Skessuhorn - 07.01.2015, Side 16

16 MIÐVIKUDAGUR 7. JANÚAR 2015
Á forsíðu síðasta tölublaðs Skessu-
horns á nýliðnu ári getur að líta fal-
lega ljósmynd. Hún var tekin að
kvöldi annars dags jóla á Eiríksstöð-
um í Haukadal, við bæ Eiríks rauða
Þorvaldssonar, vandræðamanns af
Vesturlandi sem varð fyrstur nor-
rænna manna til að nema land
á Grænlandi eins og frægt er af
fornum sögum. Ljósmyndin sýn-
ir hvernig norðurljósin loguðu yfir
Vesturlandi þetta kvöld. Steinunn
Matthíasdóttir í Búðardal tók þessa
mynd. „Þetta er frístundaáhuga-
málið. Algerlega. Ég er forfall-
inn áhugaljósmyndari,“ segir hún í
samtali við Skessuhorn.
Fór að mynda
í fæðingarorlofi
Steinunn hefur heldur betur hasl-
að sér völl sem áhugaljósmyndari
á liðnum árum. Þó hefur hún ekki
stundað þetta í mörg ár. „Í rauninni
fór ég ekkert að gefa ljósmyndun-
inni einhvern séns fyrr en ég var í
fæðingarorlofi með yngsta barnið
okkar hjóna fyrir um sex árum síð-
an,“ útskýrir hún. „Ég held ég eigi
móður minni mest að þakka að ég
fór að fikta við ljósmyndun. Hún er
einnig áhugaljósmyndari og stofn-
aði sjálf eigin aðgang að myndum
sínum á vefsvæðinu flickr.com. Ég
fylgdi svo á eftir og við skiptumst
á myndum og ræddum saman um
ljósmyndun. Til að byrja með var
það mikið til í læstum aðgangi en
svo fórum við smátt og smátt að
leyfa myndunum okkar að sjást. Það
er ljúft að eiga sameiginlegt áhuga-
mál með móður sinni. Ég hef lengi
haft gaman af því að skoða falleg-
ar myndir. Það er gaman að fylgj-
ast með listsköpun annarra en það
þarf ekki endilega að vera háð ljós-
myndun. Ég hef t.d. mikla ánægju
af því að fylgjast með sköpunar-
störfum systur minnar sem er mjög
virk myndlistarkona á Akureyri. Ég
held að mannfólkið hafi talsverða
þörf fyrir að skapa á einhvern hátt,
það er bara misjafnt hvað hentar
hverjum og einum. En ljósmynd-
unin heillar mig mjög. Þegar ég
byrjaði 2008-2009 var ég enn með
gömlu stafrænu myndavélina mína
sem var 2,2 megapixlar. Hún virk-
ar enn vel. Ég hefði þó viljað byrja
miklu fyrr og þá myndað börn-
in mín með meiri myndgæðum en
ég gerði á sínum tíma. Með því að
hella mér út í þetta fylgdi þó loks að
uppfæra myndavélakostinn.“
Myndar helst mannlíf
og landslag
Hún segist hafa gaman af að taka
myndir af nánast öllu. „Þó hef ég
ekki verið neitt í fuglaljósmyndun
sem heitir, kannski vegna þess að
ég hef ekki átt linsur sem henta í
það, svo er ég ekki viss um að ég
hafi þolinmæðina sem til þarf. En
við eigum marga einstaklega góða
fuglaljósmyndara hér á Íslandi, ég
held að ég haldi bara áfram að dást
að þeirra verkum. En það er samt
aldrei að vita hvað manni dett-
ur í hug. Ég er mjög hrifin af því
að taka portrettmyndir og ljós-
myndir af mannlífinu. Svo hef ég
tekið myndir af landslagi. Þetta
er allt svo gaman. Ég er búin að
koma mér upp stúdíóaðstöðu í bíl-
skúrnum heima. Maðurinn minn
er með heilt verkstæði svo ég hlýt
að mega fá bílskúrinn aðeins lánað-
an,“ segir Steinunn kankvís og bæt-
ir við: „Hann hefur verið duglegur
að styðja mig í þessu, hefur gaman
af því sem ég er að gera og kem-
ur stundum með mér í ljósmynda-
ferðir. Þó myndar hann ekki sjálf-
ur.“
Síðastliðið haust opnaði Stein-
unn eigin síðu á Facebook sem heit-
ir „Steina Matt – Photography“.
