Morgunblaðið - 15.11.2019, Blaðsíða 14

14 FRÉTTIRErlent
MORGUNBLAÐIÐ FÖSTUDAGUR 15. NÓVEMBER 2019
Lopapeysa
í sveitina
Verið velkomin í nýja og glæsilega
verslun okkar okkar á Laugavegi 4-6
Álafossvegi 23, Laugavegi 4-6, alafoss.is
Þessi eina sanna sem verður bara betri
eftir því sem þú nota hana meira.
Xi Jinping, forseti Kína, sagði í gær
að mótmælin í Hong Kong væru „al-
varleg ógn“ við þá meginreglu að
samband Kína og sjálfstjórnarhér-
aðsins byggðist á því að þar væri
„eitt ríki, tvö kerfi“, eftir að breska
nýlendan fyrrverandi varð hluti af
Kína árið 1997. Í því felst að íbúar
Hong Kong eiga að njóta áfram
þeirra réttinda sem þeir höfðu undir
stjórn Breta, svo sem málfrelsis,
prentfrelsis, frelsis til að mótmæla
og lýðræðisréttinda. Mótmælend-
urnir segja að stjórnvöld í Kína hafi
skert þessi réttindi og krefjast þess
að þau verði virt.
Gömlum og nýjum
vopnum beitt
Xi kvaðst styðja yfirvöld í Hong
Kong og sagði að forgangsverkefni
þeirra væri að „binda enda á ofbeldið
og ringulreiðina“ í sjálfstjórnarhér-
aðinu.
Harka færðist í mótmælin á mánu-
dag þegar lögreglumaður skaut á
ungan mann, sem tók þátt í mótmæl-
unum, og mótmælendur kveiktu í
manni sem lét í ljós stuðning við
stjórnvöld í Kína. Mótmælendur
reistu götuvígi í borginni í gær,
fjórða daginn í röð, og nær 70 manns
voru flutt á sjúkrahúss vegna
meiðsla, þ. á m. sjötugur maður sem
lést af höfuðsárum sem hann fékk
þegar hann varð fyrir múrsteini sem
kastað var í átökum milli stuðnings-
manna og andstæðinga stjórnvalda í
Hong Kong. Nokkrar af helstu um-
ferðargötum borgarinnar lokuðust
vegna mótmælanna, mörgum lesta-
ferðum var aflýst og ákveðið var loka
skólum fram yfir næstu helgi.
Mótmælendurnir hafa m.a. beitt
valslöngvum til að varpa bensín-
sprengjum, bogum og logandi örvum
í átökum við lögregluna sem hefur
beitt nútímalegri vopnum.
Teygjubyssa
MÓTMÆLENDUR
Vopn sem hafa sést í átökummótmælenda og lögreglu síðustu daga
LÖGREGLAN
Bogi og
ör
Logandi
ör
Bambusstafir
(til að reisa
götuvígi)
Valslöngva
Bensín-
sprengjur
Regnhlífar
Múrsteinar
Vatnsþrýstibyssa
Gúmmí-
kúlur
Táragas
Táragas
Piparbyssa
Skamm-
byssa
Vopn í Hong Kong
Ljósmyndir: AFP
Segir að binda verði enda á ofbeldið
 Xi segir mótmælin í Hong Kong ógn við meginregluna um „eitt ríki, tvö kerfi“
Helstu ferðamannastöðum og nátt-
úruperlum Færeyja verður lokað
helgina 16.-17. apríl á næsta ári
vegna viðhalds. Hundrað sjálf-
boðaliðum frá 25 löndum verður
boðið að taka þátt í viðhaldsvinnunni
á fjórtán stöðum. Svipað fyrir-
komulag var haft á eyjunum í vor og
gafst vel.
Greint er frá þessu á vefsíðu fær-
eyskra ferðamálayfirvalda: Visit
Faroe Islands. Opnað var fyrir um-
sóknir á vefsíðunni í fyrradag og
umsóknarfresturinn rann út í gær.
100 manns verða valdir úr hópi
þeirra sem sóttu um. Sjálfboðalið-
arnir greiða sjálfir fyrir flugfarið til
Færeyja, en þeim verður séð fyrir
fæði og gistingu þessa daga.
