Skessuhorn - 02.11.2016, Blaðsíða 24

MIÐVIKUDAGUR 2. NÓVEMBER 201624
Lista- og menningarhátíðin Vökudagar hófst
formlega á Akranesi síðastliðinn fimmtu-
dag með opnun fjölda sýninga og afhend-
ingu menningarverðlauna Akraneskaupstað-
ar. Í kjölfarið tóku við list- og menningar-
viðburðir út um allan bæ. Menningarverð-
laun Akraness 2016 voru veitt Club 71, en
það er félagsskapur Skagamanna sem fædd-
ir eru 1971. Félagið hefur staðið fyrir fjölda
viðburða á Akranesi á undanförnum árum
þar sem helst ber að nefna árlegt þorrablót
Skagamanna, sem meðlimir undirbúa og
framkvæma í sjálfboðavinnu, og fjölsóttan
brekkusöng á Írskum dögum. Ágóði þorra-
blótsins hefur runnið til íþrótta- og menn-
ingarstarfs á Akranesi. Þorrablótin hafa vax-
ið ár frá ári og eru afar vinsæl og vel sótt.
Regína Ásvaldsdóttir bæjarstjóri setti
Vökudaga formlega á fimmtudaginn á Safn-
asvæðinu. Hún gat þess að hátíðin hafi nú
verið haldin frá árinu 2002 og hafi sífellt
verið að vaxa fiskur um hrygg. Jafnframt
voru þrjár sýningar opnaðar. „Hver vegur
að heiman er vegur heim,“ sýning Gyðu L.
Jónsdóttur Wells, „Skart við skóna,“ sýning
Dýrfinnu Torfadóttur og sýningin „Bannár-
in, brennivínið og bæjarbytturnar“ í umsjón
þeirra Gerðar Jóhannsdóttur héraðsskjala-
varðar og Nönnu Þóru Áskelsdóttur deild-
arstjóra á Ljósmyndasafni Akraness.
Ljósmyndaklúbburinn Höfrungur stendur
fyrir ljósmyndasýningu á þriðju hæð Akranes-
vita. Á annarri hæð vitans er ljósmyndasýning
Marc Koegels sem hefur verið frá því í sept-
ember síðastliðnum og á fjórðu hæð sýna nem-
endur leikskóla á Akranesi listaverk í tengslum
við Akranesvita og Breið. Í ónotuðu verslun-
arhúsnæði við Dalbraut 1 sýnir ljósmynda-
félagið Vitinn fjölda ljósmynda. Í Pennanum
Eymundsson er handavinnusýning starfsfólks
Leikskólans Vallarsels. Ýmis handavinna til
sýnis, sem þeir hafa unnið að bæði nýlega og
áður. Þá opna jafnframt leikskólabörn á Vall-
arseli sýningu í Tónlistarskóla Akraness und-
ir heitinu „Langisandur og umhverfið okkar“,
leikskólabörn á Akraseli opnuðu myndlista-
sýninguna „Ég og fjölskyldan mín” í húsnæði
Bónus að Smiðjuvöllum 32, leikskólabörn á
Teigaseli eru með sýninguna „Myndlistar-
sýning barna” í setustofu Heilbrigðisstofunar
Vesturlands og leikskólabörn á Garðaseli opna
ljósmyndasýningu á Dvalarheimilinu Höfða
undir heitinu „Það sem augað mitt sér“. Á
Bókasafni Akraness er boðið upp á sýninguna
„Þetta vilja börnin sjá,“ en hún samanstend-
ur af myndskreytingum í íslenskum barnabók-
um eftir 22 myndlistamenn, en teikningarn-
ar komu út í bókum á síðasta ári. Listakonan
Sylvía Vinjars verður með myndlistasýningu
á Skökkinni á Vökudögunum. Í Tónlistar-
skólanum á Akranesi er ljósmyndasýningin
og kvikmyndin „Töfrar himins” eftir Jón R.
Hilmarsson. Þá fór Þjóðahátíð fram á sunnu-
daginn og fjölmargt fleira hefur verið í gangi.
Ljósmyndarar Skessuhorns hafa verið á ferð
og flugi síðustu daga og hér á opnunni má sjá
hluta þess sem var í gangi.
mm/ Ljósm. ki/mm/grþ og fleiri.
Fjölbreytt dagskrá á lista- og
menningarhátíðinni Vökudögum
Club71 er handhafi menningarverðlauna Akraness 2016. Félagið hefur staðið fyrir Þorrablóti og
brekkusöng á Írskum dögum og látið afrakstur þessara viðburða renna til æskulýðs- og félagsstarfs í
bæjarfélaginu.
Leikið á bongótrommur.
Hér má sjá hluta af verkum Gyðu Jóns-
dóttur Wells sem opin verður í Safnaskálanum út
nóvember.
Anna Leif Elídóttir opnaði myndlistarsýninguna
Ömmurnar sl. laugardag. Þar sýnir hún
meðal annars myndir sem hún hefur málað af
formæðrum sínum.
Guðrún Karítas við mynd af sér á sýningunni Selfí. Hekla var ein þeirra sem sýndu á sýningunni Selfí. Stefanía Ottesen við mynd af sér.
Elínborg Halldórsdóttir, Ellý, opnaði myndlistar-
og glerlistarsýningu á Höfða á föstudaginn.
Sementsverksmiðjan iðar nú af lífi en um helgina
var opnuð þar sýning sem ber heitið Umbreyting.
Þar er lögð áhersla á endurnýtingu efnis, verkefni
nemenda og kennara í Grundaskóla í fyrrum
matsal verksmiðjunnar. Hér er Borghildur Jósúa-
dóttir kennari við verk sitt þar sem efniviðurinn
er rekaviður af Ströndum. Ljósm. rá
Krakkar í Gaman-saman hópnum í Þorpinu á
Akranesi komu saman á mánudaginn og máluðu.
Harpa Hreinsdóttir á sýningu sinni „Geggjaðar
peysur“ í húsnæði Bjarna Þórs á Kirkjubrautinni.
Í Stúkuhúsinu var opnuð sýningin „Bannárin,
brennivínið og bæjarbytturnar.“ Þar er fjallað
um forsögu þess að vínbannið var sett á og
þær hreyfingar sem börðust fyrir banninu t.d.
templara og ungmennafélögin. Kirkjukór Akraness söng við opnun sýningar Gyðu Jónsdóttur Wells.
Hluti af verkum Philippe Richard á sýningu hans í
Bókasafni Akraness.
Bjarni Þór Bjarnason listamaður tók á móti
gestum á vinnustofu sinni, en þar var auk þess
sett upp sýningin Geggjaðar peysur, myndir
Bjarna og prjónaskapur eftir Hörpu Hreinsdóttur.