Dagblaðið Vísir - DV - 06.12.2019, Blaðsíða 2

2 6. desember 2019FRÉTTIR
gagnlegir hlutir fyrir frostbitna bílrúðu
Nú þegar frostið
bítur hverja kinn
eru bílrúðurn-
ar rækilega
hrímaðar,
sérstaklega í
morgunsárið.
Ekki búa allir svo
vel að eiga rúðu-
sköfu en þá má
redda sér með
ýmsum hætti.
Debetkort
Er sennilega elsta og besta
ráðið enda hlutur sem
flestir hafa meðferðist
þegar haldið er út í daginn.
Ekki eru þó allir svo heppnir
að eiga VISA-kort þótt það
virki efnlaust jafnvel til
verksins. Geisladiskahulstur
Þetta ráð er líka
gamalt og gott en það
einskorðast auðvitað við
þá bíleigendur sem eiga
ökutæki í eldri kantin-
um enda geislaspilarar
fyrir löngu orðnir antík í
nýrri gerðum bíla. Hér er
lykilatriði að diskurinn
sé lélegur enda á góð
tónlist að ekki gjalda fyrir
frostbitnar rúður.
Reglustika
Margir fátækir námsmenn
mikla fyrir sér kaup á
rúðusköfu en hafa í fórum
sínum reglustiku sem
getur nýst vel á köldum
vetrarmorgni. Reglustikan
þyrfti þó helst að vera í
styttri kantinum svo ekki
sé hætta á að hún brotni í
öllum hamaganginum.
Vatnsbaðið
Volgt vatn í plastpoka látið
liggja á rúðunni. Þetta er
ekki fljótlegasta lausnin en
hefur það fram yfir hinar
að fara vel með bakveika.
Varist samt að hafa vatnið
of heitt svo rúðan springi
ekki.
Tyggjópakkinn
Í ítrustu neyð hafa
tyggjópakkar í yfirstærð
komið að gagni þótt erfitt
sé að segja þá margnota.
Tópaspakki gæti eflaust
nýst til sömu iðju þótt hann,
rétt eins og tyggjópakkinn,
eigi á hættu að mýkjast upp
í miðjum leik.
Á þessum degi,
6. desember
1273 – Tómas af Aquino hætti vinnu
við höfuðrit sitt um guðfræði, Summa
Theologiae, og lauk því aldrei.
1921 – Írland lýsti yfir sjálfstæði frá
Bretlandi.
1954 – Flugfreyjufélag Íslands var
stofnað
1989 – Síðasti Doctor Who-þátturinn
í upphaflegu þáttaröðunum var sendur
út á BBC.
1993 – Debetkort voru tekin í notkun
á Íslandi.
Fleyg orð
„Lífið er annaðhvort
mikilfenglegt ævintýri
eða hreinlega ekki neitt
merkilegt.“
– Helen Keller
Atli Már Gylfason
atli@dv.is
Íbúar í leiguíbúðum á vegum
Ölmu flýja ófremdarástand
n Ruslakompur yfirfullar n Sameign aldrei þrifin og mikil fíkniefnaneysla
F
jöldi íbúa við Mávabraut
í Reykjanesbæ hefur
flúið leiguheimili sín að
undanförnu vegna þess sem
þau einfaldlega kalla martröð.
Hluti íbúa sem leigja í fjölbýlishúsi
sem fjöldi Suðurnesjamanna
kallar iðnaðarmannablokkina, og
er að mestu í eigu leigufélagsins
Ölmu, sem eitt sinn hét Almenna
leigufélagið, og verktaka,
segir farir sínar ekki sléttar
í viðskiptum við fyrirtækið,
aðra íbúa fjölbýlishússins og
skeytingarleysi þeirra sem þar
fara með meirihluta í húsfélaginu.
Músagangur, yfirfullar
ruslatunnur, mikil læti og
fíkniefnaneysla varð til þess að
fólkið flutti og síðast en ekki síst
að enginn virðist taka forystu í
húsfélaginu. Þetta hefur leitt til
þess að öll sameign, þar með talið
stigagangurinn, hefur ekki verið
þrifin svo mánuðum skiptir. Þá
lekur þak fjölbýlishússins með
tilheyrandi rakaskemmdum og
myglu.
DV ræddi nokkra íbúa við
Mávabraut vegna málsins og voru
þeir allir miður sín yfir ástandinu.