Um 3.500 umsóknir
Í vor voru sjálfboðaliðarnir líka
100, þeir komu frá 25 löndum og
unnu við hlið heimamanna að því að
gera vinsæla ferðamannastaði reiðu-
búna fyrir sumarið. Um 3.500 um-
sóknir bárust.
Stjórnir viðkomandi sveitarfélaga,
ferðamannayfirvöld og íbúar á svæð-
inu meta hvað þarf að gera á hverj-
um stað. Meðal verkefna sem liggja
fyrir er að leggja göngustíga, útbúa
útsýnisstaði, endurhlaða fallnar
vörður og setja upp upplýsingaskilti.
Um 110.000 ferðamenn
Á vefsíðu Visit Faroe Islands seg-
ir að þótt ferðamennirnir séu ekki
orðnir of margir á Færeyjum hafi
aukinn straumur þeirra þangað haft
áhrif á náttúru eyjanna. Þeim hafi
fjölgað um 10% á ári undanfarin ár
og nú komi þangað um 110.000
ferðamenn á ári. Árið 2013 komu um
68.000 ferðamenn til eyjanna.
Íbúar Færeyja eru um 51.000 og á
vefsíðunni kemur fram að þar séu
einnig um 80.000 fjár. Fjölgun ferða-
manna var á meðal helstu málanna
sem brunnu á frambjóðendum í
kosningunum til færeyska lands-
þingsins í ágúst.
„Við bjóðum alla ferðamenn vel-
komna á hverju ári en við höfum líka
skyldur gagnvart samfélagi okkar
og fallegu náttúrunni okkar. Mark-
mið okkar er að verja og vernda eyj-
arnar og tryggja sjálfbæran og
ábyrgan vöxt í ferðaþjónustunni,“
sagði Guðrið Højgaard, fram-
kvæmdastjóri Visit Faroe Islands, í
viðtali við CNN-sjónvarpið nýlega.
Perlunum lokað
vegna viðhalds
 Sjálfboðaliðum boðið til Færeyja
Ríkisstjórn Ítalíu
lýsti í gær yfir
neyðarástandi í
Feneyjum eftir
mestu sjávarflóð
í borginni í 50 ár.
Giuseppe Conte,
forsætisráðherra
Ítalíu, sagði að
ríkisstjórnin
hefði einnig sam-
þykkt að setja
þegar í stað 20 milljónir evra, jafn-
virði 2,7 milljarða króna, í sér-
stakan sjóð sem á að nota í brýn-
ustu aðgerðir vegna flóðanna.
Íbúar húsa sem skemmdust fá þeg-
ar í stað allt að 5.000 evrur, sem
svarar 690.000 krónum, og eig-
endur veitingahúsa og verslana
geta fengið allt að 20.000 evrur, 2,8
milljónir króna, og sótt um meiri
aðstoð síðar.
Luigi Brugnaro, borgarstjóri
Feneyja, hefur sagt að talið sé að
tjónið af flóðunum nemi hundr-
uðum milljóna evra.
Nokkur söfn voru enn lokuð í
gær vegna flóðanna. Árlega koma
um 36 milljónir ferðamanna til
borgarinnar.
FENEYJAR
Lýst yfir neyðar-
ástandi eftir flóðin
Kona veður sjó á
Markúsartorginu.
Greiðslur til
áhrifavalda fyrir
auglýsingar á
samfélags-
miðlum hafa
stóraukist á síð-
ustu árum, sam-
kvæmt nýrri
skýrslu markaðs-
fyrirtækisins
Izea. Rannsókn
þess leiddi m.a. í
ljós að meðalverðið sem fyrirtæki
greiða fyrir mynd áhrifavalds á In-
stagram hækkaði úr 134 banda-
ríkjadölum árið 2014 í 1.642 dali í
ár. Það er nú 44% hærra en fyrir
ári. Meðalverðið fyrir blogg hækk-
aði úr 7,39 dölum árið 2006 í 1.442
dali í ár. Meðalverðið fyrir mynd-
skeið á YouTube fór úr 420 dölum
árið 2014 í 6.700 dali í ár.
SAMFÉLAGSMIÐLAR
Greiðslur til áhrifa-
valda stórjukust
Áhrifavaldurinn
Rita Ora.