Skessuhorn - 02.11.2016, Blaðsíða 10

MIÐVIKUDAGUR 2. NÓVEMBER 201610
Veiðimenn um allt land héldu til
rjúpnaveiða síðastliðinn föstudag,
en þá var fyrsti veiðidagur haustsins.
Að þessu sinni eru veiðar heimilað-
ar í fjórar helgar, þrjá dagar í senn.
Áfram er sölubann á rjúpu og mega
veiðimenn því einungis skjóta fyr-
ir sjálfa sig og fjölskylduna í mat-
inn. Náttúrustofnun lagði til að ráð-
lagt yrði að veiða 40 þúsund rjúp-
ur í haust. Stofnunin segir stofninn
í niðursveiflu víðast hvar utan norð-
austurhorns landsins. Víða snjó-
aði í fjöll nóttina fyrir fyrsta veiði-
dag. Skessuhorn hefur heimildir fyr-
ir því að nokkrir hafi fengið ágæta
veiði en sömuleiðis voru aðrir sem
fundu enga fugla. Einni rjúpnaskyttu
var komið til bjargar á fjalllendi í ná-
grenni Laugarvatns um helgina. Var
maðurinn orðinn kaldur og þrekað-
ur þegar til hans náðist. Ekki er vitað
um önnur óhöpp.
Áfram eru veiðimenn hvattir til
að fara að öllum settum leikreglum,
búa sig vel, láta vita um ferðir sínar
og fara almennt eftir þeim leiðbein-
ingum sem gefnar hafa verið fyrir þá
sem halda til fjalla. mm
Tónlistar-
kennarar samn-
ingslausir í ár
LANDIÐ: Stjórn Kennara-
sambands Íslands lýsir þungum
áhyggjum af stöðunni sem uppi
er í kjaradeilu Félags kennara
og stjórnenda tónlistarskóla og
Sambands íslenskra sveitarfé-
laga. Kjarasamningar tónlist-
arskólakennara hafa verið laus-
ir í nærfellt heilt ár eða frá 1.
nóvember 2015, eða í rétt ár.
„Staða tónlistarskólakennara er
með þeim hætti að nýliðun er
lítil sem engin innan stéttarinn-
ar og afstaða sveitarfélaganna
er farin að hafa áhrif á starfs-
ánægju tónlistarskólakennara
í starfi. Sú hugmynd að allar
skólagerðir vinni saman gengur
ekki upp ef mismunun í kjörum
kennarahópanna heldur áfram.
Stjórn Kennarafélags Íslands
krefst þess að gengið verði strax
til samninga við Félag kennara
og stjórnenda í tónlistarskólum
og laun þeirra leiðrétt í sam-
ræmi við laun annarra kennara í
landinu,“ segir í ályktun frá KÍ.
-mm
Stórgripir í
umferðinni
VESTURLAND: Alltaf er
nokkuð um að lögreglu ber-
ist tilkynningar um lausagöngu
búfjár á vegum í landshlutan-
um. Oftast er um kindur að
ræða en stundum sleppa einn-
ig hross út á vegina og jafnvel
nautgripir. Aðfararnótt síðasta
mánudags gerðist það að til-
kynnt var um nokkra stórgripi
á Vatnaleiðinni á Snæfellsnesi.
