Skessuhorn - 28.01.2015, Qupperneq 16

16 MIÐVIKUDAGUR 28. JANÚAR 2015
Freyr AK 81 sem gerður er út til sjóstangveiðanna.
Ætlar að færa út kvíarnar
á sjóstönginni í vor
Magnús Freyr Ólafsson forvígis­
maður í ferðaþjónustu tengdri sjóst­
angveiði á Akranesi ætlar að færa út
kvíarnar í starfseminni í vor. Magnús
Freyr hefur starfrækt farfuglaheimili
við Suðurgötu 32 á Akranesi síðustu
árin. Hann hefur nú fengið lóð og
byggingarleyfi fyrir húsi á lóðinni
þar framan við, á Suðurgötu 33. Það
hús verður ætlað áhöfnum sjóst­
angveiðibáta og er um að ræða lít­
ið fjölbýlishús með fjórum íbúðum á
tveimur hæðum, hver íbúð um 100
fermetra að stærð og fjögurra her­
bergja. Jarðvegsskipti eru að hefj­
ast þessa dagana en áformað er að
tvær íbúðanna verði tilbúnar þegar
háannatíminn hefst í ferðamennsk­
unni í vor. Magnús Freyr sagði í
samtali við Skessuhorn að hver íbúð
yrði ætluð sex manna áhöfn sjóst­
angveiðibáta. Hann segir að núna sé
nær fullpantað í sjóstangveiði næsta
sumar á bátinn Frey AK 81 sem fé­
lagið á og gerður er út til sjóstang­
veiðanna. Nú er unnið að því að
fjárfesta í öðrum báti til að gera út á
sjóstöngina í sumar.
Magnús Freyr vinnur að sjóstang­
veiðiverkefninu með þýska athafna­
manninum Jens Kalinke sem hef­
ur sín sambönd í Evrópu auk þess
sem Magnús Freyr vinnur einn­
ig að markaðsmálunum. Til stóð að
þeir félagar myndu reisa sex smáhýsi
á Akurshóli á Akranesi og það ferli
var komið langt þegar þeir hurfu frá
þeim áformum. „Okkur sýndist ekki
sátt um þessa staðsetningu húsanna
og því var þessi kostur tekinn,“ sagði
Magnús. Hann segir að nýja húsið
verði byggt úr forsteyptum eining­
um og bygging þess eigi ekki að taka
langan tíma. Fjármögnun sé lokið
og ekki verði beðið boðanna með
að hefja framkvæmdir enda tilskilin
leyfi fyrir hendi.
þá
Gáfu hjólalyftara á Höfða
Rebekkustúkan nr. 5 Ásgerður
I.O.O.F. á Akranesi afhenti síðstlið­
inn fimmtudag Höfða – hjúkrunar­
og dvalarheimili, að gjöf GL5 hjóla­
lyftara frá Guldmann ásamt sex segl­
um. Að afhendingu lokinni þáðu
systur kaffiveitingar og Helga Atla­
dóttir hjúkrunarforstjóri kynnti starf­
semi Höfða. Á meðfylgjandi er Helga
Atladóttir hjúkrunarforstjóri að sýna
Ásgerðarsystrum hvernig lyftarinn er
notaður. -fréttatilkynning
Fjallabíll fyrir snæfellska
ferðaþjónustu
Rútuferðir ehf, eða Snæfellsnes
Excursions, voru að bæta við sig
bíl á dögunum en þá var fjárfest í
Ford Econline 350 sem fyrirtæk­
ið lét breyta fyrir fjallaferðir. Með­
al annars voru sett 44” dekk und­
ir hann. Bíllinn tekur 14 farþega og
er hugsaður í vetrarferðamennsku
en einnig er ætlunin að nota hann á
sumrin við að ferja ferðamenn upp
að jökulrönd Snæfellsjökuls. Hjalti
Allan Sverrisson bílstjóri var nokk­
uð ánægður með nýja bílinn þeg­
ar ljósmyndari Skessuhorns fékk að
skoða vagninn enda er þetta glæsi­
legur fjallabíll. tfj
Hvassviðri hamlaði umferð
og raflínur slitnuðu
Óhætt er að segja að kröftugir um­
hleypingar haldi áfram í veðrinu.
Um síðustu helgi gengu tvær djúp­
ar lægðir yfir landið. Óveður var
víða um vestanvert landið og sums­
staðar ófærð á laugardagskvöld sök­
um snjóa og hvassviðris. Af þeim
sökum var lokað fyrir umferð m.a.
um Kjalarnes framan af kvöldi og
stóðu björgunarsveitarmenn vakt til
að ekki yrði ekið þar um. Ófært var
um Vatnaleið á Snæfellsnesi á laug­
ardagskvöldinu og erfið færð á lág­
lendi sökum hvassviðris og krapa­
elgs. Rafmagn fór af Melasveitarlínu
um áttaleytið um kvöldið og voru
bæirnir frá Brennimel að Melasveit
straumlausir. Laust fyrir klukkan 22
um kvöldið tókst að gera við bilun
í háspennustreng við Skorholt og
skömmu fyrir miðnætti lauk viðgerð
vestan við Skorholt og voru þá allir
bæir í Melasveit komnir að nýju með
rafmagn. Sökum hvassviðris þurftu
starfsmenn Rarik að bíða framan af
kvöldi uns vindur gekk lítið eitt nið­
ur. Þorrablót og aðrir mannfagnaðir
voru víða um vestanvert landið þetta
kvöld og munu einhver afföll hafa
verið á að fólk kæmist á mannamót­
in sökum lokana á vegum.
