Morgunblaðið - 01.06.2019, Síða 23

LAUGARDAGUR 1. JÚNÍ 2019 MORGUNBLAÐIÐ 23
nákvæmari skráning „næstumslysa“.
„Reynslan sýnir að tíðni slysa líkist píramída:
Áður en slys verður hefur oft munað litlu
nokkrum sinnum áður, og áður en alvarlegt slys
verður hafa orðið nokkur minniháttar slys af
sama toga. Það er því mikilvægt að útgerðir og
fiskvinnslur innleiði atvikaskráningu þar sem
haldið er utan um allar hættur sem koma í ljós í
daglegum störfum starfsfólks.“
Það verður áhugavert að fylgjast með þróun-
inni á komandi árum og þá sérstaklega hvaða
áhrif alls kyns tækniframfarir koma til með að
hafa. Þannig eru nú þegar komin skip í íslenska
flotann sem láta sjálfvirkar vélar raða körum of-
an í lestina svo að ekki þarf lengur að láta
áhafnarmeðlimi inna þetta erfiða og hættulega
starf af hendi. Sjálfvirknivæðing þýðir líka að
hægt er að veiða og verka jafnmikinn eða meiri
afla með færri áhafnarmeðlimum. Þar sem skip-
in geta verið tengd við netið út á miðunum er nú
einnig mögulegt að koma fyrir n.k. læknastöð
um borð þar sem gera má helstu mælingar og
leita ráðgjafar hjá lækni ef sjómaður veikist eða
slasast lítillega við veiðar.
Morgunblaðið/Sigurður Bogi
Frá námskeiði hjá Slysavarnaskóla sjómanna. Þar eru kennd rétt viðbrögð við hvers kyns slysum.Morgunblaðið/Árni Sæberg
Mynd úr safni af æfingaflugi með
Landhelgisgæslunni. Allir leggjast á
eitt við að gera vinnu á sjó öruggari.
Reglulegar æfingar eru áríðandi.
Morgunblaðið/RAX
Björgunaræfing á Viðeyjarsundi. Bæði slysum sem valda örorku og banaslysum hefur fækkað.