Morgunblaðið - 15.11.2019, Blaðsíða 27

MORGUNBLAÐIÐ FÖSTUDAGUR 15. NÓVEMBER 2019
undrun hennar og ekki skaplaus.
Hún var trúuð, en boðaði
hvorki trú né kirkjurækni, en tók
mikinn þátt í kirkjustarfi og bað
fyrir mönnum. Hún vildi að börn
hennar tileinkuðu sér það, sem
komst vel til skila og glöggt má
sjá enn.
Nú hafa orðið kaflaskil. Ég
sakna hennar og alls þess góða
fólks sem tengdist henni. En síst
af öllu mun hún sakna sjálfrar sín
þegar hún gengur inn í guðsríki
þar sem vel verður tekið á móti
henni.
Ólafur Thóroddsen.
Þá er elsku Ella okkar horfin
frá okkur. Aldurinn var orðinn
hár, en vitanlega eru engin tíma-
mörk á því hvenær á að hætta að
syrgja sitt besta fólk, hvort sem
það kveður seint eða snemma.
Okkur mæðginum er þó efst í
huga þakklæti fyrir kærleikann
og bjarta ljósið, sem alltaf stöf-
uðu af þessari yndislegu konu.
Veit að hennar góða fólk er sátt
við að við mæðgin tölum um hana
sem okkar, því okkur fannst við
eiga svo mikið í henni – og hún í
okkur.
Elín Bjarnadóttir var einstök
manneskja, góð og greind, með
svo stórt hjarta að þar virtist
vera ótakmarkað rými.
Við erum ríkari af því að hafa
átt Elínu að frá fyrstu ferð, enda
var hún æskuvinkona móður
minnar og ömmu Óðins Páls,
Ólafar Pálsdóttur. Þó að leiðir
þeirra og æviferli yrðu um margt
ólík hélst vináttan óskert fram á
hinsta dag. Held að þær hafi tal-
að saman í síma daglega þangað
til mamma lést í fyrra.
Það var alltaf nóg að ræða hjá
þeim vinkonum, pólitík, dægur-
mál, eða bara nýjasta þáttinn af
Leiðarljósinu. En um það sögðu
þær báðar að það „væri nú best
að fara að hætta að horfa á þessa
bévítans vitleysu“. Þær horfðu
nú samt, enda kærkomið tæki-
færi fyrir þessar vinnusömu kon-
ur að leggja sig aðeins á eftirmið-
dögunum og slaka á yfir
„vitleysunni“.
Það hefur verið sagt að það
þurfi þorp til að ala upp barn.
Ella og Eyjólfur, hennar góði
eiginmaður, voru ómetanlegur
hluti þess litla þorps sem sinnti
mér og bróður mínum þegar við
vorum að alast upp sem börn og
unglingar á Íslandi, oftast sitt á
hvorum staðnum, misgóðum,
meðan foreldrar okkar sinntu
skyldustörfum erlendis.
Aldrei var þar um neina óþarfa
afskiptasemi að ræða, bara
elskulegheit og umhyggju. Alltaf
var hægt að leita til þeirra góðu
hjóna. Þau buðu líka stundum í
mat þar sem þau bjuggu á Sel-
tjarnarnesinu og það var ekki
amalegt fyrir tvo svolítið um-
komulausa krakka að fá góðan
heimilismat og hlýju í faðmi glað-
lyndrar stórfjölskyldu. Áratug-
um saman kom svo alltaf „Ellu-
kaka“, eins og við mæðgin
kölluðum bestu marengstertu í
heimi, í hús á afmælisdögum okk-
ar Óðins Páls.
Mér fannst líka alltaf óskap-
lega gaman að koma til Ellu með
mömmu þegar ég var smástelpa.
Þá var Eyjólfur oft á sjó og Ella
ein með barnaskarann.
