Skessuhorn - 01.02.2017, Page 16

MIÐVIKUDAGUR 1. FEBRÚAR 201716
VISKUKÝRIN 2017
Hin árlega spurningakeppni Nemendafélags Landbúnaðarháskóla Íslands
verður haldin í matsal skólans á Hvanneyri
fimmtudaginn 9. febrúar og hefst keppnin klukkan 20:00.
Nemendur, starfsfólk og heimamenn úr
Borgarbyggð munu etja keppni.
Spyrill er Logi Bergmann.
Skemmtiatriði og sælgætissala í hléi.
Aðgangseyrir er 500 krónur en frítt er fyrir 14 ára og yngri.
Athugið að Viskukýrin er áfengislaus skemmtun!

VISKUKÝRIN 2017
Hin árlega spurningakeppni Nemendafélags Landbúnaðarháskóla Íslands
verður haldin í matsal skólans á Hvanneyri
fimmtudaginn 9. febrúar og hefst keppnin klukkan 20:00.
Nemendur, starfsfólk og heimamenn úr
Borgarbyggð munu etja keppni.
Spyrill er Logi Bergmann.
Skemmtiatriði og sælgætissala í hléi.
Aðgangseyrir er 500 krónur en frítt er fyrir 14 ára og yngri.
Athugið að Viskukýrin er áfengislaus skemmtun!

