Morgunblaðið - 30.10.2019, Side 2

2 FRÉTTIRInnlent
MORGUNBLAÐIÐ MIÐVIKUDAGUR 30. OKTÓBER 2019
TAUBLEIUBÚÐIN ÞÍN
Kíktu á netverslun okkar
bambus.is
Nýbýlavegi 8 – Portið, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Vildi öll gögn upp á borðið
 Seðlabankastjóri gaf fyrirmæli um afhendingu bréfa vegna Samherjamálsins
Baldur Arnarson
baldura@mbl.is
Ásgeir Jónsson seðlabankastjóri kveðst að-
spurður hafa átt frumkvæði að því að afhenda
upplýsingar um samskipti fv. starfsmanna bank-
ans við Ríkisútvarpið sem komu fram í bréfa-
skriftum Seðlabankans við forsætisráðuneytið.
Póstarnir hafi fylgt með málsskjölum vegna
skaðabótamáls Samherja á hendur bankanum
sem þingfest var 9. september sl.
Fram kom í Morgunblaðinu í gær að Samherji
krefðist 306 milljóna króna í skaðabætur og tíu
milljóna króna í miskabætur frá Seðlabanka Ís-
lands (SÍ) vegna rannsóknar bankans á meint-
um brotum fyrirtækisins á reglum um gjaldeyr-
ismál.
Ásgeir tók við sem seðla-
bankastjóri 20. ágúst sl.
Hann kveðst hafa falið Jó-
hannesi Karli Sveinssyni hrl.
málsvörn fyrir hönd bankans.
Með því sé málið úr höndum
bankans og hjá lögmanni sem
sé ótengdur bankanum.
„Samherji fór í mál gegn
Seðlabankanum sem er höfð-
að fyrir dómi. Það er erfitt
fyrir mig að tjá mig um málið
að svo stöddu. Samherji hefur líka kært fimm
starfsmenn bankans til lögreglu. Bankinn er þá
undir þrýstingi úr þessari átt.
Ég tók þá ákvörðun að eigin frumkvæði að
koma gögnum á framfæri sem vitnað hefur verið
til í umræðu um hinn meinta leka,“ segir Ásgeir
og vísar til tölvupóstsamskipta fyrrverandi
starfsmanns bankans við RÚV.
Ræddi við forstjóra Samherja
„Ég lét setja bréfin til forsætisráðuneytisins
fram sem hluta af málsskjölum sem Seðlabank-
inn lagði fram í tengslum við skaðabótamálið.
Síðan hringdi ég í Þorstein Má [Baldvinsson,
forstjóra Samherja] og skýrði honum frá því að
hann gæti gengið að þessum bréfum sem hluta
af gögnum málsins – og ég teldi það skyldu mína
að upplýsa hann um þetta.
Umræddur starfsmaður sem var í
samskiptum við RÚV er hættur hjá bankanum.
Við höfum því reynt að gera hreint fyrir okkar
dyrum,“ segir Ásgeir.
Ásgeir
Jónsson
Kristján H. Johannessen
khj@mbl.is
„Það er ekki algengt að lýst sé yfir
neyðarástandi vegna eldsneytis,“
segir Ragnar Guðmundsson, rann-
sakandi hjá Rannsóknarnefnd sam-
gönguslysa, í samtali við Morgun-
blaðið, en hann vinnur nú að
rannsókn alvarlegs flugatviks sem
átti sér stað á Keflavíkurflugvelli
síðastliðinn mánudag.
Lýstu þá flugmenn farþegaþotu
Icelandair frá Seattle í Bandaríkjun-
um yfir neyðarástandi vegna lágrar
eldsneytisstöðu og lentu í kjölfarið á
lokaðri flugbraut. Var flugbrautin
lokuð eftir annað alvarlegt flugatvik
þar sem lítil vél fór út af braut. Allir
komust heilir frá báðum atvikum.
Greint hefur verið frá því í
Morgunblaðinu að búið sé að fjar-
lægja flugrita Icelandair-þotunnar
og verða þeir skoðaðir í tengslum við
rannsóknina. Ragnar segist nú vera
að vinna í því að safna gögnum, með-
al annars frá Isavia, ræða við flug-
menn, flugvallarstarfsmenn og aðra
hlutaðeigendur.