Þar má skoða margar af þeim ljós-
myndum sem hún hefur tekið.
Stöðugt bætist við. „Svo er ég líka
búin að vera með myndirnar mínar
um árabil á Flickr (www.flickr.com/
photos/steinamatt). Mér finnst gott
að halda þeirri síðu. Hún sýnir vel
þróunina hjá mér í ljósmyndun-
inni.“
Vinsælt áhugamál á
Vesturlandi
Ljósmyndun er áhugamál sem
virðist höfða mjög til stöðugt fleiri
Vestlendinga. Þessa hefur með-
al annars mátt sjá merki á síð-
um Skesshorns. Blaðið hefur iðu-
lega prentað ljósmyndir eftir frí-
stundaljósmyndara í landshlutan-
um. Margar þeirra eru hrein lista-
verk. Steinunn segir að eins og svo
víða þá hafi þessi áhugi fest rætur
í Dölum . „Við stofnuðum áhuga-
ljósmyndaraklúbb hér í Dölunum
í fyrravor en við búum í litlu sam-
félagi og það á eftir að koma í ljós
hversu virk við verðum, en þetta er
alltaf byrjunin. Það er greinilega
mikil gróska í ljósmyndun á Vestur-
landi og gaman að sjá hvernig fólk
nær saman í kringum áhugamál-
ið. Ljósmyndaklúbburinn Vitinn á
Akranesi er til að mynda hópur sem
er að gera marga góða hluti. Eitt af
því sem er svo ánægjulegt við þenn-
an ljósmyndaheim er að fólk er
með aðstoð vefsins að fylgjast með
verkum hvers annars og koma með
uppbyggjandi athugasemdir. Marg-
ir eru mjög duglegir að miðla sín-
um myndum og fólk hjálpar hvert
öðru með hollráðum um aðferðir
og búnað. Ólíkt fólk nær saman í
gegnum þetta áhugamál. Úr verður
vinskapur sem mögulega hefði ann-
ars ekki orðið.“
Steinunn segist ætla að halda
áfram að taka ljósmyndir. Þó hafi
komið stundir þar sem hún hafi
sagt við sjálfa sig að nú sé hún hætt.
„Þá er það fullkomnunarárátt-
an sem er að fara með mig,“ segir
Steinunn en bætir við að hún sé nú
samt orðin sannfærð um að þarna
sé hún á réttri hillu. „Myndvinnslan
heillar líka, það er að vinna úr sjálf-
um ljósmyndunum með þeim hug-
búnaði sem völ er á í dag. Ég tók
nokkur fög í fjarnámi frá Tækni-
skólanum í fyrravetur og á bara
eftir að melta það hvort ég ætli að
klára þann pakka, þ.e. ljósmynda-
námið. Ég gæti alveg hugsað mér
að starfa sem atvinnuljósmyndari
þó það sé nú vart grundvöllur fyr-
ir slíku í fullu starfi hér í Dölunum,
en maður veit nú aldrei. “
Ísfirðingur í hjarta sínu
Þetta viðtal er tekið í Búðardal í
hádeginu á fyrsta föstudegi annars
dags hins nýja árs 2015. Við sitj-
um í verslun KM þjónustunnar.
Það fyrirtæki er staðsett við Vestur-
braut, götuna sem liggur í gegnum
bæinn og er í reynd hluti af þjóð-
veginum gegnum Búðardal. For-
vitnum blaðamanni leikur hugur
á að vita meira um það hver hún
sé, Steinunn Matthíasdóttir, eða
Steina Matt eins og hún kallar sig
í ljósmyndaheiminum. „Ég er Ís-
firðingur að uppruna en þar fædd-
ist ég og bjó fyrstu árin. Móðir mín
er Bolvíkingur og pabbi Ísfirðing-
ur. Hingað í Búðardal flutti ég hins
vegar frá Borðeyri við Hrútafjörð.
Það var í nóvember aldamótaárið
2000. Þetta fyrirtæki hér dró okk-
ur hjónin hingað með tvö lítil börn.
