Fréttablaðið - 14.03.2016, Qupperneq 12

Frá degi til dags
Útgáfufélag: 365 miðlar ehf. Stjórnarformaður: Ingibjörg Stefanía Pálmadóttir forStjóri: Sævar Freyr Þráinsson Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Fanney Birna Jónsdóttir fanney@frettabladid.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is. Fréttablaðið kemur út í 90.000 eintökum og er dreift ókeypis
á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSn 1670-3871
fréttaBlaðið Skaftahlíð 24, 105 reykjavík Sími: 512 5000, ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Ólöf Skaftadóttir olof@frettabladid.is og Viktoría Hermannsdóttir viktoria@frettabladid.is
menning: Magnús Guðmundsson magnus@frettabladid.is ljóSmyndir: Pjetur Sigurðsson pjetur@frettabladid.is framleiðSluStjóri: Sæmundur Freyr Árnason sfa@frettabladid.is ÚtlitShönnun: Silja Ástþórsdóttir siljaa@frettabladid.is
Halldór
Magnús
Guðmundsson
magnus@frettabladid.is
Bryan Ferry
16.05.16
Harpa, Eldborg
H a r pa . i s B r ya n F e r r y.c o m T i x . i s
Sigurgeir Sindri
Sigurgeirsson
formaður
Bændasamtaka
Íslands
Á Íslandi hefur þróast merkilega fjölbreytt atvinnulíf þar sem ólíkar atvinnugreinar styðja hver við aðra með viðskiptum sín á milli sem öll skipta miklu
máli. Þar á meðal er íslenskur landbúnaður og afleidd
starfsemi.
Bein verðmætasköpun íslensks landbúnaðar er árlega 54
milljarðar króna. Þá er einnig hagrænn ávinningur í formi
gjaldeyrissparnaðar þar sem ekki þarf að flytja inn mat-
væli í eins miklum mæli, sem leiðir líka til umhverfislegs
ávinnings því að útblástur gróðurhúsalofttegunda vegna
flutninga er minni en ella. Alls hafa um fjögur þúsund
manns beina atvinnu af landbúnaði á Íslandi og aðrir fimm
þúsund hafa atvinnu hjá stórum og smáum fyrirtækjum
um allt land sem tengjast framleiðslu landbúnaðarins.
Bændur hafa reynst íslensku samfélagi vel og hefur
verð á íslenskum matvælum haldist stöðugra og hækkað
minna en þau innfluttu á undanförnum árum. Þá lögðu
íslenskir bændur sitt af mörkum við að halda aftur af
hækkun matvöruverðs eftir efnahagshrunið þegar allar
innfluttar vörur ruku upp í verði.
Íslenskir bændur eru stoltir af framlagi sínu til íslensks
atvinnulífs og samfélags. Alþýðusamband Íslands virðist
þó helst vilja losna við það framlag því sambandið hefur
skorað á Alþingi að fella nýgerða búvörusamninga og
kallað eftir því að innflutningur á landbúnaðarafurðum
verði stóraukinn. Þessi afstaða sambandsins er óskiljan-
leg. Í fyrsta lagi eru þúsundir félagsmanna Alþýðu-
sambandsins í störfum sem eru beintengd íslenskum
landbúnaði. Í öðru lagi þá liggur fyrir að styrking á gengi
krónunnar hefur ekki skilað lægra verði á innfluttum
mat- og drykkjarvörum, sem hefði fært félagsmönnum
Alþýðusambandsins umtalsverða kaupmáttarstyrkingu.
Þeirra eigið verðlagseftirlit hefur sýnt fram á hvernig versl-
unin skilar ekki ábata til neytenda hvort sem það er vegna
lækkunar á opinberum álögum eða styrkingar gengis.
Það er ótrúlegt að Alþýðusambandið skuli velja að
beina spjótum sínum að íslenskum landbúnaði. Nýr
búvörusamningur felur í sér að verði á innlendri mat-
vælaframleiðslu er haldið niðri. Hvernig halda menn að
þróunin yrði ef hætt yrði að greiða niður verð á innlendri
matvöru og neytendur þyrftu eingöngu að treysta á sann-
gjarna álagningu verslunarinnar?
Bændur standa vaktina
Nýr búvöru-
samningur
felur í sér að
verði á
innlendri
matvælafram-
leiðslu er
haldið niðri.
Náttúran og manneskjan. Órjúfanleg grunn-stef íslenskra lista og menningar. Líf okkar á þessari einstöku eldfjallaeyju norður í Atl-antshafi hefur löngum verið samofið nátt-úrunni, dyntum hennar, gæðum, grimmd
og fegurð. Íslensk náttúra er órjúfanlegur hluti af sjálfs-
mynd þjóðarinnar og eitt af þessum fyrirbærum sem við
hömpum á tyllidögum en virðumst gleyma þess á milli
nema rétt til þess að hafa af henni gott.
Eftir efnahagshrunið þá er það ekki síst íslensk nátt-
úra sem hefur gert íslensku samfélagi kleift að skreiðast
á lappir. En þrátt fyrir það virðist okkur ganga illa að
sjá og skilja mikilvægi hennar og sérstöðu. Að skilja að
án hennar erum við tæpast þjóð á meðal þjóða því hún
hefur skapað okkur og mótað í gegnum aldirnar. Hún er
órjúfanlegur hluti af því hver við erum og getum orðið.