Haft var samband við bændur í
nágrenninu sem brugðust skjótt
við og komu nautgripunum til
síns heima. „Nauðsynlegt er að
vegfarendur tilkynni um lausa-
göngu búfjár í síma 112 eða við-
komandi lögreglu sem bregst
þá strax við og reynir að koma
skepnunum af vegunum og inn
í næstu girðingar í samvinnu við
bændur og búalið. Mikill skaði
getur orðið af ákeyrslu við stór-
gripi og oft er erfitt að koma
tímanlega auga á skepnurnar
eftir að skyggja tekur,“ segir í
tilkynningu frá Lögreglunni á
Vesturlandi. -mm
Atvinnuleysi
mælist 3%
LANDIÐ: Samkvæmt vinnu-
markaðsrannsókn Hagstofu Ís-
lands voru að jafnaði 195.000
manns á aldrinum 16–74 ára á
vinnumarkaði í september 2016,
sem jafngildir 82,3% atvinnu-
þátttöku. Af þeim voru 189.300
starfandi og 5.800 án vinnu og í
atvinnuleit. Hlutfall starfandi af
mannfjölda var 79,9% og hlut-
fall atvinnulausra af vinnuafli var
3%. Samanburður mælinga fyr-
ir september 2015 og 2016 sýn-
ir að atvinnuþátttakan jókst um
0,9 prósentustig. Fjöldi starf-
andi jókst um 8.500 og hlutfall-
ið af mannfjölda hækkaði um
1,6 stig. Atvinnulausum fækk-
aði um 1.300 manns og hlut-
fall þeirra af vinnuaflinu lækk-
aði um 0,8 prósentustig. -mm
Könnuðu notkun
öryggisbúnaðar
BORGARNES: Í liðinni viku
stöðvaði lögreglan á Vesturlandi
för um 40 ökumanna við leik-
skóla í Borgarnesi. Kannað var
með notkun öryggisbúnaðar. Að
sögn lögreglu reyndust börn og
fullorðnir vera með allan örygg-
isbúnað í lagi. Að sögn lögreglu
stendur til að halda þessu eftirliti
áfram víðar í umdæminu. -mm
Oddný sagði af
sér formennsku
LANDIÐ: „Ég tók við sem for-
maður á miklum erfiðleikatímum
í Samfylkingunni, tæpum fimm
mánuðum fyrir kosningar. Á þeim
stutta tíma tókst ekki að snúa við
erfiðri stöðu flokksins og niður-
staða kosninganna er mér mik-
il vonbrigði,“ segir í yfirlýsingu
Oddnýjar G Harðardóttur, sem
sagði af sér formennsku í Sam-
fylkingunni á mánudaginn í kjöl-
far útkomu flokksins í kosning-
unum á laugardaginn. „Samfylk-
ingin náði ekki árangri í þessum
kosningum, en það kemur dagur
eftir þennan dag og við höldum
áfram. Það er afar mikilvægt að
það skapist friður innan flokksins
svo hægt sé að byggja starfið upp
að nýju. Ég ætla að leggja mig alla
fram við þá vinnu sem framund-
an er við að efla Samfylkinguna,
því sjaldan hefur verið mikilvæg-
ara en nú að rödd jafnaðarmanna
heyrist kröftuglega í íslenskum
stjórnmálum og á Alþingi. Af-
gerandi niðurstöður kosninganna
kalla hins vegar á afgerandi við-
brögð. Ég hef því ákveðið að stíga
til hliðar sem formaður Samfylk-
ingarinnar.“ Logi Einarsson, vara-
formaður og nýkjörinn þingmað-
ur Norðausturkjördæmis, tekur
nú við stjórn flokksins. -mm
Aflatölur fyrir
Vesturland
22. - 28. október
Tölur (í kílóum) frá Fiskistofu:
Akranes: Engar landanir skráðar
í vikunni.
Arnarstapi: Engar landanir
skráðar í vikunni.
Grundarfjörður 6 bátar.
Heildarlöndun: 243.774 kg.
Mestur afli: Hringur SH: 67.198
kg í einni löndun.
Ólafsvík 7 bátar.
Heildarlöndun: 86.855 kg.
Mestur afli: Ólafur Bjarnason
SH: 24.168 kg í þremur róðrum.
Rif 5 bátar.
Heildarlöndun: 115.378 kg.
Mestur afli: Saxhamar SH:
49.887 kg í einni löndun.
Stykkishólmur 4 bátar.
Heildarlöndun: 67.685 kg.
Mestur afli: Hannes Andrésson
SH: 39.119 kg í fimm löndunum.
Topp fimm landanir
á tímabilinu:
1. Hringur SH - GRU:
67.198 kg. 25. október.
2. Grundfirðingur SH - GRU:
49.955 kg. 26. október.
3. Saxhamar SH - RIF:
49.887 kg. 26. október.
4. Helgi SH - GRU:
46.658 kg. 24. október.
