Skessuhorn - 02.11.2016, Blaðsíða 6

MIÐVIKUDAGUR 2. NÓVEMBER 20166
Undirbúa Útvarp
Akraness
AKRANES: Fyrstu helgina í að-
ventu, dagana 25. til 27. nóvem-
ber nk. verður hið árlega Útvarp
Akraness í loftinu fyrir Akurnes-
inga og nærsveitunga. Sem fyrr
er það Sundfélag Akraness sem
stendur að dagskránni sem verð-
ur fjölbreytt að sögn sundfélags-
fólks, en með Útvarpi Akraness
hefst undirbúningur jólanna
hjá mörgum Skagamönnun-
um. „Útvarpsnefndin hefur ver-
ið að störfum frá því í byrjun
október við skipulagningu dag-
skránnar. Ef einhverjir vilja taka
þátt þá hafi samband við Sund-
félag Akraness á netfangið Ut-
varpakraness@gmail.com. Góð-
ur skerfur af útvarpinu þetta árið
verður helgaður Íþróttabanda-
lagi Akraness, sem varð 70 ára
fyrr á árinu,“ segir í tilkynningu.
-mm
Brugðist við
miklum launa-
hækkunum
LANDIÐ: Samninganefnd Al-
þýðusambands Íslands var síð-
degis í gær boðuð til fundar.
Tilefnið var úrskurðar kjararáðs
frá því um helgina. „Óhætt er
að segja að úrskurður kjararáðs
komi eins og blaut tuska í andlit
verkalýðshreyfingarinnar sem á
þingi ASÍ í síðustu viku fjallaði
um mikilvægi sáttar og samstöðu
á vinnumarkaði ef það á að vera
hægt að koma hér á nýju samn-
ingalíkani að Norrænni fyrir-
mynd,“ segir í tilkynningu frá
ASÍ. Eins og fram hefur komið
í fréttum ákvað kjararáð að út-
vega þingmönnum, ráðherrum
og forseta Íslands launahækkan-
ir á bilinu 20-44%. Er það önn-
ur launahækkunin sem þessir
æðstu embættismenn þjóðar-
innar fá á þessu ári. Hækkunin
nú þýðir að laun ráðherra verða
um og yfir tvær milljónir króna
á mánuði, þingfararkaup verður
1.100.000 krónur og laun for-
seta Íslands um þrjár milljónir
á mánuði.
-mm
Asíubúar í
ógöngum
VESTURLAND: Alls urðu
sjö umferðaróhöpp í umdæmi
Lögreglunnar á Vesturlandi
í liðinni viku. Flest þess-
ara óhappa voru minnihátt-
ar nudd á bílastæðum. Bet-
ur fór en á horfðist þeg-
ar asískur ökumaður missti
stjórn á bílaleigubíl sínum í
snjó og krapa á Vesturlands-
vegi sl. laugardag. Hann var
á ferðalagi með kunningja
sínum og upp undir Holta-
vörðuheiðinni lenti hann í
krapa og snjóföl sem var á
veginum. Bremsaði hann þá
með þeim afleiðingum að
bíllinn rann stjórnlaust yfir
veginn og lenti á mannlaus-
um pallbíl rjúpnaskyttu sem
var þar út í vegarkantinum.
Bílaleigubíllinn varð óöku-
fær við áreksturinn og pall-
bíll rjúpnaskyttunnar tjónað-
ist nokkuð en var þó vel öku-
fær. Asísku ferðamennirn-
ir sluppu án teljandi meiðsla
enda voru þeir í öryggis-
beltum og varðir af líknar-
belgjum sem sprungu út í at-
gangnum. Var ferðamönn-
unum komið til byggða. Þá
voru aðrir Asíubúar á ferð-
inni á Heydalnum í vikunni
og misstu þeir bílinn sinn út
af í lausamöl og skemmd-
ist undirvagninn það mik-
ið að fjarlægja þurfti bíl-
inn með kranabíl. Bíllinn
fór í einhverjum loftköstum
utan vegar en hélst á réttum
kili. Ferðamennirnir sluppu
ómeiddir enda í öryggis-
beltunum. Var þeim komið
til byggða og ætluðu þeir að
reyna að fá annan bílaleigu-
bíl og halda för sinni áfram
um íslenska vegakerfið.
-mm
Til er listi um
húsanöfn
AKRANES: Í síðasta tölu-
blaði Skessuhorns birtist
grein með fyrirsögninni „Af
gömlum götunöfnum á Akra-
nesi.“ Þar var fjallað um göt-
unöfn að fornu og nýju. Bæta
má því við að á vef Akranes-
kaupstaðar er hægt að finna
skrá yfir húsanöfn á Akra-
nesi. Það er skrá þar sem öll-
um eldri húsum sem hafa
nöfn er raðað eftir stafrófs-
röð. Í seinni tíð er hætt að
gefa húsum nöfn. Bræðurnir
Bogi og Svavar Sigurðssynir
á Akranesi færði fyrir ári síð-
an Akraneskaupstað til varð-
veislu skrá yfir húsanöfnin.
Hún byggir á samantekt sem
Sigurlína Guðmundsdóttir
og Kristín Jónsdóttir unnu að
á árunum 2010 og 2011. Sú
vinna var unnin í samvinnu
við m.a. Braga í Kirkjubæ og
var m.a. stuðst við æviskrá
Akurnesinga við gerð listans.
Til að finna listann á vef bæj-
arins, er best að skrá inn leit-
arorðið „Húsanöfn“ á akra-
nes.is
-mm
Mikið var að gera á dekkjaverk-
stæðum í landshlutanum í síðustu
viku þegar bíleigendur vildu fá
vetrardekkin undir bíla sína. Þá var
spáð kólnandi veðri og umhleyp-
ingum og því einsýnt að þessu ár-
lega verki mætti ekki fresta lengur.
Þegar ljósmyndarar Skessuhorns
voru á ferðinni höfðu starfsmenn á
orði að törnin væri óvenjumikil að
þessu sinni. Davíð Sigurðsson sem
á og rekur Bifreiðaþjónustu Harð-
ar í Borgarnesi sagði ástæðuna gott
veðurfar í haust. „Þegar svo allt í
einu er spáð að kólni er eins og allir
taki við sér á sama tíma. Undanfar-
in ár hefur þetta dreifst yfir lengri
tíma,“ sagði Davíð. Í síðustu viku
var um viku biðlisti eftir umfelg-
un hjá Davíð. Heldur styttri biðlisti
var hjá N1 á Akranesi, en stöðugur
straumur bíleigenda var á ferðinni
þegar ljósmyndara bar að garði.
mm/ Ljósm. mm & ki.
Annir í umfelgunum
Þeir Jóhann, Ágúst og Gautur á G. Hansen í Ólafsvík hafa haft í nógu að snúnast
í að umfelga undir bílum íbúa í Snæfellsbæ að undanförnu. Öll þessi vika er upp-
bókuð í dekkjaskiptum. Ljósm. af.
Davíð Sigurðsson á Bifreiðaþjónustu Harðar.
Ljósm. mm.
Þeir voru brosmildir við dekkjavélina hjá Bifreiðaþjónustu
Harðar, félagarnir Bjarni Freyr Björgvinsson og Steinþór
Grönfeldt Steinþórsson. Ljósm. mm.
Björn Leifsson er hér í óða önn að herða felguboltana á N1.
Ljósm. ki.
Valdimar Lárusson hjá N1 á Akranesi. Ljósm. ki.