Karl Ingi Karlsson eiginmaður
minn er ættaður héðan úr Dölun-
um. Hann var með vöruflutninga-
fyrirtæki í Hrútafirði en við vorum
eiginlega toguð hingað til að taka
við verkstæðinu hér sem þá hafði
verið lokað um tíma. Þá samein-
uðu hann og félagi hans verkstæði
og vöruflutninga í einn rekstur sem
ber nafnið KM þjónustan. Verslun-
in bættist við síðar og í dag rekum
við bílaverkstæði og þessa verslun
sem hefur vaxið með árunum.“
Við komum nánar að versluninni
síðar í viðtalinu. Fyrst aðeins meira
um Steinunni. „Karl Ingi hafði
búið á Borðeyri frá barnsaldri. Ég
flutti þangað tíu ára gömul ásamt
fjölskyldu minni en foreldrar mín-
ir fóru þangað til starfa sem kenn-
arar. Við kynntumst svo þarna og
urðum síðar par. Rætur mínar eru
samt alltaf vestur í Bolungarvík og
á Ísafirði þó ég hafi flutt þaðan sex
ára gömul. Þar á ég ættingja, bæði
ömmur og afa og fleira gott fólk.
Náttúran vestra togar líka sterkt í
mig. Mér líður mjög vel þegar ég
fer vestur. Ef ég á að kynna mig og
segja hvaðan ég sé, þá er ég Ísfirð-
ingur. Það er mjög sterk taug í mér
þangað. Ég reyni alltaf að komast
vestur á hverju ári í sumarfríum
og þess háttar. Ætli ég sé ekki dá-
lítið eins og farfuglarnir, vil kom-
ast á flakk þegar vorar og þá helst
þangað sem ræturnar liggja. Ég
kem alltaf endurnærð til baka það-
an. Það er gott að eiga svona para-
dís til að sækja heim.“
Kennari og verslunar-
kona í Búðardal
Steinunn tók framhaldsskólanám
sitt í Reykjavík og lauk þar stúd-
entsprófi. Að því loknu fór hún í
kennaranám. „Það tók ég í fjar-
námi. Þá vorum við búin að eignast
okkar fyrsta barn og bjuggum úti á
landi. Það var hörku vinna en mað-
ur getur allt ef maður ætlar sér það
þannig lagað,“ segir hún og bros-
ir við endurminninguna. Námið
skilaði henni starfi í Búðardal. „Ég
byrjaði að kenna hér við grunn-
skólann árið 2001 og gerði það allt
þar til nú í vetur. Hann er sá fyrsti
síðan þá þar sem ég starfa ekki við
kennslu.“
Ástæða þessa er sú að það urðu
breytingar í rekstri KM þjónust-
unnar. „Þeir voru þrír sem áttu fyr-
irtækið í sameiningu, Karl Ingi og
tveir félagar hans. Annar þeirra
ákvað hins vegar að gerast bóndi
í Strandasýslu og losaði sig því úr
rekstrinum hér. Vöruflutningarn-
ir voru svo seldir úr fyrirtækinu
árið 2013. Þriðji eigandinn sem
var mest í vöruflutningunum ákvað
þá að selja sinn hlut líka en starf-
ar enn í sama húsnæði hjá Vöru-
Steinunn Matthíasdóttir áhugaljósmyndari í Búðardal:
Kennari sem selur skrúfur
Hjónin Karl Ingi Karlsson og Steinunn Matthíasdóttir. Þessar myndir eiga sér sögu. Af tilefni Haustfagnaðar í Dölum síðast-
liðið haust var sett upp sýning ljósmyndaportretta í verslunarhúsnæði KM þjónustunnar. Steinunn tók myndirnar í stúdíói
sem var sett upp á fóðurlager fyrirtæksins af öllum þeim sem voru mættu í morgunkaffi KM þjónustunnar tvo daga í röð.
Árangurinn varð fjöldi portrettmynda sem enn prýðir vegg í versluninni. Þessar tvær eru í þeim hópi.
Börn Steinunnar og Karls Inga, þau Matthías Karl (15 ára), Dagbjört María (6 ára) og Sunna Björk (18 ára). Allar ljósmyndir
með þessu viðtali eru teknar af Steinunni.
Svokölluð macro-mynd af biðukollu.