Skessuhorn - 02.11.2016, Blaðsíða 16

MIÐVIKUDAGUR 2. NÓVEMBER 201616
Nýverið bauð sveitarstjórn Hval-
fjarðarsveitar í heimsókn kjörnum
fulltrúum og framkvæmdastjór-
um í nágrannasveitarfélögunum;
Akraneskaupstað, Borgarbyggð og
Skorradalshreppi. Móttaka fyrir
hópinn var í Heiðarskóla og það-
an var haldið í Bugavirkjun þar sem
Leirárgarðabændur kynntu virkj-
unina og þá starfsemi sem þar fer
fram. Því næst var haldið að Hlöð-
um þar sem gestir fengu leiðsögn
um safnið og kynningu á ýmsu sem
tengist hernámi Íslands á árum síð-
ari heimsstyrjaldarinnar. Heim-
sókninni lauk síðan með kvöldverði
á Hótel Glym í Hvalfirði.
Stjórnendur þessara sveitarfélaga
hafa lengi viðhaft heimsóknir sem
þessar og hafa skipst á að bjóða ná-
grönnum sínum í heimsókn til að
ræða saman og fræðast um sveitar-
félag gestgjafans hverju sinni.
kgk
Nágrönnum boðið í
heimsókn
Kjörnir fulltrúar og framkvæmdastjórar Akraneskaupstaðar, Borgarbyggðar,
Hvalfjarðarsveitar og Skorradalshrepps í heimsókn í Bugavirkjun að Leirárgörð-
um. Ljósm. hvalfjardarsveit.is.
Búið er að vera mikið að gera hjá fé-
lögum í Hesteigendafélaginu Hring
í Ólafsvík undanfarið en þeir standa
í stórræðum og eru að byggja reið-
höll. Gengur bygging hússins hægt
en örugglega og er stefnt að því að
hægt verið að taka það í notkun í
vetur en fullklára bygginguna næsta
vor. Mest af vinnunni framkvæma
félagar í hesteigendafélaginu sjálfir
og liggja ekki á liði sínu við hana.
Þeir fengu smiði til að slá upp fyr-
ir sökklum og munu fá mann sem
hefur reynslu af því að reisa límt-
réshús til að aðstoða sig við reis-
inguna. Verður reiðhöll þessi mikil
breyting á aðstöðu hestamanna yfir
vetrartímann og mikil tilhlökkun
í félagsmönnum að koma húsinu í
gagnið. Líkt og með aðrar reiðhall-
ir sem eru í byggingu á Snæfellsnesi
er húsið keypt hjá Límtré Vírneti í
Borgarnesi.
þa
Vinna við byggingu reiðhallar í Ólafsvík
Bókasafn Grundarfjarðar flutti
haustið 2013 í Sögumiðstöðina í
Grundarfirði þar sem fyrir voru
upplýsingamiðstöð, Bæringsstofa
ljósmyndasafn, kaffihús og sýningar
Sögumiðstöðvar. Á sumrin er þröng
á þingi, húsið er þétt setið ferða-
mönnum sem sækja upplýsingamið-
stöðina, kaffihúsið og Sögumiðstöð-
ina heim. Hefur það orðið til þess að
heimsóknum heimamanna á bóka-
safnið hefur snarfækkað. „Síðasta
sumar varð algjör sprenging í fjölda
ferðamanna. Í þessu litla húsi eru
allir á sama gólfi og þröng á þingi
yfir sumartímann. Ég held að það
sé ástæðan fyrir því að heimsóknum
heimamanna á bókasafnið hafi fækk-
að og hrun varð í útlánum,“ seg-
ir Sunna Njálsdóttir, forstöðumað-
ur Bókasafns Grundarfjarðar í sam-
tali við Skessuhorn. Til að reyna að
sporna við þessari þróun og hvetja
Grundfirðinga til að sækja safnið
heim ákvað Sunna fyrir skemmstu
að taka myndir af bókakápum og
birta á Facebook-síðu safnsins og
heimasíðu bæjarins. „Ég ákvað að
prófa að taka myndir af bókum og
birta á síðunni, þannig að fólk gæti
lesið heima hjá sér það sem stendur
aftan á bókunum. Ef fólki langar að
lesa það sem er í hillunum þá getur
það gert upp hug sinn áður en það
kemur á staðinn,“ segir Sunna. „Ég
vona að þetta verði til þess að fjölga
heimsóknum en það er stutt síðan
ég byrjaði á þessu og verður gaman
að vita hvort þetta virkar eða ekki,“
bætir hún við.
