Vesturbæjarblaðið - jul 2015, Qupperneq 14

14 Vesturbæjarblaðið JÚLÍ 2015
Þessa dagana er sýning á myndverkum barna af
leikskólanum Grænuborg til sýnis á Skólavörðustígnum.
Á undanförnum árum hefur jafnan verið efnt
til sýninga á neðsta hluta Skólavörðustígs á milli
Bergstaðastrætis og Laugavegar en þessi hluti götunnar
er gerður að „Sumargötu“ á sumrin sem merkir að
bílaumferð er ekki leyfð um götuna. Myndir barnanna
eru af margvíslegum toga en fólk er gjarnan áberandi
í myndum barna á leikskólaaldri. Hér má líta nokkar
myndanna sem valdar voru af handahófi og sýna þau
form og litbrigði sem búa í barnshuganum. Sjón er sögu
ríkari. Það er gaman að ganga um Skólavörðustíginn og
virða barnateikningarnar fyrir sér.
Börnin á Grænuborg skreyta Skólavörðustíginn