Morgunblaðið - 09.11.2019, Qupperneq 35

honum vorum í kaupamennsku
á þessum árum kom saman um
að jákvæðari, skemmtilegri og
betri mann væri vart að finna.
Hann var líka mikill húmoristi.
Voru ófáar stundir sem við átt-
um saman í fjósinu, reyttum af
okkur brandara , hlustuðum á
Útvarp Matthildi og veltumst
um af hlátri. Í minningunni er
það glaðværðin sem var svo
ríkjandi þáttur hjá fólkinu á
Sandlæk sem situr svo fast. Er-
lingur var líka einstaklega
söngelskur, hafði fallega tenór-
rödd og söng í kórum. Tónlistin
var honum mjög mikils virði.
Hann var skapmikill og gat
stundum fuðrað upp. En svo
var það búið um leið, og þá hló
hann að öllu saman. Ég á hon-
um mikið að þakka, hann tók á
móti mér með hlýju og kær-
leika, treysti mér fyrir erfiðum
og ábyrgðarmiklum störfum
sem ungum manni og sýndi mér
alltaf fyllsta traust. Ég kveð
Erling og minnist manns sem
lifði fallegu og innihaldsríku lífi.
Ef allir menn væru eins og
hann var væri heimurinn betri.
Ég sendi fjölskyldunni á Sand-
læk, börnum hans og barna-
börnum mínar innilegustu sam-
úðarkveðjur. Minningin um
góðan dreng lifir.
Jóhann Sigurðarson.
Sumu fólki er gefið að laða að
sér fólk og hafa mannbætandi
áhrif á þá sem á vegi þess
verða. Erlingur á Sandlæk var
gæddur þeim eiginleikum. Hver
stund sem maður átti með hon-
um var nærandi og mannbæt-
andi. Hlýtt var viðmótið æv-
inlega og viðhorf í garð
náungans jákvætt.
Erling sá ég fyrst árið 1982
um það leyti sem ég upplifði
mín fyrstu kynni af Gnúpverja-
hreppi. Hann var þá á besta
aldri, hann vakti strax athygli
mína fyrir myndugleik í fasi.
Ekki tókum við tal saman á
þeim tíma, en að því kom löngu
síðar, eða upp úr aldamótum í
einu af mínum fyrri störfum. Úr
því varð lítilsháttar kunnings-
skapur sem fór vaxandi eftir að
við urðum sveitungar fyrir 7-8
árum.
Síðustu árin höfum við flesta
virka daga borðað saman há-
degismatinn og þau skipti sem
við vorum sessunautar var auð-
velt að finna umræðuefni. Hann
fræddi mig um sögu samfélags-
ins okkar og greindi frá reynslu
sinni meðal annars í sveitar-
stjórn og öðrum félagsmálum á
árum áður, hann var maður fé-
lagslyndur og músíkalskur mjög
og kom víða við sögu í fé-
lagsmálum og tónlistarstarfi á
sinni tíð. Hann sagði mér frá
mönnum fyrri tíða og gat verið
skoplegt á að hlýða.
Hann bjó yfir skemmtilegri
frásagnargáfu. Hann talaði fal-
legt mál sem einkenndist í senn
af sérstakri virðingu um allt og
alla.
Hann var sáttur við lífshlaup-
ið og stoltur af sínu fólki. Þar
spilaði Guðrún eiginkona hans
stórt hlutverk. Það var glampi í
augum Erlings þegar hann
minntist hennar, frá unglings-
árum til æviloka hennar fyrir
tæpum þremur árum áttu þau
kærleiksríkt samband.
Hann sagði mér skömmu áð-
ur en hann veiktist fyrr í haust
að hann væri fullur tilhlökkunar
að hitta hana á ný.
Erlingur Loftsson er einn af
þeim persónum sem hafa sett
sitt mark á okkar samfélag hér
í Skeiða- og Gnúpverjahreppi,
sannkallaður þungavigtarmað-
ur.
Það er mér ljúft að þakka
honum fyrir samfylgdina. Ég á
eftir að sakna hans og ég veit
að það munu fjöldamargir deila
þeim söknuði með mér.
Við Sigrún vottum börnum
Erlings og fjölskyldum þeirra
okkar innilegustu samúð.
Kristófer Tómasson.
