Skessuhorn - 14.12.2016, Blaðsíða 24

MIÐVIKUDAGUR 14. DESEMBER 201624
Vörur og þjónusta
Hönnun prentgripa
& alhliða prentþjónusta
Drei bréf - Boðsbréf
Ritgerðir - Skýrslur
Reikningar - Eyðublöð
Umslög - Bréfsefni
Fjölritunar- og
útgáfuþjónustan
Getum við
aðstoðað þig?
sími: 437 2360
olgeirhelgi@islandia.is
R E S T A U R A N T
Upplýsingar í síma: 430 6767
R E S T A U R A N T
Upplýsingar í síma: 430 6767
Sprautu- og bifreiðaverkstæði
Sólbakka 5, Borgarnesi • 437-1580 • sbb@simnet.is
Tjónaskoðun – Bílamálun – Réttingar – Bílrúðuskipti
Þjónustum öll tryggingafélög
Borgarness
www.skessuhorn.is
Þjónustuauglýsingar
Skessuhorns
Auglýsingasími:
433 5500

Byggðastofnun, Flugfélag Íslands
og Listahátíð í Reykjavík taka enn á
ný höndum saman um Eyrarrósinni;
viðurkenningu fyrir framúrskarandi
menningarverkefni á landsbyggð-
inni. Markmið viðurkenningarinn-
ar er að beina sjónum að og hvetja
til menningarlegrar fjölbreytni, ný-
sköpunar og uppbyggingar á sviði
menningar og lista. Meðal verð-
launahafa frá því 2005, þegar verð-
launin voru fyrst afhent, má nefna
Landsnámssetrið í Borgarnesi og
Frystiklefann í Rifi. Eliza Reid for-
setafrú hefur tekið við hlutverki
verndara Eyrarrósarinnar af Dorrit
Moussaieff fyrrverandi forsetafrú.
Nú hefur verið opnað fyrir um-
sóknir fyrir Eyrarrósina 2017. Um-
sækjendur geta meðal annars verið
stofnun, tímabundið verkefni, safn
eða menningarhátíð utan höfuð-
borgarsvæðisins. Af umsækjendum
verða sex verkefni valin á Eyrarrós-
arlistann og af þeim hljóta þrjú verk-
efni tilnefningu til sjálfrar Eyrarrós-
arinnar. Eitt þeirra hlýtur Eyrar-
rósina 2017, en henni fylgja tveggja
milljóna króna peningaverðlaun, en
öðrum tilnefningum fylgja einnig
peningaverðlaun. Umsóknarfrestur
er til 15. janúar næstkomandi. Um-
sóknir skal senda rafrænt til Listahá-
tíðar í Reykjavík á netfangið eyrar-
ros@artfest.is
mm
Auglýst eftir umsóknum
um Eyrarrósina
Pakkhúsið í Ólafsvík er opið á að-
ventunni eins og svo oft áður og
stendur fyrir ýmsum viðburðum
ásamt því að selja handverk og ýms-
ar fallegar vörur, kaffi, súkkulaði og
fleira gott. Einn þessara viðburða
var markaður þar sem fólki gafst
kostur á að koma og selja ýmsan
varning fimmtudaginn 8. desember.
Margir lögðu leið sína í Pakkhús-
ið þennan dag og gerðu góð kaup á
ýmsu. Á boðstólnum var kjöt beint
frá býli, fallegt hárskraut til styrkt-
ar Barnaspítala Hringsins, lopavör-
ur og einnig seldu konur úr Kvenfé-
lagi Ólafsvíkur ýmsar vörur svo sem
saltfisk, fjallagrasabrauð og alls kyns
bakkelsi. þa
Héldu markað í Pakkhúsinu
Aðalfundur Golfklúbbsins Leynis
á Akranesi var haldinn 6. desemb-
er síðastliðinn. Þórður Emil Ólafs-
son formaður fór yfir skýrslu og
starf klúbbsins á liðnu ári, gjald-
keri fór yfir reikninga og kynnti
rekstraráætlun ársins 2017. Rekst-
ur GL gekk vel rekstrarárið 2016
og var veltan tæpar 80 milljónir
samanborið við tæpar 90 milljón-
ir árið 2015. Felst munurinn í að
árið 2015 var umfangsmikið 50 ára
afmælisár ásamt því að GL hafði
umsjón með Íslandsmótinu í golfi.