Strákarnir þeirra þrír áttu
ógrynni af kvikmyndadagskrám,
sem þá var mikill fengur í að fá
að skoða. Einkadóttirin Ólína
safnaði flottustu servíettum sem
ég hafði séð. En Ólína kom sem
sannkallaður bónusvinningur, í
kjölfar þriggja myndarlegra
bræðra, Bjarna, Ólafs og Jó-
hanns.
Öll reyndust þau systkin,
tengdabörn og barnabörn for-
eldrum sínum afar vel, svo hún
Ella okkar var sko ekki ein í
heiminum.
Ella hafði óbilandi og sterka
guðstrú, sem hún flíkaði aldrei,
en ég trúi að hafi hjálpað mörg-
um á erfiðum stundum.
Eitt sterkasta dæmið um óbil-
andi trú Elínar held ég að hafi
verið æðruleysið sem hún sýndi
þegar Eyjólfur hennar lést
nokkrum árum á undan henni.
Það var eins og hún væri þess
fullviss að þau hjónin myndu hitt-
ast aftur á ennþá betri stað. Því
væri óþarfi að æðrast.
Þegar Óðinn Páll fæddist var
Ella aldrei langt undan, með sína
reynslu, jákvæðni og hvatningu.
Ómetanlegt fyrir nýorðna móð-
ur.
Þegar sá litli var að taka
fyrstu skrefin niður stóru tröpp-
urnar í holinu í fjölskylduhúsinu
á Útsölum við Nesveg stóðum við
þrjár, mamman, amman og Ell-
an, niðri á gólfi og hvöttum okkar
mann til dáða.
Svona stundir er gott að muna.
Veri þessi yndislega kona
kært kvödd.
Meira: mbl.is/andlat
Hildur Helga Sigurðardóttir
og Óðinn Páll Ríkharðsson.
Heiðurskonan Elín Svafa
Bjarnadóttir hefur kvatt þennan
heim í hárri elli. Minningarnar
hrannast upp á svona stund og
það er eiginlega sama hvar mað-
ur staldrar við, alltaf finnur mað-
ur fyrir vellíðan, góðmennsku og
öryggi þegar hugsað er til þess-
arar góðu konu. Hún var vissu-
lega mikill höfðingi og ákaflega
hjálpsöm ef leitað var til hennar
með hin ýmsu vandamál.
Elín var mjög trúuð kona og
ræktaði trú sína af kostgæfni. Ef
einhverjum leið illa var Elín allt-
af boðin og búin til að hafa við-
komandi með í bænahringnum
sínum.
Þau hjónin Elín og Eyjólfur
voru mjög samrýmd hjón og allt-
af stóð heimili þeirra öllum opið
sem nýtt var af okkur öllum í rík-
um mæli. Ég er viss um að flest
okkar muna eftir því þegar Elín
tók á móti okkur með heitu
brauði og bræddum, vel krydd-
uðum osti ofan á. Veisluboð um
jól og áramót voru engu lík og oft
komust færri að en vildu. Ekki
má gleyma öllum ferðalögunum
sem við fórum saman með þeim
hjónum í sumarhúsin innan sem
utanlands. Síðasta ferð okkar
systkina og maka með Elínu til
Portúgal verður lengi í minnum
höfð og er iðulega vitnað í bráð-
skemmtilegar uppákomur frá
þeirri ferð.
Ómetanlegur er einnig sá
mikli stuðningur og ást sem Elín
veitti börnum okkar alla tíð enda
var hún dáð og elskuð af þeim öll-
um.
Að lokum viljum við hjónin
þakka Elínu fyrir allan þann
stuðning sem hún hefur veitt
okkur og fjölskyldu okkar gegn-
um tíðina. Hún hefur tekið þátt í
hinu hversdagslega lífi okkar og
verið stoð og stytta þegar áföll
hafa steðjað að. Sem amma
barna okkar og barnabarna hef-
ur hún verið ómetanleg.