MINNINGAR 35
MORGUNBLAÐIÐ LAUGARDAGUR 9. NÓVEMBER 2019
✝ RagnheiðurJónsdóttir
fæddist í Reykja-
vík 26. apríl 1954.
Hún lést í heima-
húsi, Blikastíg 10,
þann 30. október
2019. Foreldrar
Ragnheiðar eru
Svava Þuríður
Árnadóttir, f. 9.
júní 1927, Hús-
freyja í Bala í
Þykkvabæ og Jón Árnason, f.
12. ágúst 1926, d. 10. apríl
1998, bóndi í Bala í Þykkva-
bæ. Systkini Ragnheiðar eru
Guðrún, f. 1944, d. 1997, Sæ-
mundur, f. 1948, Árni, f.
1950, d. 2019, Margrét, f.
1952, Elín, f. 1956, Andri, f.
1957 og Pálmi, f. 1958.
Ragnheiður giftist Einari
Jóhanni Herbertssyni, f. 7.
apríl 1954, árið 1980. Börn
Ragnheiðar og Einars eru:
1) Málfríður Rannveig Ok-
tavía Einarsdóttir, f. 10. des-
ember 1972, maki hennar er
Rúnar Finnsson, f. 29. apríl
1964, börn þeirra eru: a) Sara
Katrín Rúnarsdóttir, f. 7.
febrúar 1995, b) Sunna Kar-
ítas Rúnarsdóttir, f. 7. mars
1999.
2) Rakel Svava Ein-
arsdóttir, f. 21. mars 1975,
5) María Sigurrós Inga-
dóttir, f. 5. desember 1987,
sambýlismaður hennar Hall-
grímur Hreiðarsson, f. 9.
desember 1969. Barn hennar
er Tinna Sigurrós Zarioh, f.
8. maí 2014.
Ragnheiður ólst upp í
Þykkvabæ þar sem foreldrar
hennar stunduðu búskap.
Hún fluttist til Tálkna-
fjarðar árið 1970 og vann
þar í fiskvinnslu. Þar kynnt-
ist hún fyrri eiginmanni sín-
um Einari og fluttu þau á
Hvolsvöll árið 1971 þar sem
þau byggðu sér hús. Ragn-
heiður vann þar í Björkinni
við þjónustustörf. Árið 1977
flytjast þau aftur til Tálkna-
fjarðar.
Árið 1982 fer Ragnheiður
til Bolungarvíkur ásamt
þremur börnum sínum til að
hefja nýtt líf. Þar starfaði
hún sem verkakona í frysti-
húsi og hóf seinna rekstur á
fyrirtæki ásamt frænku
sinni. Ragnheiður kynnist
seinni eiginmanni sínum
Inga og þau byggðu sér hús
í Bolungarvík. Ragnheiður
flutti til Hafnarfjarðar árið
1999, hún starfaði sem ræst-
ingastjóri á Hótel Sögu allt
þar til hún veikist árið 2018.
Ragnheiður byggði sum-
arhús í Þykkvabæ. Þar átti
hún sínar bestu stundir um-
kringd sínum nánustu.
Útför Ragnheiðar fer
fram frá Hábæjarkirkju í
dag, 9. nóvember 2019, og
hefst athöfnin kl. 14.
sambýlismaður
hennar Hjörtur
Einarsson, f. 20.
september 1965.
Börn hennar eru:
a) Olivia Ragn-
heiður Zieba, f.
23. apríl 1998, b)
Arna Þóra Ott-
ósdóttir, f. 7.
mars 2004, c)
Einar Ágúst
Sveinsson, f. 26.
desember 2008.
3) Jón Þór Einarsson, f. 13.
september 1979, maki hans er
Elva Dögg Kristjánsdóttir, f.
29. júlí 1980, börn þeirra eru:
a) Gabríel Ingi Jónsson, f. 20.
október 2005, b) Ragnheiður
María Jónsdóttir, f. 30. des-
ember 2008, c) Rannveig Ása
Jónsdóttir, f. 7. nóvember
2013.
Seinni maður Ragnheiðar
er Ingi Karl Ingvarsson, f.
16. september 1944, þau gift-
ust árið 1985 í Bolungarvík
og eignuðust tvö börn:
4) Ingvar Karl Ingason, f.
22. desember 1986, maki hans
er Heiða Björk Guðjónsdóttir,
f. 2. maí 1986. Börn þeirra
eru: a) Ingi Karl Ingvarsson,
f. 9. júlí 2013, b) Guðjón
Freyr Ingvarsson, f. 16. sept-
ember 2015.
