Skessuhorn - 05.07.2017, Qupperneq 6
MIÐVIKUDAGUR 5. júLí 20176
Nefnd um end-
urskoðun bóta-
kerfa
LANDIÐ: Þorsteinn Víg-
lundsson, félags- og jafnrétt-
ismálaráðherra, hefur skipað
nefnd til að endurskoða kerfi
barnabóta, vaxtabóta, barna-
lífeyris og húsnæðibóta. í
skipunarbréfi nefndarinnar er
vísað til þess markmiðs ríkis-
stjórnarinnar að fjárhagsleg-
um stuðningi verði beint í rík-
ara mæli að lægri tekjuhóp-
um, óháð uppruna tekna, og
eigi það jafnt við um barna-
bætur og barnalífeyri rétt eins
og húsnæðisstuðning og ann-
an stuðning. Sérstaklega skuli
horft til þess hvernig áður-
nefnd kerfi styðja við einstæða
foreldra. í þessu skyni þurfi
að einfalda kerfin og eftir at-
vikum sameina þau, þannig
stuðningurinn verði raun-
verulegur liður í því að bæta
kjör þessa hóps. Nefndinni er
m.a. ætlað að greina hvar fá-
tæktargildrur myndast. -mm
Breytingar hjá
BúVest
VESTURLAND: Guðmund-
ur Sigurðsson lét af störfum
sem fram-
kvæmdastjóri
Búnaðarsam-
taka Vestur-
lands um síð-
ustu mán-
aðamót. Við
starfi hans
hefur tekið
Anton Torfi
B e r g s s o n
ráðunautur.
Ingveldur H.
Ingibergsdóttir verður áfram
fjármálastjóri en Þórhildur Þor-
steinsdóttir formaður stjórnar
BV sér um starfsmannamál og
fjármál ásamt Ingveldi. í frétt
frá samtökunum segir að þetta
fyrirkomulag í starfsmanna-
málum verði a.m.k. til næstu
áramóta. Þá hættir Guðmund-
ur Hallgrímsson einnig klauf-
skurði nú í haust og hefur Sig-
urbjörn Magnússon á Minni-
Borg í Eyja- og Miklaholts-
hrppi verið ráðinn í hans stað.
Guðmundur verður Sigurbirni
til aðstoðar í haust. -mm
Vinabæjamót að
hefjast
AKRANES: í þessari viku
verður á Akranesi haldið vina-
bæjamót Norræna félagsins og
Akraneskaupstaðar. Til móts-
ins mæta 68 gestir frá vinabæj-
unum Bamble í Noregi, När-
pes í Finnlandi, Västervik í Sví-
þjóð og Tønder í Danmörku.
Mótssetning verður á Bókasafni
Akraness klukkan 18 í kvöld.
Klukkan 9 á fimmtudagsmorg-
un verður móttaka í Bíóhöll-
inni en eftir hana farið í skoð-
unarferð um bæinn. Um kvöld-
ið verður svo kaffihússhitting-
ur á Garðakaffi. Á föstudag er
skoðunaferð áætluð um Borgar-
fjörð og lokahóf að kvöldi laug-
ardags. Mótinu lýkur svo með
sameiginlegum morgunverði á
sunnudagsmorgun. -mm
Bæjarráð Akranesbæjar samþykkti
á fundi sínum 29. júní breyting-
ar á deiliskipulagi fyrsta og annars
áfanga Skógarhverfis. Breytingarn-
ar í fyrsta áfanga felast í hæð húsa
sunnan Asparskóga. Þar verður að-
allega gert ráð fyrir tveggja hæða
húsum án bílageymsla í stað þriggja
hæða með bílageymslum. Hins
vegar er skipulagssvæðið stækkað
sem nemur einni lóðaröð norðan
Asparskóga með sams konar byggð
fjölbýlishúsa. Hærri hús verða á
þremur lóðum. jafnframt eru gerð-
ar breytingar á skilmálum, t.d. um
íbúðafjölda.
Hvað varðar annan áfanga Skóg-
arhverfis felast breytingar skipu-
lagsins í því að fjöldi bílastæða
við fjölbýlishús verður miðaður
við stærð íbúða. Lóðamörkum er
breytt og byggingarreitir samein-
aðir á lóðunum við Álfalund 6-12
og Akralund 13-23. Raðhús og par-
hús við Álfalund 2-26 (sléttar töl-
ur) og Akralund 13-41 (oddatölur)
verða einnar hæðar í stað tveggja.
Að lokum er byggingarreit fjöl-
býlishúss við Akralund 6 breytt,
hann einfaldaður og skásettur m.v.
aðliggjandi reiti. kgk
Haldið var upp á 30 ára afmæli
Reykhólahrepps með pompi og
prakt í gær, þriðjudaginn 4. júlí.
Var þess minnst að þennan sama
dag árið 1987 voru sameinuð
sveitarfélögin Geiradalshrepp-
ur, Gufudalshreppur, Reykhóla-
hreppur, Múlahreppur og Flat-
eyjarhreppur. Til að fagna tíma-
mótunum var boðið til hátíðar-
dagskrár og grillveislu í Hvann-
garðabrekku á Reykhólum.
Ingibjörg Birna Erlingsdótt-
ir sveitarstjóri setti athöfnina
áður en sveitarstjórnin grillaði
ofan í gesti. Karl Kristjánsson
varaoddviti flutti ágrip af sögu
hreppsins. Hann var kjörinn í
fyrstu hreppsnefndina árið 1987
og situr í sveitarstjórn nú. Hefur
hann átt sæti í hreppsnefnd í 14
ár af þeim 30 sem liðin eru frá
stofnun hreppsins. Einnig var
blásið til brekkusöngs og boð-
ið upp á tónlistaratriði. Leik-
skólabörn skemmtu gestum með
söng og þrír aðfluttir sveitung-
ar sögðu frá sínum fyrstu kynn-
um af sveitinni, fólkinu og sam-
félaginu. Það var síðan Vilberg
Þráinsson oddviti sem sleit sam-
komunni. kgk
Hverfisgarðurinn í Skógarhverfi. Ljósm. úr safni.
Breyta skipulagi Skógarhverfis
Fyrsta hreppsnefnd Reykhólahrepps. Aftari röð frá vinstri: Jóhannes Geir Gíslason í Skáleyjum, Smári Hlíðar Baldvinsson
í Borg, Einar Valgeir Hafliðason í Fremri-Gufudal, Karl Kristjánsson í Gautsdal og Stefán Magnússon á Reykhólum. Fyrir
framan sitja, frá vinstri: Áshildur Vilhjálmsdóttir í Króksfjarðarnesi varaoddviti, Guðmundur Ólafsson á Grund oddviti og
Reinhard Reynisson frá Hríshóli, fyrsti sveitarstjóri Reykhólahrepps.
Þrítugsafmæli Reykhólahrepps fagnað í gær
Guðmundur
Sigurðsson.