Morgunblaðið - 04.10.2019, Síða 4

Leynir Hjólhýsi hafa verið í útleigu
á svæðinu og notið vinsælda.
Höskuldur Daði Magnússon
hdm@mbl.is
Byggingarfulltrúi Rangárþings
ytra hefur krafist þess að eigandi
jarðanna Leynis 2 og 3, þar sem
mikil uppbygging í ferðaþjónustu
er fyrirhuguð, rjúfi tengingar hjól-
hýsa sem hann er með í útleigu við
rotþróarkerfi á staðnum. Eins og
kom fram í Morgunblaðinu fyrr í
vikunni krafðist landeigandi í
Landsveit skýringa á því á hvaða
leyfum starfsemin byggðist og að
vatns- og fráveitulagnir yrðu fjar-
lægðar af tjaldsvæði svo tryggt
væri að vatnsból röskuðust ekki.
Haraldur Birgir Haraldsson, skipu-
lags- og byggingarfulltrúi, segir í
samtali við Morgunblaðið að hann
hafi þegar farið fram á það við Loo
Eng Wah landeigenda að tenging
umræddra hjólhýsa við rotþró verði
rofin.
„Hann hefur enga heimild til að
tengja hjólhýsin við fráveitukerfið,“
segir Haraldur Birgir. Hann segir
jafnframt að það sé ekki á forræði
sveitarfélagsins að gefa út rekstr-
arleyfi fyrir umrædd hjólhýsi. Það
geri Heilbrigðiseftirlit Suðurlands.
Rangárþing ytra hafi hins vegar
gefið út tímabundið stöðuleyfi,
byggingarleyfi sé svo háð deili-
skipulagi en vinna við það stendur
yfir. Lýsing skipulagsáforma hefur
verið gefin út eins og Morgunblaðið
hefur greint frá og frestur til at-
hugasemda rann út í vikunni.
Í svarbréfi Haraldar Birgis við
bréfi landeigandans segir: „Teng-
ingar umræddra hjólhýsa við
rotþróarkerfi eru ekki heimilaðar
og byggðist ákvörðun sveitarstjórn-
ar á veitingu stöðuleyfis á þeim
skilyrðum sem fram komu í umsókn
landeigenda, þar sem það var full-
yrt að þau yrðu ekki tengd vatns-
veitu- eða fráveitukerfi.“
Samkvæmt þessu hefur landeig-
andinn Loo Eng Wah ekki hagað
framkvæmdum í samræmi við um-
sókn sína. Segir Haraldur Birgir að
auk þess að rjúfa tengingar við frá-
veitukerfi hafi landeigandinn verið
krafinn um að ganga frá lagnaend-
um á viðurkenndan hátt. Aðspurður
segir byggingarfulltrúinn að hann
viti ekki betur en Loo Eng Wah
hafi orðið við umræddum kröfum.
Þarf að rjúfa tengingar við rotþró
 Landeigandi að Leyni 2 og 3 í Landsveit hafði ekki leyfi til að tengja hjólhýsi í leigu við fráveitukerfi
4 FRÉTTIRInnlent
MORGUNBLAÐIÐ FÖSTUDAGUR 4. OKTÓBER 2019
Bláu húsin Faxafeni ◊ S. 588 4499 ◊ Opið mán.-fös. 11-18, lau. 11-16 ◊ www.mostc.is
Gerið verðsamanburð
15.990 kr.
Kápur
GÓÐ VERÐ
ALLA DAGA
Tæplega 1.000 hafa sagt sig úr þjóð-
kirkjunni undanfarna tíu mánuði.
Það jafngildir því að þrír hafi sagt
sig úr kirkjunni á hverjum einasta
degi á þessu tímabili. Nú eru 231.684
skráðir í þjóðkirkjuna, sem eru 64%
Íslendinga, og hefur þeim fækkað
um rúmlega 3.400 frá 1. desember
2017.
Frá 1. desember í fyrra til 1. októ-
ber í ár fjölgaði í kaþólska söfn-
uðinum um 469 manns, sem nemur
3,4% fjölgun og í Siðmennt fjölgaði
um 454 manns sem eru 16,1%. Þá
var 5,1% aukning í Ásatrúarfélaginu
þar sem fjölgaði um 228 manns.
