Skessuhorn - 11.01.2017, Blaðsíða 10

MIÐVIKUDAGUR 11. JANÚAR 201710
Sveitarfélög á
köldum svæðum
mótmæla hækk-
un raforkuverðs
LANDIÐ: Samtök sveitar-
félaga á köldum svæðum hafa
sent iðnaðar- og viðskiptaráð-
herra erindi þar sem lýst er
yfir miklum vonbrigðum með
þær hækkanir sem hafa orðið
á raforku frá 2013, en hækkun
á tímabilinu er langt umfram
hækkun á vísitölu. „Svo virðist
sem sölufyrirtækin hafi nýtt sér
þá staðreynd að hækkun hefur
orðið á niðurgreiðslum til íbúa
á köldum svæðum og hækkað
gjaldskrár sínar óhóflega sem
kemur harkalega niður á íbúum
sem búa á þeim svæðum,“ seg-
ir í erindinu til ráðherra. „Eitt
helsta baráttumál samtakanna
hefur verið að jafna húshitun-
arkostnað íbúa sem búa á köld-
um svæðum en frá janúar 2013
hefur raforkuverð hækkað um
12,6-22,63%. Á sama tíma hef-
ur vísitala neysluverðs einung-
is hækkað um 8,85%.“ Stjórn
samtakanna telur þessar hækk-
anir algjörlega úr takti við eðli-
legar hækkanir og mótmælir
þeim harðlega. Jafnframt skora
Samtök sveitarfélaga á köldum
svæðum á ráðherra orkumála
að skipa starfshóp sem fari yfir
málin og komi með tillögur til
ráðherra hvernig hægt sé að ná
þeim markmiðum að jafna hús-
hitunarkostnað á landinu óháð
orkugjafa.
-mm
Leita að
húsnæði undir
crossfit stöð
AKRANES: Bræðurnir Gunn-
ar Smári og Jóhann Örn Jón-
björnssynir stefna á að opna
crossfit stöð á Akranesi ásamt
Sunnevu Burgess. Hugmynd-
ina fengu þeir í ágúst síðastliðn-
um og fóru strax í það að kanna
hvort markaður væri fyrir slíkt í
sveitarfélaginu. „Við skoðuðum
stöðvar í Hveragerði, á Sauð-
árkróki, Akureyri og í Vest-
mannaeyjum og sáum að það
er alveg markaður fyrir þetta á
Skaganum. Þó að sveitarfélögin
séu lítil, þá er alltaf troðfullt í
öllum stöðvunum. Þá fékk ég
þá flugu í hausinn að bjóða líka
upp á sjúkraþjálfun á sama stað,
enda vantar sjúkraþjálfara á
Akranesi,“ segir Gunnar Smári
sem er sjúkraþjálfari að mennt.
Hann segir að í framhaldinu
hafi verið sett upp viðskipta-
áætlun og leit hófst að húsnæði.
„Við fengum svo vilyrði fyr-
ir húsnæði en það reyndist að-
eins of dýrt. Í millitíðinni fór
ég á námskeið og fékk þjálfara-
réttindi og staðan er sú að við
erum komin með leyfi, fjár-
mögnun og tilboð í dót. Okk-
ur vantar bara húsnæði.“ Hann
segir húsnæðisskortinn hafa
komið á óvart en um tvö- til
þrjúhundruð fermetra húsnæði
myndi henta best undir crossfit
stöðina. „Það væri hentugasta
stærðin en mætti samt alveg
vera stærra. Við erum að þreifa
fyrir okkur núna, erum búin að
funda bæði með bænum og ein-
staklingum sem eiga húsnæði
en það hefur lítið gengið. Það
vantar húsnæði í bænum. Þetta
er því allt í pípunum en er ekki
staðfest ennþá, eingöngu hús-
næðisins vegna,“ segir Gunnar
Smári.
-grþ
Fallist á kröfur
um landamerki
DALABYGGÐ: Héraðsdóm-
ur Vesturlands kvað í desember
upp úrskurð í máli sem Trausti
Bjarnason á Á höfðaði með stefnu
á hendur Ólafi Eggertssyni á
Manheimum, Elínborgu Egg-
ertsdóttur á Skarði 2 og Kristni B.
Jónssyni á Skarði 1. Hafði Trausti
jafnframt stefnt Þórði Baldurssyni
og Sigríði Bryndísi Karlsdóttur á
Geirmundarstöðum og var það
mál sameinað hinu málinu að ósk
málsaðila. Öll stefndu, að Elín-
borgu frátalinni, höfðuðu gagn-
sakarmál. Ágreiningsefni máls-
ins lýtur að landamerkjum jarðar-
innar Ár á Skarðsströnd gagnvart
jörðunum Skarði og Geirmund-
arstöðum, en bæði Á og Geir-
mundarstaðir voru áður hjáleigur
frá Skarði. Ítarlegar málsástæður
verða ekki raktar hér en lesendum
bent á að dóminn má lesa í heild
sinni í dómasafni Héraðsdóms
Vesturlands, sem aðgengilegt er
á vefsíðunni www.domstolar.is.
