Skessuhorn - 30.08.2017, Side 16

MIÐVIKUDAGUR 30. ÁGúST 201716
Talsverðar framkvæmdir hafa stað-
ið yfir á Breiðinni á Akranesi síð-
ustu árin og hafa miklar breyting-
ar verið gerðar á svæðinu. Meðal
þeirra má nefna að opnuð voru tvö
ný þjónustuhús þar í sumar, annað
fyrir móttöku ferðamanna og hitt
er nýtt sem salernishús.
„Við vorum með móttökuna í
vitanum áður en þessi fína aðstaða
kom. Þetta er mun heimilislegra
og skemmtilegra hér á nýja staðn-
um þó vissulega séu blendnar til-
finningar samhliða þessari breyt-
ingu. Tengingin við ferðamann-
inn er aðeins öðruvísi en áður var
en ég lít björtum augum á breyt-
ingarnar sem orðið hafa nú þeg-
ar. Við erum mikið að selja vit-
ann út á tónlist og hljómburðinn
þar auk þess sem vitinn er tilval-
inn fyrir myndlistarsýningar. Það
er einmitt sýning í vitanum núna
sem mun hún standa til 10. sept-
ember,“ segir Hilmar Sigvaldason
vitavörður í samtali við Skessu-
horn.
Hilmar segir að ferðamönn-
um hafi fjölgað mikið í sumar en
að þó megi alltaf gera betur. „Við
höfum svo margt hér á Akranesi
til að bjóða ferðamönnum upp
á en við þurfum bara að finna
þessa segla okkar og vinna betur
með þá,“ segir hann og bætir því
við að hann hafi fulla trú á ferða-
þjónustu á Akranesi. „Við þurfum
að vera opin og jákvæð fyrir fólk-
inu sem kemur hingað og þá gæt-
um við gert svo mikið meira. Það
eru margir í bænum að gera mjög
góða hluti í ferðaþjónustu.“
Hilmar segir að það sé ýmislegt
sem eigi eftir að gera til að bæta
aðstöðuna enn frekar á Breiðinni.
„En það er engu að síður búið
að gera töluvert,“ segir Hilmar
varðandi breytingarnar við vit-
ann. „Mér finnst þetta frábært,
að ákveðið var að leggjast í þess-
ar framkvæmdir og gera meira úr
þessu svæði. Íbúar þurfa bara að
venjast svona breytingum og það
tekur alltaf einhvern tíma,“ seg-
ir Hilmar. „En sem ég segi, þá er
framtíðin björt í ferðaþjónustunni
hérna á Akranesi og okkur eru all-
ir vegir færir ef rétt er á málum
haldið.“
arg
Tvö ný þjónustuhús tekin í notkun á Breiðinni
Hilmar Sigvaldason vitavörður er kominn með vinnuaðstöðu í nýju þjónustuhúsi
sem opnað var í sumar.
Tvö ný þjónustuhús voru opnuð við vitann í sumar.
Alþjóðlegi sumarskólinn var hald-
inn í annað sinn við Háskólann á
Bifröst núna í júlímánuði. Í boði
voru fjölbreyttar námsgreinar sem
lutu að því að þjálfa og styrkja nú-
tíma stjórnunarhætti og leiðtoga-
færni. Í því fólst m.a. þróun á leið-
togahæfni með áherslu á persónu-
lega færni nemenda og hvernig
þeir geti nýtt styrkleika sína til að
bæta leiðtogahæfni sína þegar út á
vinnumarkaðinn er komið. Lögð
var áhersla á sjálfbærni og sam-
félagslega ábyrgð en staðreyndin er
sú að starfsumhverfið er í stöðugri
breytingu sem kallar á ákveðna ný-
sköpun í nálgun leiðtogafræða 21.
aldarinnar.
,,Í námskeiðinu erum við að
benda á að nútímafyrirtæki eru ekki
bara til, til þess að hagnast heldur
líka til þess að þjóna æðra markmiði
og leysa samfélagsleg vandamál.
Samfélagslegi þátturinn er alltaf að
stækka.“ segir Karl Eiríksson verk-
efnastjóri sumarskólans um námið.
Gestakennarar allir með
doktorspróf á sínu sviði
Um 70 umsóknir bárust í námið
en 26 þátttakendur komu hingað
til lands. Voru þeir alls staðar að úr
Evrópu, Indlandi, Brasilíu, Kólumb-
íu, Bandaríkjunum og frá Kanada. Í
hópnum voru ekki eingöngu nem-
endur af sviði viðskipta heldur einnig
útskrifaðir lögfræðingar, hjúkrunar-
fræðingar, landbúnaðarfræðingar,
svo eitthvað sé nefnt. Einn nemend-
anna kom m.a. frá MIT í New York.
Var meðalaldur þátttakenda 24 ár.
Kennarahópurinn var einnig mjög
fjölbreyttur og reyndist mikill áhugi
þeirra fyrir þátttöku. Valdir voru sex
kennarar úr þeim hópi og allir með
doktorspróf á sínu sviði. Í öllum til-
fellum var um að ræða reynslumikla
kennara sem komu víða að m.a. frá
Þýskalandi, Austurríki, Bandaríkj-
unum og Hollandi. Gestakennar-
arnir kenndu svo við námskeiðið
auk kennara frá Háskólanun á Bif-
röst sem voru þau Einar Svansson
lektor og Dr. Auður H. Ingólfs-
dóttir lektor. Karl segir gestafyrir-
lesarana hafa sérðhæfða kunnáttu á
námsefninu og innlegg þeirra hafi
því gert mikið fyrir gæði námskeiðs-
ins á heildina litið.
Fjölbreytt dagskrá
Nemendur dvöldu á Bifröst í þrjár
vikur og var dagskráin fjölbreytt.
Farið var í námstengdar fyrirtækja-
heimsóknir m.a. Hellisheiðavirkj-
un, Rjómabúið Erpsstaði, Sjávar-
klasann í Reykjavík og Garðyrkju-
stöðina Sólbyrgi í Reykholtsdal.
Einnig var skipulögð afþreying fyr-
ir nemendahópinn þar sem farið
var m.a. að Háafell, Steðja, Sturlu-
Reyki, Deildartunguhver, Hraun-
fossa, Reykholt og fleiri staði. Það
sem helst stóð þar upp úr var að
nemendur fóru í hestaferð og fengu
að spreyta sig við að veiða á sjó-
stöng. Þar var ekki látið við sitja,
heldur var nemendum einnig kennt
að verka fiskinn, matbúa og grilla.

Framsækið nám
í stöðugri þróun
Á næstunni verður síðan sest yfir
niðurstöður matsskýrslanna sem
nemendur unnu eftir nám þeirra við
sumarskólann og farið yfir hvern-
ig megi bæta skólann enn frek-
ar. „Skólinn er í stöðugum vexti
og lagt er upp með að bæta við
að minnsta kosti einu námskeiði
næsta sumar sem verður tilbúið til
kynningar í haust. Nemendur virt-
ust á heildina litið mjög ánægðir
með námskeiðið,“ segja aðstand-
endur Alþjóðlega sumarskólans á
Bifröst. mm
Góð reynsla af Alþjóðlega sumarskólanum á Bifröst
Hluti hópsins á Bifröst.
Farið var á ýmsa staði í Borgarfirði og héraðið nýtt til í þaula. Hér er hluti hópsins
á hestbaki á Sturlu-Reykjum í Reykholtsdal.
Íhugað úti í náttúrunni.