Skessuhorn - 07.01.2015, Síða 22

22 MIÐVIKUDAGUR 7. JANÚAR 2015
Hvernig leggst nýja
árið í þig?
Spurning
vikunnar
(Spurt á Akranesi)
Halla Þorsteinsdóttir:
Það leggst bara vel í mig. Þetta
verður gott ár hvernig sem það
fer.
Ásdís Magnúsdóttir:
Það leggst vel í mig, verður von-
andi gott ár.
Erla Tómasdóttir:
Mjög vel, þetta verður best.
Erna Ósk Tómasdóttir.
Rosalega vel, verður betra en í
fyrra.
Sigurbjörn Kári Hlynsson:
Þetta er bara flott ár og á eftir
að verða gott. Þetta er flott tala,
mér líkar vel við tölur sem fimm
ganga upp í.
Nú er útséð með að nýir aðilar
munu ekki taka við rekstri versl-
unarinnar Hólakaupa á Reykhól-
um. Þessari einu kjörbúð í sveitar-
félaginu var því lokað á gamlársdag.
Íbúar Reykhólasveitar verða nú að
kaupa inn í Borgarnesi, á Hólma-
vík, Stykkishólmi eða í Búðardal.
„Já, þetta fór þannig. Kaupfélagið á
Hólmavík skoðaði nú síðast mögu-
leika á að taka við rekstrinum en
gaf svo afsvar í lok mánaðarins. Við
hættum því og lokum á morgun
gamlársdag,“ segir Eyvindur Magn-
ússon kaupmaður þegar blaðamað-
ur Skessuhorns sló á þráðinn til
hans síðdegis þriðjudaginn 30. des-
ember. Hann hefur rekið Hólakaup
ásamt Ólafíu Sigurvinsdóttur eig-
inkonu sinni síðan 2010. Eyvindur
segir að engin einhlít skýring sé á
því að ekki hafi fundist neinn sem
vildi taka við verslunarrekstrinum.
Sennilega séu þetta margir þættir
sem spili saman. „Búðin hefur allt-
af verið rekin með hagnaði hjá okk-
ur. En þetta er bindandi starf. Ég
hef stundum líkt þessu við að vera
með stórt fjós. Það þarf að vaka yfir
versluninni sjö daga vikunnar, nán-
ast allan sólarhringinn og hafa opið
eins lengi og hægt er. Hér á Reyk-
hólum er líka gott atvinnuástand.
Það hafa allir vinnu sem vilja og
geta,“ segir Eyvindur.
mþh
Stjórn Körfuknattleiksdeild-
ar Skallagríms og Finnur Jónsson
hafa komist að samkomulagi um
að Finnur komi aftur til starfa hjá
Skallagrími og nú sem aðalþjálfari
meistaraflokks karla. Kemur hann í
stað Péturs Ingvarssonar sem kom
til starfa við þjálfun liðsins síðasta
sumar en er nú hættur. Skallagrím-
ur er nú í tíunda sæti deildarinnar,
með jafn mörg stig og Fjölnir og ÍR
sem eru neðst í deildinni.
Finnur Jónsson er fæddur og
uppalinn Borgnesingur. Hann
hefur þjálfað úrvalsdeildarlið KR
í Dominos deild kvenna í vetur
en hættir þjálfun liðsins nú þegar
hann tekur við Skallagrími. Hann
var áður aðstoðarþjálfari meistara-
flokks Skallagríms og yfirþjálfari
yngri flokka félagsins. Einnig þjálf-
aði Finnur meistaraflokk kvenna
hjá Skallagrími í nokkur ár. Þá hef-
ur hann komið að þjálfun yngri
landsliða Íslands í körfubolta. Áður
var Finnur leikmaður meistara-
flokks Skallagríms.
mm
Fjölmargir tóku þátt í gamlárs-
hlaupinu í Ólafsvík sem hlaupa-
hópur Snæfellsbæjar stóð fyrir að
frumkvæði hlaupagikkanna Fannars
Baldurssonar og Ránar Kristinsdótt-
ur. Mættu hlauparar margir hverjir
skrautlega klæddir og höfðu gaman
af. Boðið var upp á tveggja, fimm og
sjö kílómetra hlaup. Fjölmörg gaml-
ársdagshlaup eru haldin um land
allt en þeirra stærst er sennilega ÍR
hlaupið, en auk þess má nefna fjöl-
mennt hlaup á Akranesi eins og sjá
má á næstu síðu. mm
Ungmennafélag Grundarfjarð-
ar stóð fyrir sérstökum íþrótta-
degi laugardaginn 3. janúar síðast-
liðinn. Íþróttadagurinn var hald-
inn til styrktar tvíburasystrunum
Þórunni Björgu og Sonju Ósk sem
búa í Snæfellsbæ en þær þjást af
afar sjaldgæfum litningagalla sem
kallast Ring chromosome 20 syn-
drome. Afar fá tilfelli eru af þess-
um litningagalla í heiminum. All-
ur ágóði af íþróttadeginum rennur
óskertur til systranna og fjölskyldu
þeirra og var einstaklega góð þátt-
taka. Byrjað var á yngstu börnunum
en svo var spilaður fótbolti, körfu-
bolti og badminton fram eftir degi
og borguðu þátttakendur gjald fyr-
ir þátttökuna. Frábært framtak hjá
Ungmennafélagi Grundarfjarðar.
