Fréttablaðið - 07.05.2016, Blaðsíða 4

Betri ferð
- vita.is
fyrir betra verð
Verð frá:
9.900 kr.
Á mann m.v flug aðra leið.
Á völdum dagsetningum
í maí.
Alicante
Flugsæti á frábæru
verði!
VITA | Skógarhlíð 12 | Sími 570 4444 | VITA.IS
Tölur vikunnar 01.05. 2016 – 07.05. 2016
30
klukkutíma teflir Hrafn Jökulsson til
styrktar sýrlenskum flóttabörnum.
99 af 240
starfsmönnum Síldarvinnsl-
unnar fá ókeypis ristilspeglun
frá fyrirtækinu.
3 ráðuneyti af 8
taka þátt í eigin hvataverk-
efnum í umhverfismálum
– Grænum skrefum
og Grænu bókhaldi.
16%
minna verður
flutt inn af
olíu og bensíni
árið 2025 en
gert er í dag,
samkvæmt spá
Capacent.
71
tvíburar
fæddust á Íslandi
árið 2014.
22% minni
úrgangur kemur frá
heimilum í Reykjavík
nú en var árið 2006.
41,4%
sjúklinga frestuðu
að sækja sér læknis-
þjónustu árið 2015
vegna kostnaðar.
450
milljarða
skulduðu fimm stærstu sveitar-
félögin í árslok 2015.
??? ??
STjórnSýSla „Auðvitað verður fólk
pirrað. Sérstaklega þau sem hafa
beðið í tvo tíma og komast svo að
því að það vantar gögn eða það er
ekki með löggild skilríki,“ segir
Hildur Edwald, fagstjóri ökuskír-
teina og vegabréfa hjá Sýslumann-
inum á höfuðborgarsvæðinu.
Afgreiðslan er Dalvegi í Kópa-
vogi. Í gærmorgun biðu fimmtíu
eftir afgreiðslu og þegar klukkan
var orðin tvö voru 97 sem biðu og
var þá ákveðið að loka fyrir fleiri
afgreiðslur þann daginn.
Fólk beið í allt að tvo klukkutíma,
öll sæti voru upptekin og því margir
sem stóðu eða sátu í stiganum
frammi í anddyri.
Starfsmenn litu ekki upp og Hild-
ur svaraði símanum á milli þess sem
hún svaraði blaðamanni.
„Það var frí í gær og þá er tvöfaldur
dagur í dag. Svo er þetta fyrsta vika
mánaðarins og þar sem við tökum
ekki kreditkort eru margir sem koma
fljótlega eftir mánaðamót. Einnig er
sumarfrí fram undan og fólk farið að
huga að því,“ segir Hildur.
Ekki er ljóst hvenær eða hvort
sumarstarfsmenn taka til starfa.
Hildur segir mikið álag á föstu
starfsfólki. Því sé mikil hreyfing á
því. „Sá starfsmaður sem hefur verið
lengst í vegabréfunum hefur ekki
náð ári í starfi,“ segir hún.
Minnst tvö skrifborð standa auð.
„Það eru þrír gjaldkerar og þrír í
vegabréfunum. Það er pláss fyrir
fleiri en við fáum ekki að ráða fólk.“
Hildur segir engan tíma betri en
annan til að koma. Klukkan hálf níu
á morgnana sé komin röð fyrir utan
þegar starfsfólk mætir. „Það voru
fimmtíu manns hér fyrir utan áður
en við opnuðum í morgun og svo
eykst álagið þegar líður á daginn.“
Þórólfur Halldórsson sýslumaður
segir fjárheimildir stofnunarinnar
hafa afgerandi áhrif á ráðningar.
Álagið sé gríðarlegt og geti haft áhrif
á heilsu starfsfólksins. Ófyrirsjáan-
legt sé hversu margir viðskiptavinir
verði hvern dag og óvenju margir
hafi komið í gær.
„Til að bæta gráu ofan á svart eru
vegabréfatölvurnar flestar úr sér
gengnar og þarf stundum
að endurræsa hvað
eftir annað við eina
afgreiðslu.“
Þórólfur segir
úrbætur í sjónmáli.
„Í sumar er á áætlun
að flytja starfsemina
í hentugra húsnæði og
þá verður búnaðurinn
endurnýjaður frá grunni.
Vonast er til að sú breyt-
i n g muni hraða afgreiðslunni
fjór- til fimmfalt.
erlabjorg@frettabladid.is
Afgreiðslu lokað með 100 á bið
Fólk er í röð fyrir utan skrifstofu sýslumanns við opnun til að sækja um vegabréf. Tæplega hundrað biðu við
lok dags í gær og var þá ákveðið að loka afgreiðslu. Starfsfólk örþreytt en ekki fjárheimild til að ráða fleiri.