Niðurtöður dómsins voru í stuttu
máli þær að héraðsdómur féllst á
aðalkörfur aðalstefnanda Trausta
Bjarnasonar á Á um landamerki
Ár gagnvart jörðunum Skarði og
Geirmundarstöðum. Gagnstefn-
endum Kristni B. Jónssyni, Ólafi
Eggertssyni, Sigríði Bryndísi
Karlsdóttur og Þórði Baldurssyni
var gert að greiða honum óskipt
2,6 milljónir í málskostnað. Að-
alstefnda Elínborg Eggertsdóttir
var hins vegar sýknuð af kröfum
aðalstefnanda Trausta Bjarnason-
ar og honum gert að greiða henni
100 þúsund krónur í málskostn-
að. -kgk
Aflatölur fyrir
Vesturland
31. desember - 6. janúar
Tölur (í kílóum)
frá Fiskistofu:
Akranes 3 bátar.
Heildarlöndun: 15.648 kg.
Mestur afli: Ebbi AK: 9.775 kg í
þremur löndunum.
Arnarstapi: Engar landanir á
tímabilinu.
Grundarfjörður 2 bátar.
Heildarlöndun: 4.536 kg.
Mestur afli: Vinur SH: 2.734 kg
í einni löndun.
Ólafsvík 11 bátar.
Heildarlöndun: 142.577 kg.
Mestur afli: Kristinn SH: 24.706
kg í þremur löndunum.
Rif 5 bátar.
Heildarlöndun: 45.716 kg.
Mestur afli: Guðbjartur SH:
17.848 kg í þremur löndunum.
Stykkishólmur 4 bátar.
Heildarlöndun: 19.935 kg.
Mestur afli: Fjóla SH: 9.696 kg í
fjórum löndunum.
Topp fimm landanir á tíma-
bilinu:
1. Kristinn SH - ÓLA:
9.742 kg. 4. janúar.
2. Kristinn SH - ÓLA:
9.327 kg. 3. janúar.
3. Bárður SH - ÓLA:
7.524 kg. 6. janúar.
4. Tryggvi Eðvarðs SH - ÓLA:
7.383 kg. 4. janúar.
5. Guðbjartur SH - RIF:
7.151 kg. 6. janúar.
-grþ
Heilbrigðisráðherra hefur ákveðið
að fresta innleiðingu á nýju greiðslu-
þátttökukerfi vegna heilbrigðis-
þjónustu til 1. maí næstkomandi.
Ákvörðunin byggist á því að meiri
tíma þurfi til að undirbúa kerfis-
breytinguna, fyrst og fremst vegna
ýmissa tæknilegra örðugleika við
útfærslu hennar. Alþingi samþykkti
2. júní síðastliðinn breytingu á lög-
um um sjúkratryggingar þar sem
kveðið var á um grundvallarbreyt-
ingar á fyrirkomulagi á greiðslum
sjúklinga fyrir heilbrigðisþjón-
ustu. Lögin öðlast gildi 1. febrúar
nk. Samkvæmt nýju greiðsluþátt-
tökukerfi á að vera tryggt að mán-
aðarlegar greiðslur fólks fyrir heil-
brigðisþjónustu fari aldrei yfir til-
tekið hámark og að þar með verði
jafnframt sett þak á árleg heildar-
útgjöld fólks fyrir þá heilbrigð-
isþjónustu sem fellur undir nýja
greiðsluþátttökukerfið. Undir nýja
kerfið fellur þjónusta heilsugæslu,
sjúkrahúsa, sjálfstætt starfandi heil-
brigðisstarfsmanna, rannsóknir og
geisla- og myndgreining.
Velferðarráðuneytið og Sjúkra-
tryggingar Íslands hafa á liðn-
um mánuðum undirbúið gildis-
töku laganna og innleiðingu á nýju
greiðsluþátttökukerfi með það að
markmiði að kerfið tæki gildi 1.
febrúar. Í desember sl. óskaði ráðu-
neytið eftir umsögnum um drög að
reglugerðum sem lúta að innleið-
ingu nýja greiðsluþátttökukerfis-
ins, þ.e. reglugerð um hlutdeild
sjúkratryggðra í kostnaði vegna
heilbrigðisþjónustu og reglugerð
um tilvísanir fyrir börn. Fram hef-
ur komið af hálfu Sjúkratrygginga
Íslands að lengri tíma þurfi til að
innleiða reglugerð um tilvísan-
ir fyrir börn en áætlað var vegna
vinnu við forritun og kynningu á
kerfinu. Heilsugæsla höfuðborgar-
svæðisins og fleiri aðilar hafa einn-
ig lýst áhyggjum yfir naumum tíma
til innleiðingar þessara kerfisbreyt-
inga, meðal annars vegna nauðsyn-
legra hugbúnaðabreytinga, teng-
inga á kerfum milli stofnana og
vegna viðeigandi villuprófana á
kerfinu áður en það verður tekið í
notkun.
