Heimsmynd - 01.05.1993, Blaðsíða 10

Tapi Sjálfstæðisflokkurinn
meirihlutanum í borgarstjóm-
arkosningunum að ári er
fróðlegt að skoða hverjar séu
helstu hugsanlegar skýringar á
svo sögulegum ósigri, en
flokkurinn hefur frá stofnun
haft meirihluta að frátöldum
árunum 1978-1982. Bestu útkomu hefur
Sjálfstæðisflokkurinn jafnan fengið í
borginni þegar óvinsæl vinstri stjóm hefur
verið við völd eins og í síðustu kosningum
26. maí 1990.
Fyrsta skýringin á hugsanlegum ósigri
flokksins kynni að vera sú að óvinsældir
núverandi ríkisstjómar Davíðs Oddssonar
bitni beint á fylgi Sjálfstæðisflokks í næstu
kosningum. Gera má ráð fyrir að í þessum
kosningum, ef núverandi ríkisstjórn verður
áfram við lýði, fái kjósendur sögulega
útrás fyrir langvarandi þreytu, óþol sitt
vegna vaxandi spillingar forystumanna
þjóðfélagsins, efnahagskreppu í landinu
auk ákveðinna staðreynda í tengslum við
borgarstjómina sjálfa.
Þessar staðreyndir eru:
DAVÍÐ ODDSSON
Margir kjósendur Sjálfstæðisflokks í
borgarstjórn kunna að vera reiðir Davíð
Oddssyni fyrir skil hans við borgina.
Ýmsir þeirra telja að hann hafi gengið á
bak orða sinna þegar hann var í framboði
fyrir síðustu borgarstjórnarkosningar, þá
orðinn varaformaður Sjálfstæðisflokks og
krónprins flokksins á landsvísu. Þeir
gengu út frá því sem vísu að þeir nytu
forystu hans í borginni allt kjörtímabilið en
hann kaus að hverfa af vettvangi og bjóða
sig fram gegn sitjandi formanni flokksins
ári eftir borgarstjórnarkosningarnar. I
formannssætið hlaut hann nauman meiri-
hluta og enn eru sárin frá þeim landsfundi
ógróin. Davíð hefur engum tökum náð á
því að sameina flokkinn undir sinni
forystu, því er flokkurinn á landsvísu
klofinn niður í rót. Þess hlýtur líka að gæta
í borgarpólitíkinni.
Tengsl Davíðs Oddssonar við hið
alræmda Hrafns Gunnlaugssonar-mál hafa
einnig víðtæk áhrif (ef ekki á kosninga-
úrslil vorið 1994 þá má gera ráð fyrir að
þau hafi haft áhrif á úrslit skoðanakönn-
unarinnar) en enginn veit hver verða
langtímaáhrif þessa máls. Borgarstjórnar-
meirihlutinn hefur líka séð til þess að
tengja sig rammlega þessum málum með
nýlegum, umdeildum ákvörðunum um
kaup á lóðum Hrafns Gunnlaugssonar í
Skuggahverfi. Núverandi borgarstjóri telur
þó að almenningur verði fljótt gagn-
sefjaður af Hrafnsmálinu og það komi ekki
til með að hafa langvarandi áhrif. Líklegra
er þó að afskipti forsætisráðherra, leynd
eða ljós, hafi skaðað ímynd hans sjálfs - og
hugsanlega Sjálfstæðisflokkinn mest.
Asakanir um einkavinavæðingu forsætis-
ráðherrans spilla að líkindum fyrir fylgi
Sjálfstæðisflokks, ekki síður í borginni.
Enn bætist við að Morgunblaðið birti
nýlega frétt um að Hitaveita Reykjavíkur
hefði styrkt Hannes Hólmstein Gissurar-
son um tvær og hálfa milljón með kaupum
á bók eftir hann. Þá keyptu borgarsjóður
og fyrirtæki borgarinnar 368 eintök af
bókinni af Almenna bókafélaginu fyrir
rúma milljón. Þetta bókafélag er nú í eigu
Friðriks Friðrikssonar kosningastjóra
Davíðs Oddssonar og augljós óþefur af
málinu öllu. Tengsl Davíðs Oddssonar og
annarra forystumanna Sjálfstæðisflokksins
við þetta bókafélag eru svo kapítuli út af
fyrir sig.
Almenn vonbrigði með Davíð Oddsson
sem forsætisráðherra íslensku þjóðarinnar
kunna kannski að skipta mestu máli þegar
fram í sækir þar eð hann var einn
vinsælasti pólitíkus síðasta áratugar og
sætir því meiri gagnrýni fyrir vikið.
RÁÐHÚS OG PERLA
Deilan um Ráðhúsið og Perluna hafði
tekið á sig nýja mynd þegar framúrakstur
Markús Örn Antonsson
borgarstjóri fékk langflestar
tilnefningar, en 48,6% vildu
helstfá hann áfram sem
1 borgarstjóra.
Hvern vildir þú helst fá sem næsta borgarstjóra í Reykjavík?
Davíð Oddsson. 16,7% þeirra sem
svöruðu vildu fá hann í
borgarstjóraembœttið.
Ingibjörg Solrun Gisldottir, 1
þingkona Kvennalista. 4,9% •
þeirra sem svöruðu vildu hana
í borgarstjórastól.