Guð blessi fallega minningu
hennar og styrki okkur öll á þess-
um erfiða tíma.
Nú er lífsins leiðir skilja,
lokið þinni göngu á jörð.
Flyt ég þér af hljóðu hjarta,
hinstu kveðju og þakkargjörð.
Gegnum árin okkar björtu,
átti ég þig í gleði og þraut.
Umhyggju sem aldrei gleymist,
ávallt lést mér falla í skaut.
(Höf. ók.)
Ásta og Bjarni Thoroddsen.
Glaðlegt viðmót, vinsemd,
samhent fjölskylda og ættrækni,
falleg kona. Þessi orð koma upp í
huga mér nú þegar Elín Svava
Bjarnadóttir er kvödd.
Aðeins fáir dagar eru síðan við
Elín ræddum saman í síma um
gamla daga og fólkið okkar, lík-
lega þó mest um það, hvað oft var
gaman forðum daga á Reynimel
28 í Reykjavík. Þar áttum við El-
ín samleið fyrir fjölmörgum ár-
um, þar sem ég bjó ásamt for-
eldrum mínum og systur frá
árinu 1946. Húsið var þá ný-
byggt. Elín bjó þar í mörg ár með
manni sínum, Eyjólfi Thorodd-
sen, börnum þeirra, móður sinni
Jóhönnu Hróbjartsdóttur og
systkinum sínum, Sigríði, Har-
aldi og Grími. Ég var barn að
aldri árin sem Elín bjó í húsinu,
en langt er síðan hún flutti þaðan.
Þar bý ég enn. Það er því líklega
húsið og minningarnar þaðan
sem tengt hafa okkur Elínu sam-
an í áratugi á margvíslegan hátt.
Bræður hennar Haraldur
Bjarnason byggingameistari og
Grímur Bjarnason múrarameist-
ari byggðu húsið fyrir fjölskyld-
una. Haraldur var mikilvirkur í
byggingaframkvæmdum á sínum
tíma og stóð m.a. að byggingu
margra húsa á Melunum. Elín og
Eyjólfur eignuðust fjögur börn
meðan þau bjuggu á Reynimeln-
um og minnir mig að þrjú þau
elstu séu fædd í húsinu. Jóhanna
móðir Elínar bjó lengi í húsinu
eftir að Elín flutti þaðan. Stór-
fjölskyldan var því áfram í góð-
um tengslum við Reynimel 28.
Minningarnar um Elínu og
fjölskyldu hennar eru mér kær-
ar, þótt langt sé um liðið. Bjarni,
elsta barn Elínar og Eyjólfs, var
æskuvinur minn og leikfélagi, ári
yngri en ég. Margar ljósmyndir á
ég, sem sýna okkur Bjarna í leik
úti á plani á Reynimel eða í sum-
arbústað fjölskyldu Elínar aust-
ur á Flúðum, þaðan sem frú Jó-
hanna, eins og hún var ávallt
kölluð af foreldrum mínum, var
ættuð. Eyjólfur er mér einnig
minnisstæður. Hann var mynd-
arlegur maður, ljúfur og glað-
lyndur eins og þessi fjölskylda
reyndar öll. Systkinahópur Eyj-
ólfs, Thoroddsenarnir, setti svip
sinn á Reynimelinn, þegar fjöl-
skyldan efndi til samkvæma.
Eyjólfur var góður söngmaður
og ættfólkið hans bæði glæsilegt
og söngelskt. Söngur ómaði oft
eftirminnilega um allt húsið.
Með þakklæti hugsa ég til El-
ínar og fjölskyldu hennar og
sendi börnum hennar innilegar
samúðarkveðjur. Eftir standa
góðar minningar.
Guðný Jónasdóttir.