„Með hliðsjón af framkomnum
athugasemdum hefur heilbrigðis-
ráðherra ákveðið að fresta innleið-
ingu greiðsluþátttökukerfisins til 1.
maí 2017. Stefnt er að því að reglu-
gerðir um hlutdeild sjúkratryggðra
í kostnaði vegna heilbrigðisþjón-
ustu og um tilvísanir fyrir börn
verði settar fyrir lok þessa mánaðar
og taki gildi 1. maí 2017,“ segir í
tilkynningu frá ráðuneytinu.
mm
Fresta innleiðingu laga um greiðslu-
þátttökukerfi vegna heilbrigðisþjónustu
Sem kunnugt er stendur nú yfir
verkfall sjómanna fiskiskipaflotans
og hefur staðið yfir síðan 14. des-
ember. Miðað við fregnir síðustu
daga virðist sem viðræðum sjó-
manna við SFS, Samtök fyrirtækja
í sjávarútvegi, miði lítið áfram og
enn vera langt á milli deiluaðila.
Á meðan verkfallið varir eru
smábátasjómenn þeir einu sem róa
til fiskjar. Sást það glögglega í yf-
irliti yfir aflahæstu báta sem reru
frá höfnum á Vesturlandi í síðustu
viku, sem allt voru smábátar. Veið-
ar á smábátum eru hins vegar mjög
háðir veðri og vindum. Föstudag-
inn 30. desember komust smá-
bátasjómenn á Snæfellsnesi til að
mynda í fyrsta sinn á sjó frá því fyr-
ir jól vegna ótíðar. Aflinn var hins
vegar góður og fékkst gott verð fyr-
ir hann.
En þrátt fyrir að smábátasjó-
menn njóti tímabundið góðs af
hærra fiskverði vegna snarminnk-
aðs framboðs kemur sjómannaverk-
fallið vitaskuld afar illa við samfélög
eins og Snæfellsbæ og Grundar-
fjörð, þar sem atvinnulífið byggist
að langstærstu leyti á fiskveiðum og
-vinnslu. Margfalt minna er veitt af
fiski fyrir vikið því stóru bátarnir
róa ekki og fiskvinnslur eru marg-
ar lokaðar. „Eins og gefur að skilja
eru áhrif sjómannaverkfallsins heil-
mikil. Ætli það séu ekki milli 400
og 500 manns hér í Snæfellsbæ sem
vinna við störf tengd veiðum og
fiskvinnslu,“ segir Kristinn Jónas-
son, bæjarstjóri í Snæfellsbæ, í sam-
tali við Skessuhorn á fimmtudag-
inn. „Það eru einungis smábátasjó-
menn og beitningarfólk sem vinnur
í dag. Ég held að allar vinnslur séu
lokaðar nema ein. Fólkið í vinnsl-
unum sem eru lokaðar fær vissulega
atvinnuleysisbætur á meðan, en þær
eru bara brot af þeim launum sem
fólkið hefur í vinnunni. Það er því
afskaplega slæmt fyrir samfélagið
að það skuli vera verkfall, sérstak-
lega núna þegar vetrarvertíðin er
að hefjast,“ segir Kristinn og von-
ast til að verkfallinu ljúki hið fyrsta.
„Ég vona að deiluaðilar nái saman
sem fyrst því þetta hefur gríðarlega
mikil áhrif á okkar samfélag,“ segir
Kristinn Jónasson.
Sömu sögu er að segja úr Grund-
arfirði, en í nýárspistli sem birtist í
síðasta Skessuhorni hafði Þorsteinn
Steinsson bæjarstjóri á orði að far-
sælast væri fyrir alla að verkfallinu
lyki sem fyrst. „Verkfall sjómanna
er í gangi sem auðvitað er erfitt í
sveitarfélagi eins og Grundarfirði
sem byggir langstærstan hluta at-
vinnulífs íbúa á fiskveiðum og fisk-
vinnslu. Vonandi tekst að leysa
þessa deilu hið snarasta, það er best
fyrir alla,“ sagði Þorsteinn Steins-
son. kgk
Sjómannaverkfallið kemur
illa við sjávarplássin
Smábatasjómenn í Ólafsvík bíða
löndunar sl. sumar en stærri fiski-
skip í baksýn, bundin við bryggju.
Ljósm. úr safni/ af.