Elsku hjartans mamma okk-
ar, þau verða þung skrefin í
dag þegar þú verður borin til
hinstu hvílu. Síðasta ár er búið
að vera erfitt fyrir þig og okk-
ur því veikindin rændu þig öllu
þreki á stuttum tíma. Ótrúleg
baráttukona sem þú varst í
öllu þessu ferli, alltaf svo stolt
og vildir lítið gera úr þessum
veikindum.
Við vissum þó öll að tíminn
sem okkur var gefinn saman
styttist hratt. Við erum enda-
laust þakklát fyrir að hafa get-
að hugsað um þig heima í
þessum veikindum, gefið örlít-
ið til baka af öllu því sem þú
hefur gefið okkur. Ofboðslega
sár en falleg minning að fá að
vera hjá þér þegar þú kvaddir
þetta líf. Eftir sitjum við börn-
in þín með sorg í hjarta en
jafnframt ótal margar fallegar
og góðar minningar.
Þegar söknuðinn ber að
garði verður gott að hugga sig
við allar góðu stundirnar sem
við áttum saman. Þú varst allt-
af svo lífsglöð, til í að taka
þátt í allskonar uppátækjum
og duglegri konu var erfitt að
finna. Þú lifðir svo sannarlega
fyrir börnin þín og seinna
barnabörnin ellefu, vildir alltaf
allt fyrir alla gera. Þú varst
alltaf hreinskilin og sagðir ná-
kvæmlega það sem þér fannst,
þannig hefur þú gefið okkur
góð ráð í gegnum tíðina og við
eigum eftir að sakna þess mik-
ið. Þú gast líka verið ansi
þrjósk og það hefur líka oft
komið sér vel þegar taka á
réttar ákvarðanir. Öll höfum
við átt gæðastundir með þér
og þú átt allan þátt í að gera
okkur svona samrýnd.
Við gátum oft hlegið tím-
unum saman að vitleysunni
sem valt upp úr okkur þó eng-
inn annar skildi hvað í ósköp-
unum væri svona fyndið. Allar
góðu stundirnar í sumarbú-
staðnum í Þykkvabæ eru
ómetanlegar. Fallegi reiturinn
sem verður nú okkar sælustað-
ur, þar munum við halda góð-
um minningum á lofti. Þér
fannst gaman að spila fé-
lagsvist og það voru ófá kvöld
sem við spiluðum og hlógum
saman, oft með góða kántrí-
tónlist í útvarpinu.
Alltaf var kaffi á könnunni
hjá þér mamma og ósjaldan
var til súkkulaðikaka, að sjálf-
sögðu með miklum rjóma. Við
gátum svo bara setið saman og
spjallað um allt og ekkert.
Þú vildir alltaf gera hlutina
strax þegar búið var að taka
einhverjar ákvarðanir. Það
mátti helst aldrei bíða með
neitt, það sýndi sig vel í sumar
þegar þú stýrðir okkur með
harðri hendi við lagfæringar á
sumarhúsinu. Veðrið lék við
okkur þessa helgi og öll vorum
við mætt til að taka til hend-
inni.
Þú sast í stól og skipaðir
okkur vandlega fyrir verkum
því þú vildir helst af öllu skilja
við þennan stað í góðu standi
fyrir okkur systkinin. Það er-
um við viss um að margar
gæðastundir og góðar minn-
ingar verða rifjaðar upp í
Fjarkastokk.
Elsku besta mamma, það er
ekki til í orðum hversu mikið
við söknum þín. Söknum að
geta ekki hringt í þig, tekið ut-
an um þig, hlegið og fíflast
með þér, drukkið kaffi og
borðað rjómaköku, fengið
mömmumat, tekið upp jólaóró-
ann á jólunum, hlustað á þig
syngja „strákarnir syngja,
stelpurnar syngja, Bibbidi-
babbidi-bú“.
Þú vildir aldrei kveðja, þú
kysstir okkur alltaf á báðar
kinnar og sagðir „sjáumst“.
Elsku mamma, þú ert fyr-
irmynd okkar allra, við elskum
þig, sjáumst síðar.
Fyrir hönd barna, tengda-
barna og barnabarna,
María Sigurrós Ingadóttir.
