Dagblaðið Vísir - DV - 06.12.2019, Síða 24

Tómstundir og útivist 06. desember 2019KYNNINGARBLAÐ
Tónskóli
Hörpunnar
tvítugur í ár
Tónskóli Hörpunnar var stofnaður árið 1999 og varð því 20 ára á þessu ári og var
afmælinu fagnað með glæsilegum
tónleikum í Grafarvogskirkju í apríl.
Þar komu fram nemendur ásamt
núverandi og nokkrum fyrrverandi
kennurum tónskólans.
Jólatónleikar nemenda
Nú er komið að árlegum
jólatónleikum Tónskóla Hörpunnar.
Tónleikarnir verða haldnir 9., 10. og
11. desember kl. 18.30 og 19.30. Þeir
eru haldnir í kirkjuselinu í Borgum í
Spönginni þar sem allir nemendur
skólans koma fram. Allir gestir eru
velkomnir og enginn aðgangseyrir.
Kennsla innan veggja
grunnskólanna á skólatíma
Síðan tónskólinn var stofnaður hefur
eitt og annað breyst. Skólinn hefur
flutt í stærra og betra húsnæði,
nemendum hefur fjölgað og við
höfum tekið upp kennslu innan veggja
grunnskólanna þar sem við kennum
á morgnana. Í vetur förum við í átta
skóla en það eru Kelduskóli Vík og
Korpa, Vættaskóli Engi og Borgir,
Húsaskóli, Sæmundarskóli, Ártúnsskóli
og Háaleitisskóli í Álftamýri.
Fjölbreytt hljóðfæraflóra
Tónlistarnám styður við allt annað
nám og rannsóknir sýna að þeir sem
stunda ungir tónlistarnám búa að
því alla ævi. Fyrir utan hvað tónlist
veitir mikla gleði í lífi hvers og eins.
Við erum aðallega með nemendur
á grunnstigi og nokkra á miðstigi.
Það eru allir velkomnir í Tónskóla
Hörpunnar og enginn er of gamall til
að hefja tónlistarnám. Tónlistarnám
er ekki bara fyrir útvalda heldur ættu
allir að fá tækifæri til að kynnast
tónlist einhvern tímann á lífsleiðinni.
Fyrir nemendur sem hafa áhuga á
að hefja tónlistarnám er margt í boði.
Við kennum á píanó og gítar sem eru
vinsælustu hljóðfærin. Einnig kennum
við söng, á fiðlu, þverflautu, saxofón,
bassa, trommur, harmoniku og svo
blokkflautu í forskólanum.
Sumir hefja nám um áramót
Tónskóli Hörpunnar er staðsettur í
Spönginni sem er í hjarta Grafarvogs.
Það er afar góð staðsetning fyrir
nemendur sem búa í Engja-, Víkur-,
Borgar- og Rimahverfi, enda er
stutt fyrir þá að ganga í tónskólann.
Skólinn gefur nýjum nemendum
tækifæri til að hefja nám um áramót.
Innritun fer fram á vef borgarinnar
Rafræn Reykjavík.
Innritun fyrir vorönn 2020 er hafin á
vefnum rafraen.reykjavik.is.
Nánari upplýsingar má nálgast á
harpan.is eða í síma 567-0399.
Vefpóstur: harpan@harpan.is