Morgunblaðið - Sunnudagur - 11.08.2019, Blaðsíða 20

20 MORGUNBLAÐIÐ SUNNUDAGUR 11.8. 2019
LÍFSSTÍLL
Opið: 8-18 virka daga 10-14 á laugardögum Síðumúla 22 | Sími 517 0404 | serefni.is
Veldu betri málningu
PALLAOLÍA
* Litur á palli EJLINGE
• Allround olían er efnisrík
gæðaolía sem endist lengur
• Margir fallegir litir*
Edinborg hefur löngum gengiðundir auknefninu Aþena norð-ursins og skal engan undra í
ljósi þess mikla fjölda hugsuða og vís-
indafólks sem búið hefur og starfað í
borginni í gegnum tíðina. Meðal
þeirra má nefna heimspekinginn
David Hume, hagfræðinginn Adam
Smith og rithöfundinn Walter Scott.
Þegar gengið er um Edinborg verður
fljótt ljóst að sagan leynist við hvert
fótmál og margt hægt að skoða.
Fyrst ber þar auðvitað að nefna
sjálfan Edinborgarkastalann sem
gnæfir hátt yfir borginni, en þar má
meðal annars sjá hvers konar vist
föngum var boðið upp á 17. og 18. öld
og herbergið þar sem María Skota-
drottning fæddi son sinn Jakob, sem
síðar varð konungur Skotlands, Eng-
lands og Írlands. Frá kastalanum má
ganga beina leið í gegnum gamla
bæinn að Holyrood-höllinni þar sem
María bjó um tíma. Beina leiðin milli
bygginganna er nefnd Royal Mile eða
Konunglega mílan, sem helgast af því
að umrædd vegalengd er rétt rúm
míla og tekur því um tuttugu mínútur
að ganga hana sé ekkert stoppað.
Margt er hins vegar að sjá á leiðinni.
Má þar meðal annars nefna safnið
Camera Obscura sem á fimm hæðum
býður upp á skemmtilegar sjónhverf-
ingar sem gleðja gesti á öllum aldri;
Real Mary King’s Close, þar sem
fræðast má um sögu borgarinnar og
ganga um þröng stræti sem lentu
neðanjarðar þegar byggt var ofan á
þau um miðja 18. öldina sökum skorts
á byggingarlandi innan borgarmúr-
anna; Museum of Childhood sem
helgað er gömlum leikföngum;
Skoska þinghúsið og safnið Our
Dynamic Earth þar sem náttúru-
vísindi eru í hávegum höfð.
Skammt frá minnismerkinu um rit-
höfundinn Walter Scott á Princes
Street má finna Skoska ríkislista-
safnið á The Mound sem er vel þess
virði að skoða. Aðgangurinn er
ókeypis, líkt og á öðrum ríkissöfnum.
Enginn ætti að láta Skoska þjóð-
minjasafnið, sem er á Chambers
Street, framhjá sér fara, en auðvelt
er að eyða heilum degi í safninu sem
er einstaklega barnvænt, enda sýn-
ingar að hluta gagnvirkar. Þar má sjá
sérsýningu um sögu Skotlands og
stórar sýningar helgaðar bæði
tækninni og dýrum, auk þess sem
safnið rúmar gripi frá Egyptalandi
hinu forna og hljóðfæri frá ýmsum
heimshlutum svo fátt eitt sé nefnt.
Um helgar má rekast á hina ýmsu
matar- og bændamarkaði í Edinborg.
Alla laugardaga ársins milli kl. 9 og
13.30 má ganga að einum slíkum vís-
um á Castle Terrace. Að lokum má
mæla með hálandaferðum, en mörg
fyrirtæki bjóða upp á dagsferðir þar
sem tækifæri gefst meðal annars til
að skoða Stirling-kastala sem er ein-
staklega glæsilegur.
Morgunblaðið/Silja Björk Huldudóttir
Perla í norðri
Edinborg sameinar sögu, menningu og náttúru
með skemmtilegum hætti.
Silja Björk Huldudóttir silja@mbl.is
Kastalinn gnæfir
tignarlega yfir
Edinborg og sést
langt að.
Uglan Hazel á sína eigin facebooksíðu
þar sem vegfarendur deila gjarnan
flottum myndum sínum með henni.
Ungur sekkjapípuleikari á Princes
Street fyrir framan minnismerki
Walters Scott sem reist var 1840-44.
Einn frægasti íbúi Edinborgar er án
efa María Skotadrottning sem ríkti
1542-67. Frænka hennar, Elísabet I.
drottning Englands og Írlands, fyrir-
skipaði aftöku hennar árið 1587.
María fæddi son sinn, Jakob, í
Edinborgarkastala sumarið 1566.
Stytta til heiðurs James Young Simp-
son sem fyrstur lækna notaði klóró-
form til að svæfa sjúklinga sína.