Hraunfossar og Barnafoss í Hall-
mundarhrauni eru fallegir á öll-
um árstímum. Þangað koma hóp-
ar af ferðamönnum dag hvern óháð
árstímum. Iðnaðarmenn sem eru að
störfum við uppbyggingu veitinga-
húss við Hraunfossa segja með ólík-
indum sú mikla umferð sem er að
fossunum nú um hávetur. Meðfylgj-
andi mynd tók starfsmaður Into the
Glacier, fyrirtækisins sem heldur
uppi reglulegum ferðum í ísgöngin í
Langjökli. „Það er upplagt að stoppa
þarna á leið í Húsafell þaðan sem
haldið er í ferð í ísgöngin,“ segir á fa-
cebooksíðu Into the Glacier. mm
Hraunfossar í vetrarham
Síðasta haust steig Gréta Sigurð-
ardóttir til hliðar sem hótelstjóri á
Hótel Egilsen í Stykkishólmi og við
starfinu tók Elín Ragna Þórðardótt-
ir. Hún er fædd í Hólminum og sleit
þar barnsskónum og virðist alltaf
sækja heim aftur þó hún bregði sér
frá til lengri eða skemmri tíma. „Ég
er fædd hérna og uppalin og er voða
mikill Hólmari, mjög heimakær þó
ég hafi ekkert á móti Reykjavík. Mér
leið vel þegar ég bjó þar en mér þykir
alltaf voða vænt um Hólminn. Ég bjó
hérna þangað til ég fór í framhalds-
Gistirekstur breyttist í hótelstjórnun
„Á litlu hóteli er hótelstjórinn dálítið allt í öllu og þarf sífellt að vera tilbúinn“
skóla, kom síðan aftur eftir hann.
Næst fór ég í háskóla og kom aft-
ur heim. Svo fór ég enn einu sinni í
burtu en sneri aftur síðasta sumar og
er búin að vera síðan þá,” segir Elín
og hlær við.
Kom upp í hendurnar
á henni
Það var einmitt síðasta sumar sem
hún tók við daglegum rekstri gisti-
heimilisins Bænir & brauð og síð-
an Hótel Egilsen á haustmánuðum.
Hún kveðst ekki hafa stefnt að hót-
elrekstri í námi, ekki lært neitt sem
tengist starfinu heldur lokið prófi í
íþróttafræði. En hvernig kemur það
til að íþróttafræðingur gerist hótel-
stjóri? „Ég veit það eiginlega ekki,“
segir Elín og hlær við. „Hún Gréta
treysti mér bara fyrir þessu,“ bætir
hún við. „Ég vann á hótelinu áður,
byrjaði þar fyrir fjórum árum síðan
en flutti síðan til Reykjavíkur, eftir að
mér bauðst 100% staða við kennslu.
Eftir að ég flutti suður kom ég allt-
af heim í Hólminn á sumrin og vann
á Egilsen. Síðan gerðist það að hún
spurði mig síðasta vor hvort ég væri
til í að koma vestur og sjá um gisti-
húsið Bænir & brauð í eitt ár. Ég
ákvað að stökkva á það og tók við
þeim rekstri í júní síðasta sumar. Síð-
an breyttist það eiginlega bara í hótel-
stjórnun líka,“ segir Elín og hlær við,
en hún hefur séð um allan daglegan
rekstur hótelsins síðan í október síð-
astliðnum. „Þetta kom eiginlega bara
upp í hendurnar á mér,“ segir hún
og bætir því við að hún kunni því vel
að reka lítið hótel og gistiheimilis í
Stykkishólmi. „Mér líkar vel, ég er að
vinna með skemmtilegu fólki og fæ
góða aðstoð við ýmis verk, bæði frá
Grétu sjálfri og fleirum. Svo er líka
gaman að taka á móti ferðamönnum,
þó þeir geti auðvitað verið mismun-
andi, á bæði jákvæðan og neikvæðan
hátt.“
Sumrið að verða
fullbókað
Á Hótel Egilsen eru tíu herbergi og
þar starfa að jafnaði sex til átta manns
eftir árstíðum. Á gistiheimilinu Bæn-
ir & brauð eru fjögur herbergi og ein
stúdíóíbúð og er umsjón þess alfar-
ið í höndum Elínar. Báðir staðirnir
eru opnir allan ársins hring og Elín
segir rekstur beggja staðanna ganga
prýðilega um þessar mundir. „Það
er auðvitað minnst að gera akkúrat
á þessum árstíma, en ég myndi segja
að reksturinn gangi vel og að kom-
andi tíð líti vel út. Það stefnir í að það
verði meira að gera í febrúar en verið
hefur. Bókanir eru góðar, það er að
verða fullbókað á Egilsen í sumar og
nánast fullbókað á Bænum & brauði
líka, frá því í maí og alveg fram í sept-
ember,” segir hún og bætir því við að
henni þyki ferðamannatímabilið allt-
af vera að lengjast. „Það var mikið að
gera hjá okkur alveg fram í nóvember
á síðasta ári. Ég held að allir séu sam-
mála um það að ferðamannatímabil-
ið er alltaf að lengjast ár frá ári.“
Að mörgu að huga
Aðspurð hvað hafi komið henni á
óvart við gistireksturinn segir hún að
það sé helst að hve mörgu sé að huga.
„Það eru ekki síst allir þessir litlu
hlutir sem maður hafði aldrei velt
fyrir sér áður. Til dæmis hafði ég
aldrei gert vaktaplan fyrr og þurfti
að læra það. Þá þarf ég að panta inn
ákveðna hluti og stöðugt að vera
að huga að því að öll smáatriði séu
í lagi. Ef ein hurð inn á herbergi
lokast ekki almennilega þá þarf að
laga það strax, alls konar svona lít-
il atriði sem mér hafði aldrei dottið í
hug og ég átti ekki von á að ég þyrfti
að sjá um,“ segir Elín. „Á litlu hóteli
eins og Egilsen er hótelstjórinn dá-
lítið allt í öllu og þarf alltaf að vera
tilbúinn. Ef það vantar eitthvað þarf
maður að vera tilbúinn að stökkva til
og getur átt von á að þurfa að vinna
langt fram á kvöld með stuttum fyr-
irvara,“ segir hún en bætir því við að
það sé bara hluti af starfinu. „Mér
finnst allt í lagi að það sé svoleiðis.
Auðvitað er maður stundum latur og
vildi heldur vera heima, en það þýð-
ir ekkert. Maður þarf bara að gera
þetta því það er enginn annar sem
reddar hlutunum,“ segir Elín Ragna
Þórðardóttir að lokum. kgk
Elín Ragna Þórðardóttir, hótelstjóri á Hótel Egilsen í Stykkishólmi. Hér á Mannamóti í ferðaþjónustu ásamt Jóni Viðari Páls-
syni, starfsmanni Egilsen.
Hótel Egilsen. Ljósm. úr safni Skessuhorns.
Starfólk óskast í veiðihús í
Borgarfirði sumarið 2017

Störfin sem um er að ræða:

Umsjón með morgunverði fyrir veiðimenn og frágangur á
herbergjum

Þjónusta við veiðimenn og frágangur á veiðihúsi, sjá um
uppgjör og fleira í samráði við matreiðslumann

Skemmtileg og fjölbreytt vinna sem býður upp á
sveigjanlegar vaktir

Reynsla er kostur en ekki æskileg. Viðkomandi verður að vera
18 ára eða eldri. Vinnsamlegast sendið umsókn með ferislkrá á
viktoro@simnet.is

Öllum umsóknum verður svarað
SK
ES
SU
H
O
R
N
2
01
7