, eins og starfið var kallað,“
segir Ívar. „Sem slíkur var ég til að-
stoðar í messanum, sá um uppvaskið,
þreif vistarverur og var á dekkinu að
skrapa og mála þegar stund gafst.
Síðan hreinlega vann ég mig upp; var
viðvangur, háseti og bátsmaður og
eftir Sjómannaskólann stýrimaður á
öllum stigum og loks skipstjóri,“ seg-
ir Ívar.
Ævintýri á Gullfossi
Nánast allan sinn sjómannsferil
hefur Ívar verið hjá Eimskip – utan
nokkur misseri hjá Ríkisskipum fyrir
um þrjátíu árum. „Mér telst til að ég
hafi verið á um það bil fimmtíu skip-
um. Mest hef ég verið í millilanda-
siglingum, var meðal annars á Gull-
fossi 1969-1970 þegar siglt var frá
Íslandi til Hamborgar, Leith í Skot-
landi og Kaupmannahafnar. Sá tími
er sveipaður ævintýraljóma í margra
huga sem ég skil vel. Annars hef ég
mest verið í fraktsiglingum og í þeim
finnur maður vel hvernig þjóð-
arbúskapurinn gengur. Mest er flutt
út af fiski og áli og þegar gott verð
fæst fyrir þær afurðir eykst innflutn-
ingur á neysluvörum,“ segir Ívar.
„Breytingarnar eru annars mikl-
ar. Þegar ég var á gamla Dettifossi
árið 1968 voru 32 í áhöfn. Núver-
andi skip með þessu nafni er er
14.600 tonn og skipverjar eru 13.
Siglingatæki í dag eru líka allt önn-
ur en var. Árið 1977 fengum við í
skipin lórantæki sem við gátum
staðsett okkur með hér á hafinu
með hljóðmerkjum. Síðar komu svo
GPS-tækin og síðan hefur hvað rek-
ið annað,“ segir Ívar sem lengi var í
strandsiglingum á Mánafossi og
sigldi þá í hafnir í afskekktum
byggðum landsins. Frá 2006 til
2012 var hann skipstjóri á Herjólfi
og kom svo aftur inn síðasta haust.
List í Landeyjahöfn
„Maður er stundum órólegur á
Herjólfi ef eitthvað er að veðri, því
ábyrgðin sem fylgir því að vera
skipstjóri með 400 farþega um borð
er mikil. Sérstaklega gildir þetta
um Landeyjahöfnina, að sigla þang-
að inn er stundum heilmikil list og
ekkert má bera út af,“ segir Ívar –
sjómaður í hálfa öld og rúmlega
það.
Morgunblaðið/Sigurður Bogi
Skipstjóri Ívar Gunnlaugsson í brúnni á Herjólfi. Sjómannsferillinn á stórskipum er langur og margt hefur gerst.
Þilfarsdrengurinn í land
 Ívar Gunnlaugsson í síðustu ferðunum á gamla Herjólfi
 Hættir eftir 52 ár á sjó  Hefur verið á fimmtíu skipum
Eyjólfur Árni
Rafnsson, for-
maður Samtaka
atvinnulífsins,
segir að í augum
SA sé sjálfstæði
lífeyrissjóðanna
grundvallaratriði.
Þetta sagði
Eyjólfur Árni
þegar Morgun-
blaðið spurði
hann í gær hvaða skoðun SA hefði á
því að VR hefði skipt út fjórum
stjórnarmönnum sínum í Lífeyr-
issjóði verslunarmanna, afturkallað
umboð þeirra og tilnefnt fjóra nýja
stjórnarmenn í þeirra stað, vegna
þess að stjórnin hafði ákveðið að
hækka breytilega vexti verð-
tryggðra sjóðfélagalána um 0,2%.
„Við hjá Samtökum atvinnulífsins
höfum enga skoðun á því hvaða
stjórnarmenn aðrir aðilar skipa inn í
stjórnir lífeyrissjóða,“ sagði Eyjólf-
ur Árni.
Hann segir að SA leggi áherslu á
það hvert hlutverk lífeyrissjóða sé.
„Hlutverk lífeyrissjóða er að ávaxta
með sem bestum hætti inneign sjóð-
félaga til þess að greiða þeim ein-
staklingum sem í hlut eiga eftirlaun
þegar að því kemur,“ sagði Eyjólfur
Árni. agnes@mbl.is
Segir sjálfstæði sjóð-
anna grundvallaratriði
Eyjólfur Árni
Rafnsson
Farice ehf., sem rekur sæstrengina
Farice og Danice, hefur lokið
tveimur umbótaverkefnum í Bret-
landi í þeim tilgangi að auka öryggi
fjarskiptasambanda Íslands við um-
heiminn. Verkefnin fólust í því að
fjölga landleiðum frá landtökustað
Farice-1 í Skotlandi til afhending-
arstaðar í London og að taka í notk-
un nýjan afhendingarstað í Slough,
vestur af London.
Landleiðir sæstrengsins frá Skot-
landi til London hafa að mestu ver-
ið tvöfaldar. Þær hafa verið taldar
veikustu hlekkir fjarskiptakerfis
fyrirtækisins. Farice hefur nú sam-
ið við fjarskiptafyrirtækið BT
Wholesale um að tengja tvær nýjar
leiðir frá landtökustað til afhend-
ingarstaða. Auk bætts öryggis eru
samningarnir hagkvæmari en þeir
eldri, að því er fram kemur í frétta-
tilkynningu.
Notaður hefur verið einn afhend-
ingarstaður í London. Til þess að
dreifa áhættu hefur Farice bætt við
nýjum afhendingarstað, í Slough
vestur af London, hjá Equinix sem
er eitt stærsta hýsingarfyrirtæki
heims. helgi@mbl.is
Öruggara samband við Evrópu
Góð
heyrn
glæðir samskipti
ReSound LiNX Quattro
eru framúrskarandi heyrnartæki
Hlíðasmára 19 • 201 Kópavogur • Sími 534 9600 • heyrn.is
Erum flutt í
Hlíðasmára 19
Fagleg þjónusta hjá
löggiltum heyrnarfræðingi
Með þeim færðu notið minnstu smáatriða hljóðs sem berst þér til eyrna.
Í þeim er nýr örgjörvi með 100% meiri hraða, tvöfalt stærra minni og eru
sérlega sparneytin.
Tækin eru heyrnartól fyrir þráðlaust streymi úr síma og öðrum tækjum.
Hægt að stjórna allri virkni með appi eða með takka á tækjum. Eru með
rafhlöður, sem hlaðast þráðlaust á einfaldan hátt, eða með einnota rafhlöður.