Óveðrið tók sig upp að nýju á
sunnudeginum. Voru fjallvegir lok­
aðir, meðal annars Vatnaleið, Bratta­
brekka og Holtavörðuheiði. Voru
björgunarsveitirnar Heiðar í Borg­
arfirði, Brák í Borgarnesi og Ósk í
Búðardal m.a. kallaðar til að sinna
vegalokunum og aðstoð við vegfar­
endur beggja vegna Holtavörðu­
heiðar. Á Bifröst var sett upp mót­
taka fyrir strandaglópa sem urðu
frá bílum sínum að hverfa á Holta­
vörðuheiði. Enn fleiri voru veður­
tepptir norðan Holtavörðuheiðar,
en þar voru allt af 400 manns teppt­
ir í Staðarskála þegar mest var á
sunnudagskvöldinu og þurftu flest­
ir gistingu á nærliggjandi gististöð­
um. Aðgerðum björgunarsveita lauk
á Holtavörðuheiði á mánudeginum.
Einnig aðstoðuðu sveitirnar við að
koma flutningabíl sem oltið hafði á
réttan kjöl sem og tengivagni sem
var á hliðinni. Eitthvað var um að
ökumenn virtu ekki lokanir Vega­
gerðar og lögreglu, samkvæmt upp­
lýsingum frá Landsbjörgu, þrátt fyr­
ir að vegum hafi verið lokað með
slám, skiltum og björgunarsveita­
bílum með blikkandi ljós. Í þeim til­
vikum var lögreglu gert viðvart og
eiga ökumennirnir von á viðurlög­
um vegna þessa.
Eftirmiðdag á sunnudag fór raf­
magn af aðveitustöðinni við Glerár­
skóga í Dölum og var því rafmagns­
laust í Dalabyggð þegar flutnings­
lína Landsnets frá Hrútatungu leysti
út klukkan 17:55. Viðgerð lauk rúm­
um klukkutíma síðar.
mm
Leiðindaveður var á Snæfellsnesi á laugardagskvöldinu og sunnudaginn þegar
þessi mynd var tekin. Björgunarsveitin Lífsbjörg var kölluð út um tvöleytið vegna
þess að þakplötur voru að fjúka af sjóbúðum í Ólafsvík. Ljósm. af.
Svona var umhorfs á Vatnaleið á Snæfellsnesi að kvöldi laugardags. Kolófært.
Ljósm. mþh.
Töpuðu með minnsta mun í Útsvari
Borgarbyggð tapaði fyrir Seltjarn­
arnesi með minnsta mögulega mun
þegar fulltrúar þessara sveitarfélaga
áttust við í Útsvarsþætti í Ríkissjón­
varpinu á föstudagskvöldinu. Við­
ureignin, sem endaði 70:71, var afar
spennandi allan tímann og merki­
legt hvað bæði lið áttu oft svör við
fremur strembnum spurningum
spurningahöfundar. Borgfirðing­
ar röðuðu inn svörum við fimmtán
stiga spurningum og má segja að ef
eitthvað eitt hafi fellt liðið umfram
annað þá hafi það verið skortur á
æfingu fyrir leikrænu tilburðina.
Þar reyndist túlkun á mannanöfn­
um báðum liðum erfið, en færri
stig féllu þó Borgfirðingum í skaut
í þeim hluta þáttarins. Þau Stef­
án Gíslason, Jóhann Óli Eiðsson
og Eva Hlín Alfreðsdóttir fulltrú­
ar Borgarbyggðar geta engu að síð­
ur borið höfuð hátt þrátt fyrir þetta
nauma tap. Þau voru bráðskemmti­
legir fulltrúar sinnar heimabyggðar
í þáttunum. mm
Bökuðu pönnukökur fyrir bóndadaginn
Bóndadagurinn, fyrsti dagur í Þorra,
var á föstudaginn. Soroptimista­
klúbbur Akraness hafði í mörgu að
snúast kvöldið áður og að morgni
bóndadags. Þá bökuðu klúbbfélagar
pönnukökur sem síðan var ekið til
fyrirtækja á Akranesi. „Pönnukök­
urnar voru bakaðar um kvöldið, um
140 pönnukökur á mann. Við hitt­
umst svo klukkan sex um morgun­
inn til að setja á allar pönnukökurn­
ar. Loks voru til 3500 pönnukökur
sem voru ýmist með sultu og rjóma
eða sykri. Við erum 32 í klúbbn­
um og flestir koma á einhvern hátt
að þessu. Það þarf meðal annars að
hræra, pakka, telja og útbúa reikn­
inga,“ segir Unnur Guðmunds­
dóttir formaður Soroptimistaklúbbs
Akraness í samtali við Skessuhorn.
Hún segir að hefðin sé orðin rótgró­
in enda hafa klúbbfélagar bak­
að pönnukökurnar frá því í kring­
um síðustu aldamót.
Bóndadagspönnukök­
urnar eru aðalfjáröflun
klúbbsins en ágóðinn
er nýttur til góðgerð­
armála. „Höfuðmark­
mið Soroptimista er
að styrkja og efla kon­
ur til sjálfstæðis. Við
höfum til dæmis ver­
ið að styrkja HVER á
Akranesi en við erum
hluti af alþjóðasam­
tökum og styrkjum því
einnig á landsvísu og
erlendis,“ segir Unn­
ur. Klúbburinn vill að
endingu nota tæki­
færið og koma á fram­
færi innilegum þökk­
um til fyrirtækja fyrir
veittan stuðning á liðn­
um árum. grþ