Ragnheiður
Jónsdóttir
HJARTAVERND
Minningarkort
535 1800
www.hjarta.is
Virðing,
reynsla
& þjónusta
Allan
sólarhringinn
571 8222
Svafar:
82o 3939
Hermann:
82o 3938
Ingibjörg:
82o 3937
www.kvedja.is
svafar & hermann
Flatahraun 5a • www.utfararstofa.is • Símar: 565 5892 & 896 8242
ÚTFARARSTOFA HAFNARFJARÐAR
ÚTFARARSTOFA ÍSLANDS
Auðbrekku 1, Kópavogi síðan 1996
ALÚÐ •VIRÐING • TRAUST • REYNSLA
Símar allan sólarhringinn: 581 3300 & 896 8242 • www.utforin.is
Komum heim til aðstandenda og ræðum skipulag útfarar ef óskað er.
Margrét Ásta GuðjónsdóttirSverrir EinarssonKristín Ingólfsdóttir
Við þökkum öllum þeim sem sýndu okkur
samúð og hlýhug við andlát ástkærrar
móður okkar, tengdamóður, ömmu,
langömmu og langalangömmu,
MATTHILDAR SOFFÍU MARÍASDÓTTUR
frá Hjörsey.
Sérstakar þakkir færum við starfsfólki
Brákarhlíðar í Borgarnesi fyrir góða umönnun og alúð.
Börn, tengdabörn, barnabörn,
langömmu- og langalangömmubörn
Innilegar þakkir til allra þeirra sem sýndu
okkur samúð og hlýhug við andlát og útför
elskulegrar móður okkar, tengdamóður,
ömmu og langömmu,
GUÐRÚNAR LOFTSDÓTTUR,
Vestri-Hellum, Gaulverjabæjarhreppi.
Þakkir til allra þeirra sem önnuðust hana
í veikindum hennar síðustu ár og þá sérstaklega starfsfólks
Ljósheima á Selfossi og Hjallatúns í Vík fyrir góða umönnun
og hlýju.
Andrés Pálmarsson
Helga Pálmarsdóttir
Eyjólfur Pálmarsson Svanhildur Karlsdóttir
barnabörn og barnabarnabörn
Innilegar þakkir til allra þeirra sem vottuðu
okkur fjölskyldunni samúð við andlát og
útför eiginmanns míns, föður okkar,
tengdaföður, afa og langafa,
HARALDS SVEINSSONAR,
Efstaleiti 12, Reykjavík.
Sérstakar þakkir til starfsfólks hjúkrunar-
og dvalarheimilisins Brákarhlíðar.
Agnes Jóhannsdóttir
Soffía Haraldsdóttir
Ásdís Haraldsdóttir
Jóhann Haraldsson Gréta Pape
Sveinn Haraldsson
Haraldur Agnes Civelek Edda Civelek
Marta Eiríksdóttir Benoit Branger
Agnes Jónasdóttir
Daníel Jóhannsson Amber Allen
Alexander Jóhannsson
og barnabarnabörn
Þökkum hlýhug og samúð vegna andláts
og útfarar ástkærrar móður, tengdamóður,
ömmu og langömmu,
HULDU KRISTJÁNSDÓTTUR,
Hrafnistu Hafnarfirði,
áður til heimilis að Arnarhrauni 23,
Hafnarfirði.
Sérstakar þakkir færum við starfsfólki Ölduhrauns á Hrafnistu
í Hafnarfirði fyrir hlýtt viðmót og einstaka umönnun.
Guðrún Jóna Knútsdóttir Rúnar Sigursteinsson
Ágúst Knútsson
Kristján Knútsson Gréta Benediktsdóttir
Sigrún Edda Knútsdóttir Janus Friðrik Guðlaugsson
barnabörn og barnabarnabörn
Hjartans þakkir fyrir samúð og hlýju vegna
andláts og útfarar móður okkar, dóttur,
systur, tengdamóður og ömmu,
ÞORBJARGAR KRISTJÁNSDÓTTUR,
Bobbu,
Hamravík 32.
Sérstakar þakkir fær Hera og starfsfólk
11 E Landspítala fyrir einstaka umönnun. Einnig þökkum við
fyrir ómetanlega hjálp við útför móður okkar.
Erla Sigurðardóttir
Elínborg Sigurðardóttir Geir B. Geirsson
Erla Wigelund
Sigrún J. Kristjánsdóttir Jóhann Ásmundsson