Skessuhorn - 07.06.2017, Blaðsíða 28

MIÐVIKUDAGUR 7. JÚNÍ 201728
Horft yfir liðið ár og litið til þess nýjaSjómannadagurinn
Jón Frímann Eiríksson er uppalinn
Skagamaður en búsettur í Grund-
arfirði. Síðustu ár hefur hann ver-
ið stýrimaður og afleysingaskip-
stjóri á Hring SH sem gerður var
út af G.Run hf. Nýverið var hann
svo ráðinn sem þriðji maður í brú á
Sturlaug H. Böðvarsson AK 10 sem
gerður er út af HB Granda en faðir
hans, Eiríkur Jónsson, er skipstjóri
á honum ásamt Magnúsi Kristjáns-
syni. Sturlaugur fékk nýverið skips-
númerið AK 105 en Akurey mun
bera AK 10 framvegis.
HB Grandi er að láta smíða þrjú
ný ísfiskveiðiskip fyrir sig. Engey
RE 91, Akurey AK 10 og Viðey RE.
Búið er að afhenda Engey RE eins
og komið hefur fram í Skessuhorni
verður Akurey AK 10 afhent núna
í byrjun júní. Jón Frímann er einn
af sjö manna áhöfn sem fer og sæk-
ir skipið en áætluð heimkoma verpu
seinnipartinn í júní en heimsigling-
in mun taka um það bil tvær vikur.
„Þetta leggst gríðarlega vel í alla. Það
er ekki á hverjum degi sem maður
sækir nýtt skip,“ segir Jón Frímann í
stuttu spjalli við Skessuhorn. „Þetta
verður algjör bylting. Öll aðstaða
um borð er til fyrirmyndar og mun
líftími margra sjómanna lengjast við
þetta. Það er ég sannfærður um.“
Það er Skaginn 3X sem hannar allan
vinnslubúnað um borð í skipin og á
hann sinn þátt í að skipin valda bylt-
ingu í tækni en einnig á allri vinnu-
aðstöðu um borð. „Ef allt virkar sem
skyldi þá þarf mannskapurinn ekk-
ert að fara ofan í lest og þar er mikil
breyting til batnaðar,“ segir Jón Frí-
mann. „Svo er nýtt lag á skipunum
sem á að bæta hæfni þeirra í öldu-
róti hafsins,“ bætir hann við en útlit
nýju skipana er nokkuð óvenjulegt
fyrir íslensk fiskiskip. „Það verður
ekki leiðinlegt að sigla með pabba
sínum til heimahafnar á nýju skipi.
Ég hlakka mikið til þess,“ segir Jón
Frímann að lokum.
tfk
Jakob Hendriksson á Rún AK sagði
í samtali við Skessuhorn að afla-
brögð væru orðin fremur döpur.
„Þetta er ekkert orðið,“ segir hann.
„Við erum með um 900 kíló en það
var að vísu leiðindaveður framan af
túrnum, en svo var það orðið ágætt.
En það var mikill straumur og rekið
var þess vegna mikið. Við slíkar að-
stæður þarf maður ekkert að búast
við of miklu,“ sagði Jakob þegar rætt
var við hann um næstsíðustu helgi á
bryggjunni á Arnarstapa. „Það þýðir
ekkert að vera að æsa sig neitt, svona
er þetta bara.“
Jakob er frá Akranesi og segir að
í vor hafi verið mokveiði þar á mið-
unum. „En ég var svo sem ekkert
að róa mikið þaðan þar sem ég vildi
taka minn kvóta á Arnarstapa eins og
síðustu sumur. En það er ekki mik-
ill kraftur í fiskveiðunum. Ég ætla að
ná veiðiskyldunni og svo bara sé ég
til hvað ég geri,“ segir hann að end-
ingu. af
„Ekkert við þessu að gera“
Leifur Einarsson, sem rær á hand-
færabátnum Huld SH, segist ánægð-
ur með sumarið. Ég er með 40 tonna
kvóta og hann er að verða búinn,“
sagði Leifur. Hann byrjaði veiðar frá
Sandgerði í vor og þá voru aflabrögð
mjög góð. „Þegar dró úr veiðinni
fyrir sunnan fór ég á Arnarstapa og
hef fengið ágætt, en það er meira fyr-
ir þessu haft en áður.“ Þegar rætt var
við Leif var hann að landa 2,4 tonn-
um á Stapanum. „Ég fékk gott skot
um miðjan dag og þá var þessu fljótt
náð, enda er bæði þorskurinn og ufs-
inn mjög stór svo þá tekur ekki lang-
an tíma að fylla í körin.“
Leifur segist reikna með að fara á
strandveiðar þegar hann hefur náð
kvóta sínum. „Þá fer ég bara þangað
sem fiskurinn er,“ segir Leifur hress
að vanda. af
„Get ekki annað en verið sáttur“
„Það verður ekki leiðinlegt að sigla með
pabba til heimahafnar á nýju skipi“
Jakob var
sallarólegur
þrátt fyrir að ekki
væru alltaf
full færin af fiski.
Elvar Sigurðsson rær með
Jakobi á Rún AK.
Jón Frímann heiðrar fyrrverandi
sjómenn í sjómannadagsmessu árið
2015.
Hérna er tekið á því í plankahlaupi
síðasta sjómannadag.
Jón Frímann að sýna
leikskólabörnum á leik-
skólanum Sólvöllum hinar
ýmsu tegundir af fiskum.


