Morgunblaðið - 09.11.2019, Side 6

6 FRÉTTIRInnlent
MORGUNBLAÐIÐ LAUGARDAGUR 9. NÓVEMBER 2019
****
S.J. Fréttablaðið
,,Átakanleg sýning um
uppgjör við lífið og dauðann”
borgarleikhus.is
Kristján H. Johannessen
khj@mbl.is
Tafir á framkvæmdum í miðborg
Reykjavíkur og óánægja meðal íbúa
og verslunareigenda vegna þeirra
hafa verið til umræðu í fjölmiðlum að
undanförnu. Benóný Ægisson, for-
maður íbúasamtaka miðborgar
Reykjavíkur, segir fólk vera orðið
langþreytt á tíðum framkvæmdum
og því mikla raski sem þeim fylgi.
„Fjölmargir íbúar og rekstrar-
aðilar hafa verið í sambandi við mig
og kvarta þeir allir yfir afar slæmu
aðgengi og miklum töfum á fram-
kvæmdum. Það er óhætt að fullyrða
að mikil framkvæmdaþreyta er kom-
in í íbúa miðborgarinnar,“ segir
hann í samtali við Morgunblaðið.
Endurtekið hafa komið upp mál
þar sem seinagangur er mikill í
framkvæmdum. Þannig hafa m.a.
verslunarmenn ítrekað kvartað und-
an hægum gangi á Hverfisgötu og
hefur verið greint frá því að einn
þeirra muni krefja borgina bóta, en
rask þar hefur haft skaðleg áhrif á
rekstur hans. Nýlega var greint frá
töfum á endurbótum við Óðinsgötu,
Óðinstorg og Týsgötu. Áttu verklok
þar að vera í nóvember en nú er von-
ast til að ljúka verkinu fyrir jól.
„Fólk er orðið mjög þreytt á þess-
um framkvæmdum um alla borg og
vill bara að þeim fari að ljúka. Þessar
tálmanir á umferð, bæði fyrir gang-
andi og akandi, eru mörgum erfiðar.
Svo má ekki gleyma því að þessum
framkvæmdum fylgir mikill hávaði
og óþrifnaður,“ segir Benóný og
bætir við að sandur þyrlist auðveld-
lega upp frá skurðum, byggingar-
svæðum og hálfhellulögðum plönum
sem finna megi víða í miðborginni.
„Það gefur augaleið í vindasamri
borg að það fýkur upp úr öllum
skurðum,“ segir hann.
Ráðhúsið hlustar lítið á íbúa
Aðspurður segir Benóný afar erf-
itt að koma óánægju íbúa á framfæri
við Reykjavíkurborg. Lítið sé hlust-
að á áhyggjur þeirra og
kvartanir.
„Það hefur ekki
gengið mjög vel fyrir
okkur. Við höfum fáar
leiðir aðrar en að
senda frá okkur álykt-
anir,“ segir hann, en síð-
asta ályktun íbúasam-
takanna sneri að
fyrirhuguðu raski
á horni Vatns-
stígs og
Frakka-
stígs.
Morgunblaðið/Árni Sæberg
Óðinsgata Víða er erfitt að athafna sig í Reykjavík, eins og þessi mynd sem tekin var nýverið sýnir.
Íbúar miðbæjar komnir
með leið á tíðu raski
 Ósáttir við hávaða, óþrifnað og langvarandi lokanir
Íbúi við Óðinstorg segir „þreyt-
andi“ að upplifa neikvætt við-
horf Reykjavíkurborgar í garð
þeirra sem búa í námunda við
framkvæmdasvæði í bænum.
„Sú ákvörðun borgarinnar að
horfa algerlega fram hjá mann-
legum þætti þegar kemur að
framkvæmdum er mjög þreyt-
andi. Um er að ræða mikið og
stórt inngrip í daglegt líf fólks,
hvort sem það starfar eða býr
í miðbænum,“ segir hann í
samtali við Morgunblaðið.
„Þessu fylgir hávaði, menn
komast ekki til og frá sínu
heimili og menn geta ekki at-
hafnað sig með venjuleg-
um hætti enda kemst
fólk vart að eigin
húsi. Það er bara
eins og þetta sé
orðið að stefnumáli
hjá borginni.“
Viðhorf borg-
ar þreytandi
ÍBÚI Í MIÐBÆNUM
Benóný
Ægisson
Harðbakur EA3, nýr togari Útgerð-
arfélags Akureyringa, er væntan-
legur til heimahafnar á Akureyri
klukkan 11 fyrir hádegi í dag, laug-
ardag. Lagt var af stað frá Aukra í
Noregi síðdegis á þriðjudag og í
gær var skipið á hægri ferð út af
Skjálfanda. Skipstjóri á Harðbak er
Hjörtur Valsson, sem undanfarin ár
hefur verið á ýmsum skipum Sam-
herja. Yfirvélstjóri er Friðrik
Karlsson, sem nýlega er orðinn 22
ára.
Hjörtur sagði í gærdag að heim-
siglingin hefði gengið vel og skipið
farið vel í sjó. „Við höfum að mestu
fengið fínt veður á leiðinni heim.
Það var aðeins kaldi þegar við lögð-
um af stað frá Noregi, en síðasta
sólarhringinn hefur verið blíða,“
sagði Hjörtur.
Harðbakur er fimmta skipið í
raðsmíðaverkefni sem Vard-
skipasmíðastöðin afhendir íslensk-
um útgerðum á þessu ári. Tvær síð-
ustu systurnar verða afhentar fyrir
áramót og fara þær til Skinneyjar-
Þinganess á Höfn í Hornafirði.
Slippurinn á Akureyri tekur við
Harðbak þegar heim er komið og
vinnslubúnaður verður settur um
borð. Stefnt er að því að skipið hefji
veiðar í byrjun næsta árs.
aij@mbl.is
Ljósmynd/Guðmann Guðmannsson
Um borð Hjörtur Valsson skipstjóri og Friðrik Karlsson yfirvélstjóri í
brúnni á Harðbak í gær. Þeir voru þá í rólegheitum út af Skjálfanda.
Nýr Harðbakur
til heimahafnar
Heim á leið Harðbakur leggur af stað frá Aukra í Noregi á þriðjudag. Í
baksýn eru skipin tvö sem fara til Hornafjarðar og verða afhent á næstunni.