Rekstrargjöld voru tæpar 75 mkr. á
þessu ári samanborið við rúmar 86
mkr. árið 2015. Rekstrarhagnaður
klúbbsins var því rúmar 5 milljón-
ir króna fyrir fjármagnsliði og af-
skriftir. Á fundinum kom fram að
reksturinn hefði gengið vel en veð-
urfar var mjög gott með miklum
grasvexti sem takast þurfti á við og
sömuleiðis voru kylfingar duglegir
að heimsækja Garðavöll, en völlur-
inn var opnaður snemma þetta vor-
ið eða í lok apríl og leit þá vel út.
Í skýrslu stjórnar kom fram hvað
myndarlegt og öflugt félagsstarf er
hjá Leyni og hefur sömuleiðis mik-
il sjálfboðaliðavinna hjálpað til við
undanfarin ár að gera góðan klúbb
enn betri og eiga félagsmenn mikl-
ar þakkir skildar. Í rekstraráætlun
fyrir árið 2017 var lagt til að félags-
gjöld yrðu hækkuð og var það sam-
þykkt. Gjaldskrá verður birt inn-
an skamms á heimasíðu GL þeg-
ar innheimta árgjalda hefst. Stjórn
Leynis var endurkjörin en hana
skipa Þórður Emil Ólafsson for-
maður, Hannes Marinó Ellertsson,
Eiríkur Jónsson, Hörður Kári Jó-
hannesson, Berglind Helgadóttir
og Ingibjörg Stefánsdóttir.
Félagsmenn í Leyni eru 435 og
fjölgaði úr 410 frá árinu 2015 eða
um 6%. Spiluðum hringjum fækk-
að lítillega milli ára en í ár voru spil-
aðir 18.400 hringir samanborið við
18.750 hringi árið 2015. Fjölbreytt
mótahald var að vanda á vegum GL
í sumar með blöndu af innanfélags-
mótum, opnum mótum og GSÍ
mótum sem töldu um 50 talsins og
jókst mótasókn töluvert milli ára en
um 2500 kylfingar sóttu Garðavöll
heim samanborið við tæpa 2000
árið 2015.
Fengu viðurkenningar
Viðurkenningar voru að venju
veittar. Guðmundar- og Óðins-
bikarinn, var veittur Reyni Sigur-
björnssyni fyrir dyggan og góðan
stuðning við starf GL hvar sem á er
litið til langs tíma. Ísak Örn Elvars-
son fékk háttvísisverðlaun GSÍ en
þau eru veitt ár hvert þeim kylfingi
undir 18 ára aldri sem endurspeglar
hvað mest þá eiginleika sem Leynir
vill sjá í afreksefnaunglingum sín-
um. Karl Ívar Alfreðsson fékk við-
urkenningu fyrir mestu forgjafar-
lækkun hjá Leyni en Karl lækkaði
úr 28,0 í 14,1 á árinu 2016. Reyn-
ir Gunnarsson fékk viðurkenningu
fyrir flesta spilaða hringi á árinu en
þeir töldu um 88 frá opnun vallar til
lokunnar nú í haust.
Þórður Emil formaður Leynis
fór yfir stöðu mála varðandi félags-
aðstöðu GL en félagið hefur átt
í viðræðum við Akraneskaupstað
um samstarf og stuðning hvað það
varðar.
mm/ Ljósm. Leynir.
Gott rekstrarár hjá Leyni
Karl Ívar Alfreðsson fékk verðlaun fyrir mestu forgjafarlækkun ársins hjá GL. Hér
er hann ásamt Þórði Emil formanni Leynis.
Ísak Örn Elvarsson fékk háttvísisverðlaun GSÍ en þau eru veitt ár hvert þeim
kylfingi undir 18 ára aldri sem endurspeglar hvað mest þá eiginleika sem Leynir
vill sjá í afreksefnaunglingum sínum. Hér er Ísak ásamt Þórði Emil.
Berglind Helgadóttir tók við verðlaunum fyrir hönd Reynis Sigurbjörnssonar þar
sem hann var staddur erlendis. Þórður Emil stendur henni við hlið en sitjandi er
Pétur Ottesen fundastjóri.