Skessuhorn - 14.12.2016, Blaðsíða 12
MIÐVIKUDAGUR 14. DESEMBER 201612
Fjarskiptasjóður hefur opnað fyrir
umsóknir vegna verkefnisins Ísland
ljóstengt sem er landsátak stjórn-
valda í uppbyggingu ljósleiðara-
kerfa utan markaðssvæða í dreif-
býli. Verkefnið hófst formlega síð-
astliðið vor með 450 milljón króna
styrkveitingu fjarskiptasjóðs til 14
sveitarfélaga sem hlutskörpust urðu
í samkeppni um þann styrk. Önn-
ur fjármögnun kemur frá þeim sem
tengjast sveitarfélögunum sjálfum
og fjarskiptafyrirtækjum eftir at-
vikum.
„Mikil áhersla er lögð á hag-
kvæma samlegð með öðrum mögu-
legum veituframkvæmdum og nýt-
ingu fyrirliggjandi innviða,“ seg-
ir í frétt Fjarskiptasjóðs. Ríkis-
styrkt uppbygging sveitarfélaga á
yfirstandandi ári náði til um 1.000
heimila og fyrirtækja víða um land.
Markmiðið er að 99,9% lögheimila
og fyrirtækja eigi kost á amk. 100
Mb/s þráðbundinni nettengingu
árið 2020. Eftir er að leggja ljós-
leiðara til um 3.000 bygginga til að
ná því markmiði. Ljósleiðaravæð-
ing utan þéttbýlis stuðlar jafnframt
að uppfærslu stofnkerfa fjarskipta
á landsvísu og er forsenda meiri
áreiðanleika, útbreiðslu og gagna-
flutningshraða allra farneta utan
þéttbýlis.
Úthlutunarfyrirkomulag Fjar-
skiptasjóðs er með svipuðu sniði og
áður. Sveitarfélögum býðst að sækja
um styrk úr 450 milljóna króna
heildarpotti sjóðsins vegna Ísland
ljóstengt. Skilmálar og umsóknar-
fyrirkomulag hafa tekið breytingum
með hliðsjón af fenginni reynslu og
framvindu verkefnisins. Stefnt er að
undirritun styrktarsamninga vegna
Ísland ljóstengt 2017 í febrúar næst-
komandi. mm
Opna fyrir umsóknir
til ljósleiðaravæðingar
Hér á Vesturlandi hafa nú verið lagðir ljósleiðarar í jörðu í nokkrum sveitar-
félögum. Þar á meðal í Helgafellssveit, Eyja- og Miklaholtshrepp og Hvalfjarðar-
sveit þar sem þessi mynd var tekin. Nú er unnið að undirbúningi verkefnisins
víðar.
Deildarritara og bókara
Dag ur í lífi...
Nafn: Svava Ragnarsdóttir.
Fjölskylduhagir/búseta: Bý á
Akranesi, er gift Gunnari Þór
Haraldssyni og við eigum þrjú
börn saman: Ragnar Þór, Berg-
lindi Björk og Vilborgu Lind.
Svo erum við líka með hana
Heklu (hund) og Skottu (kisu).
Starfsheiti/fyrirtæki: Ég starfa
hjá HVE á Akranesi, fyrir há-
degi er ég deildarritari á B og
C deild og eftir hádegi starfa ég
sem bókari á skrifstofu.
Áhugamál: Mér finnst gaman
að vera með fjölskyldu og vin-
um, tala nú ekki um að skreppa í
bústað og hafa það huggulegt.
Föstudagurinn 9. desember:
Klukkan hvað vaknaðirðu
og hvað var það fyrsta sem
þú gerðir? Ég vakna klukkan
05:00 og gef Heklu að borða og
fer með hana út að pissa. Svo
förum við hjónin og keyrum út
Fréttablaðið, sem tekur um eina
klukkustund. Þá erum við kom-
in heim milli sex og hálf sjö, þá
fær Skotta mat í skál. Þá kúr-
um við Hekla (hundabarn) að-
eins saman og svo fæ ég mér að
borða Herbalife shake, fer svo
í sturtu og mæti svo í vinnuna
klukkan átta.
Fyrstu verk í vinnunni: Mitt
fyrsta verk í vinnunni er að
skoða hvort það séu fædd ný
börn sem þarf að skrá inn og
gera vottorð fyrir.
Hvað varstu að gera klukkan
10? Ég fékk mér te og prótein-
bar klukkan 10 og smellti inn
einum brandara á Facebook,
svona af því að það var föstu-
dagur og óskaði öllum góðrar
helgar.
Hvað gerðirðu í hádeginu? Í
hádeginu fer ég aðeins heim, fæ
mér smá í gogginn og fer með
hundinn aðeins út í garð.
Hvað varstu að gera klukkan
14: Eftir hádegi fer ég á skrif-
stofuna til klukkan 16.
Hvenær hætt og það síðasta
sem þú gerðir í vinnunni? Það
síðasta sem ég gerði í vinnunni
var að ganga vel frá og slökkva
á öllu fyrir helgarfrí.
Hvað gerðirðu eftir vinnu?
Eftir vinnu hitti ég aðeins dótt-
ur mína og tengdason en hann
átti einmitt afmæli þennan dag
og þau voru á leið í bústað. Ég
náði að kveðja þau.
Hvað var í kvöldmat og hver
eldaði? Ég eldaði þetta kvöld,
pizza frá Galito.
Hvernig var kvöldið? Eft-
ir kvöldmat skrapp ég til vin-
konu minnar með garn í poka
en hún ætlar einmitt að prjóna
fyrir dóttur mína.
Hvenær fórstu að sofa? Ég
fór að sofa um klukkan 23 því
ég þurfti að vakna snemma
næsta dag, eins og alla aðra
daga nema sunnudaga - þá er
sofið aðeins lengur.
Hvað stendur uppúr eftir
daginn? Það eru nú allir dag-
ar svipaðir hjá mér en ég elska
þegar ég fæ að vera bara heima
að dunda eða bara í rólegheit-
um.
Kertaljós og kossar - Njótum aðventunnar
Friðar- og kærleiksjól
í Blómasetrinu
Blóm og falleg gjafavara