Skessuhorn - 07.06.2017, Blaðsíða 38

MIÐVIKUDAGUR 7. JÚNÍ 201738
Horft yfir liðið ár og litið til þess nýjaSjómannadagurinn
Óhætt er að segja að Hjörleif-
ur Guðmundsson í Ólafsvík hafi í
nægu að snúast. Raunar er erfitt að
átta sig á hvernig hann kemst yfir
allt það sem hann gerir á hverj-
um sólarhring. Hann er fæddur og
uppalinn Ólsari. Hefur búið þar
alla tíð og hefur að mestu stundað
sjóinn en smíðar og grúskar í vél-
um að auki. Hjörleifur var 16 ára
þegar hann byrjaði á sjó og nú er
hann fimmtugur þannig að árin í
sjómennskunni eru orðin 34 en að
vísu nokkur hlé þar inn í. „Ég klár-
aði níunda bekkinn hérna og fór
svo á sjóinn. Áður hafði ég alltaf
verið að beita með skólanum. Ég
byrjaði á vertíðarbáti sem hét Sig-
urvík og var á netum.“ Hann seg-
ir fyrstu kynninn af sjómennskunni
alls ekki hafa verið skemmtileg.
„Þetta var sjóveiki út í gegn, ég skil
ekki hvernig ég tórði. Við byrjuð-
um í kolvitlausu veðri og þetta var
algjör viðbjóður. En sjóveikin rjátl-
aðist svo af mér og fyrst ég hélt út
fyrstu vertíðina var ekkert í vegi að
halda áfram. Ég var á sjó í eitt til
tvö ár en fór svo að vinna við smíð-
ar, sem ég hef alltaf gert svolítið af
þótt ég sé ekki lærður smiður.“
Eingaðist fyrstu
trilluna 22 ára
Eftir þessa slæmu reynslu af fyrstu
vertíðinni var Hjörleifur síðan á
vertíðarbátum og rækjubátum al-
veg fram til 1989 en þá keypti
hann sér sína fyrstu trillu tuttugu
og tveggja ára gamall. „Þessi bátur
hét Geisli og síðan hef ég átt marga
báta og allir hafa þeir heitið Geisli
nema þegar bátarnir hafa ver-
ið tveir í minni eigu á sama tíma,
þá hefur hinn heitið Smyrill. Mest
hefur verið af trillum í minni eigu
en ég hef samt átt stærri báta og
allt upp í þrjátíu tonna. Þann bát
keypti ég í frekar lélegu ástandi og
gerði hann upp. Það vantaði mik-
ið í hann og var frekar bágborinn
þegar ég fékk hann en í góðu standi
þegar ég seldi hann ári síðar.
Framleiðir ísinn
fyrir bátana
Núna rekur Hjörleifur ísverk-
smiðju sem hann keypti á sínum
tíma auk þess að róa á strandveiði-
báti. Hann sér í raun flestum ef
ekki öllum bátum í Snæfellsbæ fyr-
ir ís til að taka með í róðra en ís-
inn selur hann þó allan í gegnum
fiskmarkaðina tvo í Snæfellsbæ.
Hann gerir ekki mikið úr vinnunni
í kringum það þótt hann sé að selja
30-40 tonn af ís á dag þegar all-
ir eru úti á sjó. „Þetta er fyrst og
fremst lyftaravinna og yfirlega.“
Hjörleifur hefur þó ekki hætt á
sjó þótt hann reki ísverksmiðjuna.
„Ég hætti að vísu að róa á veturna
og er nú á strandveiðinni einn á
Geisla, þessum tólf tonna báti sem
ég keypti sem skel með húsi og vél
og kláraði að útbúa sjálfur. Þetta er
breskur bátur og það vantaði allar
innréttingar, rafmagn og annað.“
Hefur gert upp margar
Yanmar vélar
Hjörleifur segist kannski ekki vera
þúsundþjalasmiður þótt hann inn-
rétti báta, sjái um vélbúnaðinn og
það sem þarf í þá . „Nei, ég hef
bara verið að föndra við þetta allt
og mikið gert af því að gera upp
bátavélar, sérstaklega frá Yanmar.“
Hann segir marga leita til sín í dag
með Yanmar vélar og hann taki
oft vélar til sín og eigi varahluti á
lager sem nýtist honum og öðr-
um.“ Hann segir að sig skorti ekki
tíma til strandveiðanna þrátt fyr-
ir allt. „Nei, nei ég bý þá bara til
tíma, þannig er það. Þessi bátur er
nokkuð stór í þetta og rekur svolít-
ið skart en ég er með tólf feta fall-
hlíf sem ég set út ef rekið er mik-
ið. Það má ekki vera mikið meira
en ein míla svo fiskurinn hætti að
taka. Þetta er misjafnt eftir árum
og í hitteðfyrra var ég með fallhlíf-
ina úti nána allt sumarið en þessi
bátur rekur þó ekki mikið meira
en Sómabátarnir. Það hefur gengið
ótrúlega vel á strandveiðinni þetta
árið miðað við veðurfarið og ég hef
nánast alltaf náð skammtinum þeg-
ar ég hef róið.“
Bens og BMW fyrir
strákana
Það má ætla að maður sem vinn-
ur langt fram á kvöld sé ekki fjöl-
skyldumaður en kona Hjörleifs
umber þetta. Hún heitir Fríða
Sveinsdóttir og sér um bókasafnið í
Ólafsvík. Þau eiga þrjá syni, Sigur-
laugur er elstur en unnusta hans er
Guðrún Jónsdóttir og eiga þau tvö
börn, Marinó og Jón Heiðar. Syn-
irnir Arnleifur og Hjörvar eru svo
sautján ára tvíburar. „Strákarnir eru
að fá bílprófið núna í júlí svo nú eru
það bílarnir fyrir þá sem ég er að
vinna í fyrir utan allt annað. Ég er
búinn að gera upp nokkra bíla og
nú er ég með Bens og BMW sem
ég er að gera klára fyrir strákana.
Það eru harðar kröfur sem ungir
menn gera núna um fyrstu bíla,“
segir Hjörleifur og hlær.
hb/ Ljósm. af.
Þúsundsþjalasmiðurinn Hjörleifur
Hjörleifur Guðmundsson.
Hjörleifur um borð í báti sínum Geisla.
V M - F é l a g v é l s t j ó r a o g m á l m t æ k n i m a n n a - S t ó r h ö f ð a 2 5 - 1 1 0 R e y k j a v í k - 5 7 5 9 8 0 0 Landsfélag í vél- og málmtækni
VM- Félag vélstjóra og málmtæknimanna óskar sjómönnum
og fjölskyldum þeirra til hamingju með daginn
Sjómenn, til hamingju!
Sjómannadagurinn