Helga Þórisdóttir
forstjóri Persónuverndar
sagði okkur hafa
misst öll tök á
eigin persónu-
upplýsingum. Í
gegnum tæknina
væru ýmis
fyrirtæki að nema
og greina meira
af hegðun okkar en við vissum.
Hegðunarmynstrið væri söluvara.
Upplýsingar gengju kaupum og
sölum.
Kristín Linda Árnadóttir
forstjóri Umhverfisstofnunar
benti á að til að styrkja
grænt hagkerfi og
grænt samfélag
þyrfti ríkið og
stofnanir að
ganga á undan
með góðu for-
dæmi. Hún gat þess
að vissulega gætu
stofnanir ríkisins verið komnar
lengra. Af ríflega 160 stofnunum
ríkisins taka tæplega þrjátíu þátt
í hvatakerfi sem sagt er leið fyrir
opinbera aðila til að vinna mark-
visst að umhverfismálum.
Guðmundur Ingi
Guðbrandsson
framkvæmdastjóri Landverndar
sagði að þjóðin yrði
að axla betur
ábyrgð þegar
kæmi að vernd
okkar dýrmæt-
ustu náttúruger-
sema. Landvernd
skoraði á ríkisstjórn-
ina að grípa tafarlaust til aðgerða
til að vernda lífríki Mývatns og
aðstoða Skútustaðahrepp við að
koma fráveitumálum sveitarfélags-
ins í ásættanlegt horf. Þetta væri
ekki bara á ábyrgð Mývetninga
heldur allrar þjóðarinnar.
Þrjú í fréttum
Söluvara, grænt
hagkerfi og
gersemi
lögreglumál Þrír einstaklingar
hafa verið ákærðir fyrir að hafa
þann 4. september árið 2014 ekið
inn á svæði sem lögreglustjórar á
Húsavík og Seyðisfirði höfðu lokað
fyrir allri umferð vegna eldgoss í
Holuhrauni og yfirvofandi flóða-
hættu úr Dyngjujökli.
Samkvæmt ákæruskjali er þeim
gefið að sök að hafa ekki hlýtt fyrir-
mælum lögreglu með því að hafa
ekið upp frá bænum Grænavatni í
Mývatnssveit og þaðan í suðurátt
inn í Dyngjufjalladal og að eldstöðv-
unum í Holuhrauni. Þannig hafi þeir
dvalið inni á svæði í óleyfi sem hafði
verið lokað um nokkurt skeið. Lög-
regluembættin á Norðurlandi eystra
höfðu lokað umræddu svæði ótíma-
bundið þann 19. ágúst sama ár.
Þetta eru ekki einu ákærurnar
sem hafa verið gefnar út þar sem
menn eru sakaðir um að hafa farið
á svig við lokanir lögreglu á svæð-
inu haustið 2014.
Þyrluflugmaður hefur einnig
verið ákærður fyrir að hafa í þrí-
gang flogið inn á svæðið norðan
Vatnajökuls meðan á lokunum stóð
og hleypt farþegum út til að virða
fyrir sér eldgosið í Holuhrauni. Mál
þremenninganna verður tekið fyrir
þann 19. maí í Héraðsdómi Norð-
urlands eystra.– sa
Fleiri ákærðir fyrir brot við Holuhraun
Eldgosið í Holuhrauni laðaði að fjölda fólks. Fréttablaðið/Egill
Varist algeng mistök
l Ekki gleyma löggildum skil-
ríkjum, vegabréfi eða ökuskír-
teini. Bankakort duga ekki.
l Það er ekki hægt að greiða með
kreditkortum.
l Ekki gleyma undirrituðu sam-
þykki forsjáraðila fyrir börnin.
Með tveimur vottum.
l Afgreiðslutími vegabréfa er
13 virkir dagar.
Ábending
Hægt er að sækja um vega-
bréf hjá sýslumönnum í öðrum
landshlutum, t.a.m. á Selfossi,
Akranesi og Reykjanesbæ.
Áætlað er að flytja
starfsemina í Hlíðasmára 1 í
sumar og þar með gera
afgreiðsluna hraðvirkari.
Fólk var búið að bíða í einn til tvo klukkutíma eftir afgreiðslu klukkan ellefu í gærmorgun. Fréttablaðið/VilHElm
Það voru fimmtíu
manns hér fyrir
utan áður en við
opnuðum í
morgun.
Hildur Edwald,
fagstjóri ökuskír-
teina og vegabréfa
7 . m a í 2 0 1 6 l a u g a r D a g u r4 f r é T T i r ∙ f r é T T a B l a ð i ð