Þetta skeytingarleysi okkar gagnvart íslenskri nátt-
úru birtist ekki síst í stöðu íslensks náttúruminjasafns
eða öllu heldur fjarveru þess. Árum saman hefur staða
Náttúruminjasafns Íslands verið óásættanleg með öllu
og í raun okkur öllum sem þjóð til háborinnar skammar.
Náttúruminjasafn gæti í reynd verið okkur ómetanlegt
við menntum og fræðslu um náttúruna sem er okkur svo
mikilvæg og svo kær á tyllidögum. Slíkt safn gæti aukið
við þekkingu okkar og skilning á náttúrunni, eðli hennar,
eiginleikum og mikilvægi. Á náttúruminjasafni gætum
við t.d. skoðað hverju var fórnað með Kárahnjúkavirkjun
og öðrum stórframkvæmdum og þannig mætti áfram
telja allt til geirfuglsins og flónskunnar sem þurrkaði
hann út úr heiminum.
Eins og Hilmar J. Malmquist, forstöðumaður Náttúru-
minjasafns Íslands, hefur bent á þá er safninu samkvæmt
lögum ætlað að vera lykilstofnun á sviði miðlunar og
fræðslu í náttúrufræðum með sömu stöðu og hin höfuð-
söfnin, Þjóðminjasafn Íslands og Listasafn Íslands. Vand-
inn er hins vegar að húsnæðisvandi safnsins er slíkur að
Náttúruminjasafni er í raun ómögulegt að sinna lög-
bundnu hlutverki sínu og ekkert þokast til úrbóta. Hug-
myndir um náttúrusýningu Perluvina, einkahlutafélags
áhugafólks um náttúrusýningu í Perlunni, breyta engu
þar um. Að telja sér trú um slíkt er eins og að ráðgera
að gott gallerí geti leyst af höndum hlutverk Listasafns
Íslands, með fullri virðingu fyrir öllum viðkomandi. Eðli,
hlutverk og skyldur eru einfaldlega ekki með sama hætti.
Perlan er efalítið ágætt húsnæði en allar viðræður við
Náttúruminjasafn Íslands eru nú komnar í strand og
málið enn og aftur komið á hinn óásættanlega byrjunar-
reit. Það kann að vera að borgaryfirvöld hafi meiri áhuga
á að vinna að slíku verkefni með einkafélagi og taka meira
mið af möguleikum í ferðamannaiðnaði í hinni almennu
Benidorm-væðingu borgarinnar, samanber t.d. þróun
mála í miðborginni, og þá verður svo að vera. En ábyrgðin
liggur fyrst og fremst hjá mennta- og menningarmálaráðu-
neytinu sem fer með málefni safnsins. Náttúruminjasafn
Íslands verður að vera safn allra landsmanna og því þurfa
allir þættir safnsins að taka mið af því. Því er óskandi að
ráðuneytið hefji þegar í stað kraftmikinn undirbúning að
glæsilegu Náttúruminjasafni Íslands, náttúrunni sem og
þjóðinni til heilla. Safni sem stendur ekki eins og gleymd-
ur og útdauður geirfugl inni í læstum skáp.
Geirfuglasafn
Náttúru-
minjasafn
Íslands
verður að
vera safn allra
landsmanna
og því þurfa
allir þættir
safnsins að
taka mið af
því.
Sambandslaus formaður
Orðið á götunni segir að
nokkur kurr sé á meðal þing-
manna Vinstri grænna þessa
dagana eftir að Katrín Jakobs-
dóttir, formaður flokksins,
ákvað að gefa ekki kost á sér í
embætti forseta Íslands. Sagan
segir að formaðurinn hafi legið
undir feldi í nokkra daga án
þess að gefa sínum nánustu
samstarfsmönnum neitt upp
um fyrirætlanir sínar. Tann-
hjólin munu hafa farið að
snúast innan þingflokksins,
bakherbergin reykfyllt og hníf-
arnir brýndir þar sem félagar
Katrínar töldu að hún væri í
þann mund að yfirgefa flokks-
stólinn en fundir voru haldnir
víða um bæ til að plotta arftaka
hennar. Sumir þingmenn hafi
því verið ansi hvumsa yfir
því að Katrín skuli hvergi vera
á förum.
Lukkuriddarar lýðræðisins
Píratar og Samfylkingin virðast
þessa dagana vera í kapp-
hlaupi um það hversu djúpt í
ruslið þau geta troðið tillögum
stjórnarskrárnefndar. Mikið
er ágætt fyrir kjósendur þessa
lands að lýðræðispostularnir í
flokkunum tveimur spari þeim
aksturinn á kjörstað næsta
vetur en með afstöðu sinni eru
flokkarnir að svipta kjósendur
möguleikanum áð tjá sína
skoðun á málinu í almennri
þjóðaratkvæðagreiðslu.
stefanrafn@frettabladid.is
1 4 . m a r s 2 0 1 6 m Á N U D a G U r12 s k o ð U N ∙ F r É T T a B L a ð i ð
SKOÐUN