Morgunblaðið - 02.09.2019, Blaðsíða 40

*Heppinn áskrifandi fær að velja á milli
Corolla Hatchback, Corolla Touring Sports
og Corolla Sedan; þriggja glæsilegra Hybrid-
bíla með 1,8 lítra vél í Active-útfærslu.
ÍS
LE
N
SK
A/
SI
A.
IS
/M
O
R
92
31
6
08
/1
9
ÁENDANUM
VELURÞÚ
COROLLU
HEPPINN
ÁSKRIFANDI
verður dreginn út 16. október.
Allir áskrifendurMorgunblaðsins
erumeð í leiknum. Hérmá sjá
valkostina sem einn af áskrif-
endum okkar fær að velja um
þegar hann fær að gjöf nýja
og glæsilega Toyota Corolla.*
Fylgstumeð.
Berta Dröfn Ómarsdóttir sópran
kemur ásamt Antoníu Hevesi píanó-
leikara fram á fyrstu hádegistón-
leikum nýs starfsárs tónleika-
raðarinnar í Hafnarborg á morgun
kl. 12. Á tónleikunum, sem bera
yfirskriftina Táraflóð, verða fluttar
aríur eftir Händel, Mozart og Pucc-
ini. Tónleikarnir standa í um hálfa
klukkustund. Aðgangur er ókeypis.
Hádegistónleikar í
Hafnarborg á morgun
MÁNUDAGUR 2. SEPTEMBER 245. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 670 kr.
Áskrift 7.240 kr. Helgaráskrift 4.520 kr.
PDF á mbl.is 6.420 kr. iPad-áskrift 6.420 kr.
19. umferð Pepsi Max deildar karla í
knattspyrnu var leikin um helgina
og KR-ingar færast enn nær Ís-
landsmeistaratilinum. Efstu liðin
KR og Breiðablik unnu bæði sína
leiki. Þrjú lið sem berjast um Evr-
ópusæti, Stjarnan, HK og Valur,
töpuðu öll í þessari umferð og FH
græddi á því. Útlitið er orðið
dökkt hjá Grindavík. »34-35
KR-ingar halda sínu
striki á Íslandsmótinu
ÍÞRÓTTIR FÓLK Í FRÉTTUM
Haukar eru í erfiðri stöðu EHF-
bikarnum eftir tap 20:25 fyrir tékk-
nesku meisturunum í Talent Plzen í
fyrri leik liðanna í 1. umferð keppn-
innar á Ásvöllum í gær. Tékkarnir
mættu með Íslandsvin til landsins
því Michal Tonar, leikmaður HK
snemma á tíunda áratugnum, stýrir
Talent Plzen. Hafnfirðingar
þurfa á stórleik að
halda í síðari
leiknum. »32
Haukar þurfa á stórleik
að halda í Tékklandi
Jón Birgir Eiríksson
jbe@mbl.is
Fagnaðarfundir urðu í Húsdýra-
garðinum í Reykjavík í gær þegar
Helge Snorri Seljeseth fiðluleikari
hitti fyrir selinn Snorra. Tilefni
heimsóknarinnar er nafngift þess
fyrrnefnda, en Helge Snorri var á
sínum tíma skírður í höfuðið á
selnum. Hann ákvað að gera sér
ferð í Húsdýragarðinn til að leika
nokkur lög fyrir nafna sinn og aðra
íbúa í selalaug garðsins, þær Sæ-
rúnu og Kobbu. Þar svömluðu líka
um tveir ónefndir kópar sem fædd-
ust í sumar. Snorri fagnar 31 árs af-
mæli í ár, en meðalaldur sela mun
vera um 30 ár. Sjón hans er orðin
döpur, en svo virtist sem heyrnin
væri ágæt.
Helge Snorri stundar nám í djass-
fiðluleik við NTNU í Noregi og lék á
rafmagnsfiðlu fyrir selina. Að hluta
til lék hann þekkt lög en spann að
öðru leyti tónlistina á staðnum.
Þegar tónleikarnir hófust varð ljóst
að mati blaðamanns að selunum lík-
aði tónlistin enda stungu þeir ótt og
títt upp kollunum til að leggja við
hlustir. Þess á milli gripu þeir fisk
sem kastað var til þeirra meðan á
tónleikunum stóð. Í Húsdýragarð-
inum búa greinilega miklir smekk-
selir.
Eldri bræðurnir völdu nafnið
„Mér fannst þetta heppnast vel.
Það er erfitt að segja hvort selunum
líkaði, en ég reyndi að búa til hálf-
gerð neðansjávarhljóð til þess að
koma þeim kannski inn í sinn heim.
Ég vildi búa til slíka stemmingu,“
segir Helge Snorri, sem ber nafn
sitt stoltur. Hann er þakklátur eldri
bræðrum sínum sem eiga heiðurinn
að nafngiftinni. „Þeir voru fimm og
sjö ára á þeim tíma sem ég fæddist.
Þeir komu oft hingað í Húsdýra-
garðinn og uppáhaldsselurinn þeirra
var selurinn Snorri. Hann var sjö
ára þegar þetta var. Foreldrar mínir
leyfðu bræðrum mínum að ákveða
hvað ég ætti að heita og valið var
auðvelt: Snorri,“ segir Helge Snorri.
Sagan hefur víða vakið kátínu,
meðal annars í spunaleiklistarhóp
sem Helge Snorri tilheyrir. „Þar er
stundum farið í leik þar sem maður
á að segja eina staðreynd um sjálfa
sig sem er sönn og aðra sem er röng.
Ég sagðist einu sinni vera annað-
hvort skírður eftir Snorra sel eða
Snorra Sturlusyni. Allir giskuðu á
að ég væri skírður í höfuðið á Snorra
Sturlusyni og fannst mjög fyndið
þegar það kom í ljós að ég er skírður
eftir Snorra sel,“ segir Helge
Snorri, en móðir hans átti þó hug-
myndina að tónlistarflutningnum í
selalauginni. „Hún ákvað að hringja
og spyrja hvort ég mætti ekki koma
að spila,“ segir hann. „Við vissum
ekki að hann væri enn á lífi og þegar
við komumst að því að hann væri
það kom ekki annað til greina en að
gera þetta til að þakka honum fyrir
vel unnin störf hér,“ segir hann.
Morgunblaðið/Eggert
Snorrar Annar lék á rafmagnsfiðlu, hinn synti og hlýddi á. Sá sem á fiðluna lék segist bera nafn selsins með stolti.
Lék á rafmagnsfiðlu
fyrir nafna sinn Snorra
 Skírður í höfuðið á sel Húsdýragarðsins fyrir 24 árum