Skessuhorn - 14.12.2016, Blaðsíða 13

MIÐVIKUDAGUR 14. DESEMBER 2016 13
Rýmið er hluti af sameiginlegu verslunar- og þjónustu-
húsnæði og telst vera um 78m2 sem laust er til útleigu.
Innifalið í sameignarrými er meðal annars sameiginleg
kaffiaðstaða, snyrting, ræsting og gangar.
Góðir möguleikar á frábærum stað sem samnýtast
vel með annarri starfsemi og snjallari viðskipti.
Á svæðinu eru fyrir hárgreiðslustofa,
snyrti- og nuddstofa ásamt kaffihúsi.
Húsnæðið er laust frá áramótum.
Upplýsingar eru veittar
í síma 862-9933.
Til leigu er verslunarhúsnæði
við Kirkjubraut á Akranesi
SK
ES
SU
H
O
R
N
2
01
6
Auðarskóli - deildarstjóri á leikskóla
Auðarskóli óskar eftir deildarstjóra á leikskóla til starfa. Staðan er
laus frá og með 1. janúar. Umsóknarfrestur er til 23. desember 2016.

Helstu verkefni eru að vinna að uppeldi og menntun leikskólabarna
samkvæmt starfslýsingu deildarstjóra á leikskóla.

Hæfnikröfur eru:
leikskólakennaramenntun
færni í samskiptum
frumkvæði í starfi
sjálfstæði og skipulögð vinnubrögð
stundvísi
góð Íslenskukunnátta

Upplýsingar um starfið veitir Hlöðver Ingi Gunnarsson, skólastjóri
Auðarskóla, í síma 694 8615. Umsóknir berist á netfangið
hlodver@audarskoli.is.
SK
ES
SU
H
O
R
N
2
01
6
Á miðvikudaginn í liðinni viku,
7. desember, hefði Jakob Jónsson
bóndi á Varmalæk orðið 100 ára,
en hann lést árið 2004. Jakob á víða
spor í borgfirskri sögu þar sem hann
lagði ýmis konar samfélagslegum
verkefnum lið um ævina. Hann var
fæddur á Varmalæk í Bæjarsveit.
Foreldrar hans voru Jón Jakobsson
og Kristín Jónatansdóttir. Jakob
átti alla sína ævi heima á Varmalæk
og tók við búskap þar 1946. Hann
var hæfileikaríkur maður, var odd-
viti Andakílshrepps í mörg ár og
gegndi fjölda trúnaðarstarfa fyr-
ir héraðið. Hann var þekktur fyr-
ir kveðskap sinn, vísur hans voru
oft beittar en jafnframt glettnar og
afar lipurlega ortar. Hann hampaði
skrifum sínum aldrei og vildi lítið
heyra á þau minnst.
Svo segir Sigurður Sigurðar-
son dýralæknir um kveðskap hans
og heimsóknir sínar að Varmalæk
í Skessuhorni árið 2014: „Í fyrsta
sinn, sem ég kom að Varmalæk, var
Jakob við píanóið og lék undurvel
lög eftir stórmeistara tónlistarinn-
ar. Ég komst að því síðar, að hann
samdi sjálfur falleg lög, auk þess
sem hann orti ljómandi kvæði og
þó sérstaklega lausavísur, sem flugu
um héraðið. Sumar þeirra urðu
landfleygar strax. Jakob lét þó lítið
yfir kveðskap sínum…“ Jakob gift-
ist árið 1946 Jarþrúði G. Jónsdóttur
(1925-2010) sem var fædd og upp-
alin á Grímsstaðaholtinu í Reykja-
vík. Þau eignuðust sex börn.
Í Safnahúsi Borgarfjarðar var á
afmælisdaginn opnuð veggspjalda-
sýnig um Jakob og er hún hönnuð
af Heiði Hörn Hjartardóttur. Þar
má sjá nokkurn fróðleik um hann
auk sýnishorna af kveðskap hans.
Sýninguna prýðir andlitsteikning
af Jakobi eftir Pál Guðmundson á
Húsafelli og er hún í eigu fjölskyld-
unnar. Veggspjaldasýningin verður
uppi í Safnahúsinu fram á næsta ár.
Þess má að endingu geta að í
Jólablaði Skessuhorns sem kem-
ur út í næstu viku mun Dagbjart-
ur Dagbjartsson minnast Jakobs á
Varmalæk í jólavísnaþætti blaðsins.
gj/mm
Minnast Jakobs á Varmalæk í Safnahúsinu
Börn Jakobs og Jarþrúðar voru mætt við opnun sýningarinnar í Safnahúsinu á
afmælisdaginn. F.v. Birna, Jón, Helga og Sigurður. Eitt barna þeirra lést í æsku og
Magnea Kristín yngsta dóttir þeirra lést árið 2015. Ljósm. Guðrún Jónsdóttir.
Síðastliðið fimmtudagskvöld héldu
þrír borgfirskir kórar aðventutón-
leika í Reykholtskirkju. Kórarnir
sungu bæði einir og saman und-
ir stjórn Viðars Guðmundssonar,
við undirleik Sveins Arnars Sæ-
mundssonar og Heimis Klemenz-
sonar. Þetta voru Reykholtskór-
inn, Freyjukórinn og Söngbræður.
Afar góð mæting var á tónleikana
en yfir 400 manns nutu þess þegar
kórarnir stilltu saman strengi sína.
Söngurinn tókst vel og fóru gest-
ir glaðir í sinni og með brosi á vör
heim í nóttina enda stemningin
hlý og hátíðleg í kirkjunni.
Við lok tónleikanna kvað Gunn-
ar Örn Guðmundsson formað-
ur Söngbræðra sér hljóðs og til-
kynnti að kórarnir hefðu ákveðið
að aðgangseyrir að tónleikunum
færi til stuðnings Ólafs Kristins
Viðarssonar, einhverfs drengs og
sonar þeirra Viðars kórstjóra og
Borgfirskir kórar létu
gott af sér leiða
Kórarnir syngja saman undir stjórn Viðars Guðmundssonar. Ljósm. bhs.
Barböru Guðbjartsdóttur í Mið-
húsum. Þakkaði Viðar fyrir hönd
fjölskyldunnar þennan rausnarlega
stuðning. Sama kvöld fengu Mið-
húsahjón auk þess afhent plagg
til staðfestingar á styrk sem Ólaf-
ur Kristinn fær úr minningarsjóði
Björns Rúnarssonar frá Þverfelli.
mm
Það þykir gott fyrir einhverfa að umgangast dýr. Ólafur Kristinn unir sér því vel
í sveitinni í kringum þau. Styggar kindur geta til að mynda orðið hinar mestu
kelirófur þegar Óli spjallar við þær. Hér er hann hins vegar ásamt föður sínum hjá
hrossunum á Miðhúsum á Ströndum þar sem fjölskyldan býr.