Morgunblaðið - 01.06.2019, Page 14

14 MORGUNBLAÐIÐ LAUGARDAGUR 1. JÚNÍ 2019
Skúli Halldórsson
sh@mbl.is
H
átíðinni hefur vaxið ásmegin í gegn-
um tíðina en á sama tíma hefur hún
haldið sínu hefðbundna sniði. Það
eru þessir föstu punktar á borð við
Bryggjuballið, litaskrúðgönguna
og skemmtisiglinguna,“ segir Kristín María.
„Og við erum náttúrlega búin að panta gott
veður í ár, við lögðum inn pöntun strax í jan-
úar. Mér sýnist það ætla að ganga eftir og það
skiptir miklu máli.“
Byrjað snemma að skreyta í ár
Í aðdraganda hátíðarinnar er bænum skipt
niður í fjögur hverfi, rautt, blátt, appelsínugult
og grænt, og til marks um áhrif góðs veðurs á
stemninguna í bænum bendir hún á að íbúar
hafi sumir hverjir byrjað að skreyta nær-
umhverfi sitt í veðurblíðunni síðastliðinn
sunnudag.
„Ég man hreinlega ekki eftir því að fólk hafi
byrjað á því svona snemma á síðustu árum.
Veðrið hefur tvímælalaust áhrif.“
Hátíðin hófst í gær með svokallaðri lita-
skrúðgöngu, þar sem íbúar hverfanna fjögurra
mættust á krossgötum og gengu svo saman
niður Ránargötuna í einni fylkingu og alla leið
að hátíðarsvæðinu.
Í kjölfarið var Bryggjuballið, en þangað
kom söngvarinn Hreimur og stýrði svoköll-
uðum bryggjusöng. Svo mætti Páll Óskar í öllu
sínu veldi með dansara, glans og stanslaust
stuð, og loks sló hljómsveitin Bandmenn upp
alvöru bryggjuballi fyrir alla fjölskylduna.
Í dag, laugardag, er svo nóg um að vera, og
eins á morgun. Á rúmum tveimur áratugum
hefur hátíðin þróast í að verða stærsti við-
burður bæjarins ár hvert.
Gestirnir streyma í bæinn
„Þetta er stóri viðburðurinn okkar Grindvík-
inga og við erum afskaplega stolt af þessari
hátíð. Enda streyma í bæinn gestir sem vilja
taka þátt í hátíðarhöldunum með okkur.“
Dagskrá hátíðarinnar er fjölbreytt að venju
og fjölmargt í boði fyrir alla aldurshópa að
sögn Kristínar. Meðal annars hafa Hafrann-
sóknastofnun og Samherji lagt til lifandi fiska
fyrir börn til að skoða í kerum á hátíðarsvæð-
inu, en einnig sækir kafari fiska í hafið og kem-
ur með til sýnis.
„Til viðbótar eru síðan ýmis leiktæki; tívolí-
tæki, hoppkastalar og fleira. Við leggjum sér-
staka áherslu á að hafa ókeypis í næstum allt
það sem ætlað er börnunum. Í raun er það
bara fallturninn þar sem þarf að borga fyrir
skiptið. Þetta fannst okkur, Sjómanna- og vél-
stjórafélaginu og Verkalýðsfélagi Grindavíkur
mjög mikilvægt, enda vill enginn gera upp á
milli barnanna.“
„Þetta er stóri viðburðurinn okkar“
Sjómanna- og fjölskylduhátíðin Sjóarinn síkáti í Grindavík
fer fram nú um helgina í 24. skipti. Kristín María Birgisdóttir,
upplýsinga- og markaðsfulltrúi Grindavíkur, segir hátíðina
á undanförnum árum hafa sannarlega fest sig í sessi sem
ein skemmtilegasta og fjölbreyttasta bæjarhátíð landsins.
Bláir eru bestir. Eða það finnst bláum að minnsta kosti. Byrjað var að skreyta bæinn síðustu helgi.
Kristín segir að búið sé að panta gott veður. Var pöntunin lögð inn strax í janúar.
Grænir, rauðir, bláir og appelsínugulir ganga fylktu liði niður Ránargötuna á föstudeginum.
Börnunum ætti ekki að leiðast um sjómannadagshelgina í Grindavík.
Páll Óskar hélt að sjálfsögðu uppi stanslausu stuði í Grindavík í gærkvöldi.
Sjóarinn síkáti er fjölskylduhátíð þar sem ung-
ir sem aldnir geta fundið eitthvað við sitt hæfi
frá morgni til kvölds. Föstudagurinn einkennist
af hátíðarhöldum og þátttöku heimamanna.
Íbúar skreyta götur og hús í litum hverfa og
klæða sig í samræmi við það. Farin er lita-
skrúðganga sem markar upphaf hátíðarhald-
anna niður að hátíðarsvæðinu við Hafnargötu.
Íbúar og gestir safnast saman á hátíðarsvæð-
inu og taka þátt í fjöldasöng. Kvöldið endar á
svokölluðu Bryggjuballi á hátíðarsvæðinu.
Á laugardeginum er boðið upp á fjölbreytta
barnadagskrá þar sem hægt er að fara í
skemmtisiglingu og fjöldi leiktækja er í boði
fyrir gesti og andlitsmálun fyrir þá sem vilja.
Tónleikar og viðburðir eru á veitingastöðum
bæjarins og á hátíðarsviðinu verður fjölbreytt
dagskrá fyrir börn á öllum aldri sem þeir Gunni
og Felix sjá um að kynna.
Sunnudagurinn einkennist af hátíðar-
höldum sjómannadagsins, til heiðurs sjó-
mönnum og fjölskyldum þeirra.
Hátíðarmessa verður í Grindavíkurkirkju
þaðan sem gengið verður í Sjómannagarðinn
þar sem krans verður lagður að minnisvarð-
anum Von.
Þaðan liggur leiðin að hátíðarsvæðinu og
eftir athöfn þar hefst fjölbreytt barnadagskrá.
Leiktæki, andlitsmálning og fiskabúr með
nytjafiskum og furðufiskum verða við höfnina.
Eldri borgarar í Víðihlíð halda daginn hátíð-
legan og fá til sín góða gesti.
Nánari upplýsingar um viðburði á hátíðinni
má finna á vefnum: www.grindavik.is/
sjoarinnsikati
Hátíðarmessa á
sjómannadeginum
Fulltrúar appelsínugula hverfisins á góðri
stundu á sjómannadeginum í fyrra.