5. Farsæll SH - GRU:
42.078 kg. 25. október.
grþ
Eygló Harðardóttir, félags- og
húsnæðismálaráðherra, setti í lið-
inni viku reglugerð sem heimilar
að veita hreyfihömluðum styrki og
uppbætur vegna bifreiða þótt þeir
hafi ekki bílpróf ef þeir búa í sjálf-
stæðri búsetu og eru með persónu-
legan aðstoðarmann samkvæmt
samningi við viðkomandi sveitarfé-
lag. Fram til þessa hafa hreyfihaml-
aðir einungis átt rétt á styrkjum og
uppbótum vegna bifreiðakaupa og
reksturs bifreiða ef þeir sjálfir hafa
ökuréttindi eða einhver á heimilinu
þar sem hinn fatlaði býr. „Megin-
markmið reglugerðar um styrki
og uppbætur vegna bifreiða er að
gera hreyfihömluðu fólki kleift
að stunda atvinnu, skóla og sækja
reglubundna endurhæfingu eða
læknismeðferð,“ segir í tilkynningu
frá ráðuneytinu. mm
Fá nú bifreiðastyrk þótt
þeir hafi ekki bílpróf
Rjúpnaveiðitímabilið er byrjað
Póst- og fjarskiptastofnun hefur
synjað beiðni Útvarps Sögu að nota
áfram útvarpstíðnina 102,1 MHz.
Stofnunin heimilaði SagaNet ehf.
á árinu 2015 að nota tíðnina 102,1
MHz tímabundið, í þeim tilgangi
að prófa hvort hún hentaði bet-
ur til útvarpsdreifingar á höfuð-
borgarsvæðinu, heldur en tíðnin
99,4 MHz sem útvarpsstöðin hef-
ur heimild til að nota. Í apríl síðast-
liðnum sótti útvarpsstöðin um að fá
varanlega heimild til þess að nota
báðar tíðnirnar. Í ákvörðun PFS er
umsókn SagaNet hf. hafnað og lagt
fyrir fyrirtækið að hætta notkun á
tíðninni 102,1 MHz þar sem tíma-
bundið leyfi til prófana er útrunn-
ið. Ákvörðun PFS byggir á skyldu
stofnunarinnar til þess að stuðla
að skilvirkri og hagkvæmri notk-
un tíðnirófsins. „Vegna eftirspurn-
ar eftir FM tíðnum á undanförnum
árum er ekki svigrúm til þess að út-
hluta fleiri en einni tíðni til hvers
aðila á sama svæði og hefur PFS
hafnað öllum erindum þar að lút-
andi sl. 18 ár,“ segir í tilkynningu
frá PFS.
mm
Takmarkaður fjöldi tíðnirása fyrir útvarp
Umferðaróhapp varð á Skagabraut
á Akranesi síðastliðinn mánudag.
Ökumaður missti stjórn á bif-
reið sinni með þeim afleiðingum
að hann ók utan í tvo kyrrstæða
og mannlausa bíla sem lagt hafði
verið í götunni. Tildrög óhapps-
ins eru ókunn en engin slys virðast
urðu á fólki. Ökumanninum, sem
var einn í bílnum, var þó komið
undir læknishendur til skoðunar.
kgk/ Ljósm. ki.
Ók utan í tvo kyrrstæða bíla
Á fundi byggðarráðs Borgarbyggð-
ar í síðustu viku var lagt fram erindi
frá LAVA-Hótel Varmaland ehf þar
sem farið er fram á langtímaleigu-
samning á landi fyrir ofan og fram-
an gamla húsmæðraskólann, bygg-
ingu sem LAVA-hotel Varmaland
keypti á síðasta ári. Einnig voru
lagðar fram af hálfu fyrirtækis-
ins óskir um viðræður við sveitar-
félagið um nýtingu á fleiri mann-
virkjum á Varmalandi. Á fundin-
um samþykkti byggðarráð að vísa
þeim hluta erindisins sem snýr að
landleigu til umhverfis,- skipulags
og landbúnaðarnefndar. Byggðar-
ráð áréttaði að sú stefna hefur ver-
ið mótuð að íbúðir sem óskað var
eftir leigu á verði seldar. Byggðar-
ráð lýsti hins vegar yfir áhuga á við-
ræðum við fyrirtækið um nýtingu
á félagsheimilinu Þinghamri og
sundlauginni á staðnum.
mm/ Ljósm. Mats Wibe Lund.
Vilja leigja land og mannvirki á Varmalandi