Péturs Markan, samskiptastjóri
Biskupsstofu, svaraði mbl.is því til í
gær að Agnes M. Sigurðardóttir,
biskup Íslands, hefði ekki áhyggjur
af úrskráningum úr þjóðkirkjunni.
Biskupi væri fyrst og fremst umhug-
að um einlægt andlegt trúarlíf al-
mennings, velferð og sálgæslu sem
hverjum og einum einstaklingi væri
mikilvægust.
Biskup
hefur ekki
áhyggjur
 Þrír úr þjóðkirkj-
unni daglega
Töluverð rigning og rok hefur verið um sunnan- og vestanvert landið síð-
ustu daga, en gul viðvörun var í gildi í gær fyrir Suðurland, Faxaflóa og
miðhálendið vegna veðurs. Sumir gripu til regnhlífarinnar vegna úrhell-
isins í gær. Útlit er fyrir áframhaldandi vatnsveður næstu daga.
Morgunblaðið/Eggert
Úrhelli og rok hrellir borgarbúa
Sjónarmið dr. Önnu Guðrúnar Þór-
hallsdóttur, beitarvistfræðings og
prófessors, um skógrækt og lofts-
lagsmál hafa áður komið fram og
verið svarað, að sögn Þrastar Ey-
steinssonar skógræktarstjóra.
Hann vitnaði í grein frá 8. mars
2018 sem finna má á vefnum skog-
ur.is.
Þar kemur m.a. fram að nytja-
skógur hafi mun meiri jákvæð lofts-
lagsáhrif en friðaður skógur. Stöð-
ug binding kolefnis sé í sjálfbærum
nytjaskógi. Kolefni binst í nýjum
viði og ef nytjaviðurinn er nýttur í
stað ósjálfbærra jarðefna úr olíu og
kolum dregur úr nettólosun.
Einnig er fjallað um skóga á
norðurslóðum og inngeislun sólar
með tilliti til áhrifa á hlýnun lofts-
lags. Skógræktin bendir á að flestar
rannsóknir á inngeislun byggi á
notkun hermilíkana. Dregið er í efa
að hægt sé að yfirfæra forsendur
líkananna beint á íslenskar aðstæð-
ur. Snjóhula sé t.d. mest í Reykja-
vík í febrúar og í janúar á Akureyri
þegar inngeislun sólar er mjög lítil.
Endurskin sandauðna, upp-
grædds lands, náttúrulegra birki-
skóga og gróðursettra barrskóga
var mælt í Þjórsárdal 2012-2017.
Frumniðurstöður bentu til að svart-
ar sandauðnir
hefðu sennilega
„verstu“ áhrifin á
hlýnun jarðar. Á
öllum hinum
svæðunum fór
fram kolefnis-
binding um vaxt-
artímann með já-
kvæðum
loftslagsáhrifum.
Fullyrða megi að
skógrækt sé góð leið til að vinna
gegn loftslagsbreytingum.
Anna sagði að sitkagreni væri á
svörtum lista í Noregi og að það og
alaskaösp væru ágengar tegundir.
„Það er rangfærsla að þetta séu
ágengar tegundir og við höfnum því
alfarið,“ sagði Þröstur. „Ágeng teg-
und er skilgreind í náttúruvernd-
arlögum sem tegund sem er líkleg
til að valda rýrnun á líffræðilegri
fjölbreytni. Sitkagreni hefur hvergi
gert það svo vitað sé og alaskaösp
því síður.“ Hann sagði að Norð-
menn hefðu sett sitkagreni á svart-
an lista vegna þess að það væri út-
lent. „Að flokka lífverur fyrst og
fremst út frá uppruna þeirra en
ekki út frá vistfræðilegri hegðun,
gagni eða skaða er afskaplega vit-
laus flokkun.“ gudni@mbl.is
Skógrækt vinnur
gegn hlýnuninni
 Skógræktin er ósammála dr. Önnu
Þröstur
Eysteinsson