Þeir sem vilja styrkja málefn-
ið er bent á söfnunarreikning fjöl-
skyldunnar: 0190-05-060444 kt.
131082-4289. tfk
MAR er nýtt íslenskt leikverk úr
smiðju Frystiklefans í Rifi. Verkið
er byggt á tveimur sjóslysum sem
urðu við strendur Snæfellsness á
síðustu öld. „Fyrra slysið átti sér
stað í febrúar 1962 þegar togarinn
Elliði sökk út af Öndverðarnesi. Í
áhöfninni voru 28 manns. 26 björg-
uðust. Síðara slysið varð í júlí 1997
þegar trillan Margrét hvarf ásamt
tveimur mönnum. Báðir voru þeir
úr bæjarfélaginu. Slysin eru ná-
tengd okkar samfélagi og margir
heimamenn tóku þátt í björgunar-
aðgerðum,“ segir Kári Viðarsson
leikhússtjóri.
Fyrirhugaðar voru fjórar sýning-
ar á verkinu en vegna góðrar við-
töku og mikillar eftirspurnir urðu
sýningarnar tíu talsins yfir hátíð-
arnar. „Nú er svo komið að við
höfum ákveðið að halda sýning-
um áfram um helgar í janúar. Þar
sem ekki stendur til að koma með
þessa sýningu til Reykjavíkur hef-
ur Frystiklefinn ákveðið að bjóða
þeim áhorfendum sem vilja, ókeyp-
ist gistingu í húsinu. Þetta er gert
til að koma til móts við ferðakostn-
að gesta og veita þeim í senn tæki-
færi til að gera sér góða helgarferð
um Snæfellsnes, sem er ægifagurt á
þessum árstíma.
Texti verksins MAR er byggð-
ur á viðtölum við aðila sem tengj-
ast slysunum og raunverulegum
upptökum frá talstöðvasamskipt-
um á neyðarbylgju útvarpsins. Hér
er um að ræða algjörlega einstaka
gerð heimildar, sem aldrei hefur
verið nýtt í íslensku leikhúsi áður.
Leikarar í sýningunni eru þau Kári
Viðarsson og Freydís Bjarnadótt-
ir, sem segir sína eigin sögu í verk-
inu. Leikstjóri er Árni Grétar Jó-
hannson. Þetta nýja leikverk verð-
ur mikilvæg viðbót við sagnaarf Ís-
lendinga. Markmið verksins er að
dýpka skilning áhorfenda á þeim
afleiðingum sem slík stórslys hafa í
för með sér á sjó og í landi. Að lok-
um skal vísað í afar jákvæðan leik-
dóm Magnúsar Þórs Hafsteinsson-
ar blaðamanns sem birtist í síðasta
tölublaði Skessuhorns.
mm
Unglingadeildin Pjakkur í Grund-
arfirði hefur síðustu daga verið að
ganga í hús og selja bókamerki fyr-
ir styrktarsjóð Guðrúnar Nönnu;
skref fyrir skref. Unglingadeild-
in afsalar sér sínum hluta af ágóða
af sölunni sem rennur óskertur í
styrktarsjóðinn. Alls safnaði unga
fólkið 90 þúsund krónum. Guðrún
Nanna Egilsdóttir er 20 ára kona
sem haldin er taugasjúkdómnum
Spinal Muscular Atropy, eða SMA.
Sjúkdómurinn orsakast af gena-
galla sem veldur dauða taugaenda
við mænu og eru einkenni hans vax-
andi máttleysi. Engin meðferð er til
við sjúkdómnum í dag en vonir eru
bundnar við að stofnfrumumeð-
ferð muni innan skamms tíma leiða
til meðferðarmöguleika sem stöðvi
framgang sjúkdómsins og leiði jafn-
framt til styrktaraukningar að ein-
hverju marki. Þessi söfnun er liður
í að kosta meðferð verði hún í boði
á næstunni en það mun verða mjög
kostnaðarsamt. Hægt er að fá nán-
ari upplýsingar um söfnunina Skref
fyrir skref á vefsíðu þeirra. tfk
MAR verður sýnt um helgar
Söfnuðu í styrktarsjóð
Guðrúnar Nönnu
Glaðst á góðri stundu, en um 30 hlauparar tóku þátt. Ljósm. þa.
Gamlárshlaup í Ólafsvík
Hluti hópsins á ferðinni. Ljósm. af.
Íþróttadagur til að safna
fyrir systurnar í Ólafsvík
Eyvindur Magnússon og Ólafía Sigurvinsdóttir hafa nú hætt rekstri Hólakaupa.
Hólakaupum á Reykhólum
hefur verið lokað
Finnur Jónsson er nú kominn til baka á
sinn gamla heimavöll.
Finnur Jónsson ráðinn þjálfari
meistaraflokks Skallagríms