Ruslakompan væri full af gömlu
sorpi og rusl væri einnig fyrir utan
hana.
Ekki börnum bjóðandi
„Við höfum oft reynt að tala við
þau leigufélög og þá verktaka
sem eiga meirihluta þeirra
íbúða sem eru í húsinu. Þar af
leiðandi eru þeir með meirihluta
á húsfélagsfundum sem þeir
mæta annaðhvort seint á eða ekki
yfirhöfuð,“ sagði einstóð móðir
sem DV ræddi við sem vildi ekki
koma fram undir nafni af ótta við
að missa sína eigin leiguíbúð.
„Það er ekki mikið
leiguframboð á Suðurnesjum
og þarf ég þess vegna því miður
að sætta mig við það sem ég
fæ, en þetta er samt ekki fólki,
fjölskyldum og börnum bjóðandi.
Þakið lekur, það er mygla í húsinu,
svo ekki sé minnst á þennan
ógeðslega óþrifnað í kringum alla
blokkina. Þú ættir bara að koma
og sjá þetta með eigin augun,“
sagði konan.
Fíkniefnaneysla og
sígarettustubbar
Blaðamaður DV mætti á staðinn
ásamt ljósmyndara og við tók
ruslafjall fyrir utan fjölbýlishúsið.
Lyktin var óbærileg og því
hægt að draga þá ályktun að
ruslatunnurnar hafi ekki verið
tæmdar í nokkrar vikur. Að sama
skapi var svokölluð „ruslarenna“,
sem gengur frá þriðju hæð og
niður í sorpgeymslu, stífluð.
Sú ruslarenna er stífluð frá
sorpgeymslunni í kjallara og alveg
upp á þriðju hæð. Margoft hefur
verið bent á þetta og þeir sem eiga
flestar íbúðirnar í fjölbýlishúsinu
hafa verið beðnir, oftar en einu
sinni og oftar en tvisvar, að ganga
í þetta mál en íbúar hafa ekki haft
erindi sem erfiði.
Blaðamaður DV mætti á
staðinn nú á dögunum og
ekkert hafði breyst frá því
að íbúarnir höfðu samband
við DV. Stigagangurinn var
skítugur, slitinn og þakinn
sígarettustubbum, svo ekki sé
minnst á fnykinn sem umlykur
fjölbýlishúsið sjálft og má í raun
finna á hverri hæð hússins. En
fnykurinn er ekki það eina sem
fer í taugarnar á fólki heldur er
það einnig mikil fíkniefnaneysla
á svæðinu með tilheyrandi
fylgihlutum á borð við hasspípur
úr bæði áldósum og plastflöskum
sem hafa verið á víð og dreif við
fjölbýlishúsið.
DV hafði samband við
forsvarsmenn Ölmu, sem á
þónokkrar íbúðir á svæðinu,
en Hersir Aron Ólafsson,
lögfræðingur Ölmu, benti á
að húsfélagið væri í rekstri hjá
fyrirtækinu Eignaumsjón. Þar
á bæ viðurkenndu menn þó að
fjölbýlishúsið við Mávabraut
uppfyllti ekki þeirra ítrustu kröfur
um þægindi, „… og höfum við því
unnið að því að selja þær örfáu
íbúðir sem við eigum þar.“
Mávabraut uppfyllir ekki kröfur
„Húsfélagið er í rekstri hjá
Eignaumsjón. Formaður
húsfélagsins heitir Guðjón
Vilhelm Sigurðsson, en hann er
ótengdur Ölmu. Geri ráð fyrir að
fyrirspurnir eða umfjöllun um
myndir af húsinu ættu því helst
að snúa að honum,“ segir Hersir
Aron, en af þeim orðum má leiða
líkur að því að sjálft leigufélagið
sé búið að fá nóg, að minna
kosti samkvæmt lögfræðingi
fyrirtækisins.
DV reyndi ítrekað að hafa
samband við Guðjón Vilhelm
Sigurðsson vegna málsins en
hann er, að sögn forsvarsmanna
Ölmu og Eignaumsjónar,
ótengdur þeim fyrirtækjum,
en starfar samt sem áður sem
formaður húsfélagsins. Hann
hafði ekki svarað fyrirspurnum
DV þegar blaðið fór í prentun. n