Fjöldi heimsókna og
útlána hrapaði
Að sögn Sunnu hafa Grundfirðingar
alla tíð verið duglegir að sækja bóka-
safnið og hafa verið vel á pari við
landsmeðaltal í útlánum og heim-
sóknum. Árið 2014, fyrsta árið eft-
ir að safnið flutti í núverandi hús-
næði, tvöfaldaðist fjöldi heimsókna
heimamanna yfir sumartímann og
fjöldi útlána jókst sömuleiðis tölu-
vert. „En síðasta sumar hrapaði al-
gjörlega bæði fjöldi heimsókna og
útlána og varð nærri því sá sami og
var meðan safnið var enn uppfrá og
bara opið einn dag í viku á sumr-
in,“ segir Sunna. „Engu að síður var
ávinningur af því að komast niður
í miðbæ, nær fólkinu. Mörg bóka-
söfn hafa undanfarin ár verið færð í
miðbæ víða í þéttbýlisstöðum lands-
ins og það hefur sýnt sig að fjöldi
heimsókna og útlána hefur aukist
á þeim stöðum. Það sama gerðist í
raun hjá okkur fyrsta árið eftir flutn-
inginn, þannig að staðsetning safns-
ins er ekki vandamálið. Húsnæðið
er einfaldlega of lítið á sumrin til að
Sögumiðstöð, upplýsingamiðstöð,
kaffihús og bókasafn geti deilt einu
og sama gólfinu og það kemur nið-
ur á starfsemi bókasafnsins,“ segir
Sunna.
Börn lesa ef
foreldrar lesa
Ástæða þess að Sunna hefur áhyggj-
ur af þessari þróun er að henni þyk-
ir bókasafnið í Grundarfirði, rétt
eins og önnur bókasöfn á landinu,
hafa hlutverki að gegna þegar kem-
ur að læsi þjóðarinnar. „Bóklestur
fólks er að minnka og lesskilning-
ur þar með. Börn og unglingar lesa
helling, en fyrst og fremst í tölvum
þar sem þau venjast stuttum textum.
Skilningur á lengri textum verður
stöðugt minni,“ segir Sunna. „Hins
vegar er það staðreynd að börn lesa
meira ef þau sjá foreldra sína lesa.
Rannsóknir hafa sýnt það, meðal
annars ein sem gerð var á Akureyri
og sýnir að jákvæð fylgni er milli
lesturs barna og lesturs foreldra
þeirra,“ bætir hún við. Ástæðan fyr-
ir minnkandi bókalestri telur hún
vera breytta tíma og fjölbreyttari
afþreyingarmöguleika. „Þannig að
við viljum fá fullorðna fólkið á safn-
ið og helst að það taki börnin með
sér, því í mínum huga er ekkert sem
getur komið í staðinn fyrir bækur og
bókasöfnin,“ segir Sunna en tekur
fram að með lestri eigi hún einnig
við hlustun á hljóðbækur og lestur
rafbóka. „Sá sem til dæmis hlustar
á bækur meðtekur bókmenntaverk-
ið alveg eins og ef hann læsi það,
það er enginn sérstakur munur þar
á. Margir nota hljóðbækur á göngu
eða við líkamsrækt og hafa þar fund-
ið bókalestri nýjan stað og stund. Þá
er enginn munur á að lesa bók eða
rafbók hvað textann varðar, þetta er
alltaf sama bókin,“ segir hún. Sunna
vonast til að hljóðbækur og rafbæk-
ur einnig verði í auknum mæli hægt
að nálgast á bókasöfnum eða í gegn-
um bókasöfnin. „Í framtíðinni verð-
ur þetta þannig að fólk mun sækja
hljóð- eða rafbók á stafrænu formi
á vefnum gegnum útlánakerfi bóka-
safna. Það verður allt saman gott og
blessað en þangað til það verður hafa
bókasöfnin enn hlutverki að gegna í
núverandi mynd,“ segir Sunna.
Samsetningin góð
En hver telur hún að yrði farsæl-
asta lausnin til að fá Grundfirðinga
til að venja komur sínar á bókasafn
bæjarins að nýju? „Besta lausnin
í mínum huga væri einfaldlega að
stækka húsið, því samsetningin er
góð. Að hafa hér undir einu þaki
bókasafn, kaffihús, upplýsingamið-
stöð og Sögumiðstöð með sýning-
unum er mjög gott. Það er bæði
mín skoðun og einnig höfum við
heyrt það frá gestum okkar. Þetta
þurfa heimamenn að kynna sér og
upplifa. Ferðamönnunum finnst
skemmtilegt að hafa þetta allt undir
einu þaki. Þetta styður allt hvert við
annað. Það vantar bara meira pláss,
það er of þröngt á þingi,“ segir
Sunna að lokum.
kgk
Síðasta sumar hrapaði bæði fjöldi heimsókna og útlána
- segir Sunna Njálsdóttir, forstöðumaður Bókasafns Grundarfjarðar
Sunna Njálsdóttir, forstöðumaður Bókasafns Grundarfjarðar.
Til að reyna að hvetja fólk til að heimsækja safnið hefur Sunna tekið myndir af
bókum og birt á Facebook-síðu safnsins og heimasíðu bæjarins. Hér má sjá nokkrar
þeirra fjölmörgu og fjölreyttu barnabóka sem hægt er að nálgast á safninu. Einnig
tekur Sunna myndir af bakhlið bókanna, svo fólk geti lesið um hvað þær fjalla.
Ljósm. Bókasafn Grundarfjarðar á Facebook.