Skessuhorn - 23.06.2015, Blaðsíða 8

ÞRIÐJUDAGUR 23. JÚNÍ 20158
Við hátíðlega athöfn á Bessastöð-
um á þjóðhátíðardaginn var Ein-
ar Ólafsson kaupmaður á Akranesi
sæmdur riddarakrossi hinnar ís-
lensku fálkaorðu fyrir framlag sitt
í þágu heimabyggðar. Einar rek-
ur sem kunnugt er Verslun Einars
Ólafssonar, sem í daglegu tali heit-
ir Einarsbúð, á Akranesi og hef-
ur gert óslitið frá árinu 1957. „Það
kom mér á óvart en ég gleðst yfir
þessu,“ sagði Einar þegar blaða-
maður spurði hver fyrstu viðbrögð
hans hefðu verið. „Fyrst er haft
samband í síma og manni tilkynnt
hvað standi til. Svo er þetta stað-
fest með bréfi. Þegar símtalið barst
varð ég hissa en ég sá enga ástæðu
til að hafna þessu,“ segir Einar, létt-
ur í bragði. Athöfnina sjálfa sagði
hann hafa verið mjög hátíðlega og
formleg en tók fram að mjög vel
hafi verið að öllu staðið á Bessa-
stöðum. Hann er þeirrar skoðun-
ar að vel sé við hæfi að veita við-
urkenningar sem þessar. „Þó er ég
ekki að segja að ég verðskuldi hana
endilega,“ segir Einar og brosir.
„Það kom einmitt fram í máli for-
seta við athöfnina að við Íslending-
ar værum sparir á svona orðuveit-
ingar og viðurkenningar miðað við
aðrar þjóðir. En ég held að þetta sé
góður siður.“
Er hvergi nærri hættur
Verslun Einars Ólafssonar var stofn-
uð árið 1934 og tók Einar við rekstr-
inum af föður sínum eftir að hann
lést árið 1957. „Sennilega er enginn
sem hefur stundað og verið ábyrgur
fyrir rekstri fyrirtækis hér á Akranesi
lengur en ég. Þú sérð það, að fyrir-
tækið er orðið meira en 80 ára gam-
alt og allir sem ráku fyrirtæki þeg-
ar ég tók við eru hættir,“ segir Ein-
ar sem er hvergi af baki dottinn og
kveðst hvergi nærri hættur. „Ég sé
ekki ástæðu til annars en að halda
áfram,“ segir hann og brosir.
Ættarnafnið Ólafsson
Blaðamanni lék forvitni á að vita
hvernig nafn verslunarinnar væri til
komið og Einar var boðinn og bú-
inn að fræða hann um það. „Ég heiti
Einar Ólafsson eins og faðir minn,
Einar Ólafsson sem stofnaði versl-
unina. Hann var lengi í Ameríku.
Amma mín hafði flutt út til Kanada
ásamt börnum sínum en pabbi var sá
eini sem sneri aftur, eftir 17 ár bæði í
Kanada og Bandaríkjunum og skírði
mig því Einar Ólafsson eftir að hann
kom til baka,“ segir Einar. Hann ber
„Ólafsson“ því í raun sem ættarnafn
en ekki föðurnafn. „Öll föðurfjöl-
skylda mín í Ameríku tók sér þetta
nafn og ættingjar mínir sem búsettir
eru þar í dag bera enn nafnið Ólafs-
son,“ bætir hann við.
Viðurkenning
til okkar allra
Auk þess að hafa rekið verslunina
Einarsbúð í hartnær 60 ár hef-
ur Einar komið að alls kyns sam-
félagsstarfi í áranna rás. Hann var
áberandi í starfi knattspyrnufélags
ÍA á 7. áratugnum og varabæjar-
fulltrúi á árunum 1962 - 1970.
Auk þess hefur Einar setið í yfir-
kjörstjórn á Akranesi í áratugi og
verið formaður hennar í fjölda ára.
Allt þetta telur Einar að hafi haft
sitt að segja varðandi þá ákvörðun
orðunefndar að sæma hann ridd-
arakrossinum, hún sé ekki aðeins
til komin vegna verslunarrekst-
ursins. „En orðuhöfum er svo sem
ekki sagt neitt sérstaklega frá því.