Skilgreiningin er skýr
„Þetta eru í raun tvö mál. Annars
vegar fer flugvél út af braut og hins
vegar lýsir önnur vél yfir neyðar-
ástandi og lendir á lokaðri flug-
braut,“ segir hann og bendir á að
rannsókn muni einkum beinast að
eldsneytisstöðu farþegaþotunnar,
hreinsun flugbrauta og stöðu vara-
flugvalla. Umrædd flugvél Iceland-
air hafði Reykjavíkurflugvöll sem
varaflugvöll en bremsuskilyrði þar
voru ekki talin góð vegna ísingar.
Flugrekstrarstjóri Icelandair
sagði í viðtali við Morgunblaðið í gær
að flugstjóri vélarinnar hefði metið
öruggast að lenda í Keflavík. Að
lenda á lokaðri flugbraut er þó, að
sögn Ragnars, alltaf flokkað sem al-
varlegt flugatvik.
„Skilgreiningin er skýr en svo
mun rannsóknin leiða þetta mál bet-
ur í ljós. Ég get á þessari stundu ekki
tjáð mig mikið um þetta.“
Skoða sérstaklega eldsneyt-
isstöðu og hreinsun brauta
 Alltaf „alvarlegt flugatvik“ að lenda á lokaðri flugbraut
Sigurður Ingi Jó-
hannsson, sam-
starfsráðherra
Norðurlanda, seg-
ir að fólk eigi að
geta flutt milli
landa á Norð-
urlöndunum án
hindrana líkt og
þegar flutt er á
milli sveitarfélaga
á Íslandi. Hann er
nú staddur á þingi norðurlandaráðs í
Stokkhólmi og sagði í samtali við
mbl.is í gær að eitt af því sem nú væri
rætt um væri að kennitölur hvers
lands yrðu gjaldgengar í hinum nor-
rænu ríkjunum.
Sigurður Ingi segir að um 65 þús-
und íbúar á Norðurlöndunum flytji á
milli landanna á Norðurlöndunum og
ef horft sé til Íslands búi meginþorri
þeirra Íslendinga sem erlendis eru í
öðru norrænu landi. „Þetta er mjög
stór hópur og þetta skiptir okkur
hlutfallslega miklu máli. Eitt af því
sem verið er að vinna í núna er að
kennitölur hvers lands verði gjald-
gengar í öðrum norrænum löndum.
Það mun þýða að þegar þú flytur er
eins og þú sért að flytja milli hverfa
og sért strax kominn inn í kerfið og
enginn biðtími verði eftir bankareikn-
ingi eða öðru eins það er í dag,“ segir
Sigurður Ingi en nánar er rætt við
hann á mbl.is. guna@mbl.is
Kennitölur
verði gjald-
gengar
Sigurður Ingi
Jóhannsson
 Auðveldara verði
að flytja milli landa
Sveitarstjórn Vopnafjarðarhrepps
hefur samþykkt að gera upp öll þau
iðgjöld og vexti sem vantaði til að
gera sjóðsfélaga Stapa og starfsfólk
sveitarfélagsins jafnsett öðrum
sjóðsfélögum. Tilefnið er að vegna
mistaka um ellefu ára skeið fékk
starfsfólk sveitarfélagsins of lága
greiðslu á mótframlagi í lífeyrissjóð-
inn Stapa. Vegna þessa tekur
hreppurinn lán upp á 70 milljónir hjá
Lánasjóði sveitarfélaga.
Jafnframt var ákveðið að stefna
Stapa til greiðslu skaðabóta vegna
mistaka við innheimtu iðgjaldanna,
en deilt hefur verið um hvar ábyrgð-
in liggi. Telur Vopnafjarðarhreppur
að Stapi beri hluta ábyrgðarinnar en
viðræður við sjóðinn hafa ekki borið
árangur, segir í bókun sveitar-
stjórnar frá sl. mánudegi.
Taka lán og
stefna Stapa
Hrekkjavakan svonefnda verður haldin á
fimmtudaginn en gjarnan tíðkast að fólk bregði
sér þá í gervi hinna ýmsu illfygla og ólíkindatóla.
Nokkur örtröð var í Partýbúðinni vegna þessa
í gær og þurftu þessir viðskiptavinir búðarinnar
að velta fyrir sér hvort ásjóna hins ógnvænlega
trúðs Pennywise, sem Stephen King gæddi lífi í
bók sinni IT, væri sú ákjósanlegasta til þess að
fagna hrekkjavökunni með.
Mikilvægt að finna sér réttu grímuna
Morgunblaðið/Kristinn Magnússon
Undirbúningur hrekkjavökunnar stendur sem hæst