Kiwanisfréttir - 01.04.2006, Blaðsíða 15
FRÉTTIR FRÁ SÓLBORG
Það sem er að frétta frá okkar
Sólborgarkonum er að við
héldum fyrsta fund okkar á
árinu út í bæ og fórum á
veitingarhúsið við Skólabrú.
Mætingin var góð og var
kvöldið hið ánægjulegasta. Við
drifum okkur í leikhús þann
21. jan. og sáum leikritið
Himnaríki í uppsetningu
Hafnarfjarðarleikhússins,
mjög góð skemmtun þar á
ferð. Þann 26. jan. héldum við
gestafund sem var vel sóttur
og hafa nokkrar konur
heimsótt okkur aftur og eru að
íhuga áframhaldandi þátttöku.
Að sjálfsögðu mættu nokkrar
okkar á Svæðisráðstefnuna
sem haldin var í Garði.
Umdæmisstjóri, Guðmundur
Baldursson mætti á fund 9 feb.
og einnig fyrrverandi um-
dæmisstjóri, Sigurgeir Aðal-
geirsson sem er núverandi
forseti Skjálfanda á Húsavík.
Það var gaman að fá þessa
mætu menn í heimsókn.
Einnig var önnur umferð í
keilukeppninni okkar haldin
þann 17. feb. í Öskjuhlíðinni.
Á fundinum þann 23. feb. var
ákveðið að konur skildu allar
mæta með hatta og var
útkoman á þeirri ákvörðun
vægast sagt skemmtileg. Veitt
voru verðlaun fyrir stór-
kostlegasta hattinn. Þann 25.
feb. unnum við á þorramóti
íþróttafélags Fjarðar í Bochia
og buðum upp á veitingar.
Þetta hefur verið fastur liður
hjá klúbbnum og var þetta
tíunda árið okkar sem við
stöndum í þessu styrktar-
verkefni. Þann 9. mars mættu
15 félagar á fund hjá
Kiwanisklúbbnum Esju og var
það vel heppnaður fundur
með góðan fyrirlesara.
Þann 18. mars ætla konurnar
að fara í orlofsferð að
Sólheimum í Grímsnesi. Síðan
er Svæðisstjóri, Bjarni Jónsson
búinn að boða komu sína á
fund hjá okkur þann 23. mars.
Styrktarnefnd er farin að vinna
á fullu við næstu verkefni
okkar sem eru dansleikur fyrir
fatlaða og hjálmaverkefnið
sem við vinnum með
klúbbunum Eldborgu, Hraun-
borgu, Setberg og Eldey.
Með ósk um gott starfsár,
"Kraftmikið Kiwanisstarf -
Látum Verkin Tala"
Kiwaniskveðja,
Blaðafnlltrúi Sólborgar,
Erla María Kjartansdóttir.
833 wk
fs M , 2 ■a :3fil||
h $ ■
15