Öðrum þræði myndi ég segja að
þetta væri viðurkenning til okkar
allra, íbúa hér á Akranesi,“ segir
Einar að lokum, glaður í bragði.
kgk
„Kom mér á óvart en ég gleðst yfir þessu“
Einar Ólafsson kaupmaður sæmdur riddarakrossi hinnar íslensku fálkaorðu
Einar Ólafsson, kaupmaður á Akranesi, var sæmdur riddarakrossi hinnar íslensku fálkaorðu við hátíðlega athöfn á Bessastöðum 17. júní síðastliðinn.
Forsetahjónin ásamt orðuhöfum á Bessastöðum.
Síðastliðinn föstudag voru opnuð
tilboð í endurnýjun lagna í Kveld-
úlfsgötu í Borgarnesi. Að útboð-
inu stóðu Míla, Rarik, Orkuveitan
og Borgarbyggð. Endurnýja á all-
ar lagnir í götunni fyrir rafmagn,
skólp, heitt og kalt vatn og síma.
Auk þess verða endurnýjuð inntök
í öll húsin við götuna. Kostnaðar-
áætlun í verkið hljóðaði upp á 85,9
milljónir króna. Tvö tilboð bár-
ust. Þróttur ehf. bauð 123 milljónir
króna en Borgarverk ehf. 95 millj-
ónir, sem er 10,6% yfir áætlaðan
kostnað. Verklok eru 15. október í
haust.
Að sögn Óskars Sigvaldason-
ar framkvæmdastjóra Borgarverks
er mikið að gera hjá fyrirtækinu á
öllum sviðum þess. Þar eru nú 58
starfsmenn og eru starfsstöðvar í
Borgarnesi og á Selfossi en verkefni
út um allt land. „Við erum t.d. með
þrjá yfirlagningarflokka að störf-
um; á Austurlandi, í Kjálkafirði á
Barðaströnd en þriðji flokkurinn
er nú að byrja verkefni á Snæfells-
nesi. Þá er Borgarverk með vega-
gerð í gangi í Hvítársíðu, en það er
jafnframt stærsta einstaka verkefni í
vegagerð á Vesturlandi á þessu ári,“
sagði Óskar. mm
Borgarverk átti lægsta boð í
endurnýjun Kveldúlfsgötu
Óskar Sigvaldason er framkvæmdastjóri Borgarverks.
Fréttablaðið birti á föstudaginn
niðurstöðu könnunar sem gerð var
dagana 15. og 16. júní síðastliðinn
á fylgi stjórnmálaflokka. Í henni
mælast Píratar langstærsti flokkur-
inn á landsvísu yrði kosið til þings í
dag. Flokkurinn fengi 37,5% fylgi
og 26 þingmenn kjörna. Sjálfstæð-
isflokkurinn mælist næststærstur,
fær 29,5% fylgi og 20 þingmenn,
einum færri en þeir hafa nú. Aðr-
ir flokkar eru ekki að ríða feitum
hesti frá þessari könnun. Björt
framtíð mælist með 3,3% fylgi og
fengi ekki mann á þing. Samfylk-
ing fær 11,1% fylgi, Framsóknar-
flokkur mælist nú með 8,5% fylgi
og VG með 7,3%. Ríkisstjórnin er
því fallin.
Skipting þingsæta í Norðvest-
urkjördæmi, samkvæmt könnun-
inni, yrði sú að Sjálfstæðisflokkur
fengi þrjá þingmenn, manni fleiri
en nú, Framsóknarflokkur fengi
einn, þremur færri en nú, Píratar
fengju tvo, en Samfylking og VG
einn mann hvor flokkur, eins og
þeir hafa nú. Framsóknarflokkur-
inn í Norðvesturkjördæmi miss-
ir því tvo þingmenn til Pírata og
einn til Sjálfstæðisflokks.
mm/ Heimild og grafík: Frétta-
blaðið.
Píratar nálgast það að fylla hálfan þingsalinn