Á köldum vetrarmorgni á leið
með dætur mínar í leikskólann
birtist okkur bjartur bleikur him-
inn eins og falleg kveðja að ofan
og í sömu andrá hringdi síminn
og ég vissi þá að nafna mín væri
komin í sumarlandið fagra og var
að láta okkur vita að hún væri
þegar farin að gæta okkar af
himnum. Því þannig var amma,
alltaf að gæta okkar því hún var
svo hlý og umhyggjusöm.
Ég hef ætíð borið nafn hennar
með miklu stolti því betri fyrir-
mynd gæti ég ekki átt. Hið stóra
ljós í samheldnu fjölskyldunni
okkar, ætíð eins og stór faðmur
utan um alla.
Mikið þykir mér yndislegt að
ég náði að gefa ömmu aðra nöfnu
sem er auk þess einnig örvhent.
Þegar ég gekk í gegnum mína
dimmustu tíma bað amma fyrir
okkur það sterkt að þegar prest-
urinn kom á vökudeild Barna-
spítalans varð honum á orði að
það hlyti að vera mikið beðið fyr-
ir þessu barni því hún var umvaf-
in englum.
Heimili ömmu og afa á Látra-
strönd fannst mér það fallegasta
sem ég hafði séð og dásamlegt
var að leika þar sem barn. Ég
man ennþá daginn sem þau seldu
húsið og fólkið sem keypti ætlaði
að rífa allt út úr því. Ég grét allan
daginn enda vanaföst með ein-
dæmum en það var nærvera
þeirra ömmu og afa sem gerði
húsið að paradís fyrir börnin.
Amma hafði bjargfasta trú og
það eina sem hún bað mig um var
að biðja með dætrum mínum og
við það hef ég staðið. Við eigum
nokkrar bænabækur sem amma
gaf dætrum mínum og við lesum
þær reglulega sem og að biðja
fyrir henni og öðrum. Einnig
ræddi amma við mig um mikil-
vægi fjölskyldunnar, að keyra sig
ekki um of í vinnu og sinna því
sem mikilvægast er, sem eru
börnin. Hlýleg orð ömmu um
mikilvægi barnanna rötuðu beint
í hjartastað. Ég er svo þakklát
fyrir að hafa verið laumufarþegi,
Ella spæjó, í síðustu utanlands-
ferð ömmu Ellu. Ég hugsa enn í
dag til þessarar ferðar og til
þessa frábæra tíma sem við
könnuðum Portúgal saman.
Amma hafði sterk gildi og fal-
legt hjarta. Amma var ætíð já-
kvæð og ef ég stend frammi fyrir
erfiðum ákvörðunum hugsa ég
hvað myndi amma gera í mínum
sporum og svarið kemur þá til
mín.
Ég valdi mér sömu ferming-
arheit og amma Elín. „Varðveit
hjarta þitt framar öllu öðru því
að þar eru uppsprettur lífsins.“
Eftir þeim gildum lifði amma svo
sannarlega.
Það er sárt að hugsa til þess að
fram undan eru fyrstu jólin án
ömmu, við áttum það sameigin-
legt að vera jólabörn en ég mun
reyna að halda í þær hefðir sem
ég lærði hjá henni. Besta jóla-
minning mín er að syngja jóla-
söngva með ömmu og fjölskyld-
unni, þá fyrst komu jólin, en
hljóðnað hefur söngur í ranni að
sinni.
Í síðustu heimsókn minni til
ömmu með dætrum mínum sagði
amma mér að hún væri orðin
sátt, sátt við að kveðja þennan
heim. Það gerir kveðjustundina
hins vegar ekki auðveldari.
Orð mín munu aldrei vera
nægilega sterk til að lýsa elsku
ömmu minni og því kveð ég hana
með þessum fátæklegu orðum.
Það yljar á sorgartímum að
hugsa til hennar og allra minn-
inganna.
Söknuðurinn er mikill, en
þakklætið er enn meira.
„Hafðu þökk fyrir allt og allt.“
Elín Svafa Bjarnadóttir
Thoroddsen.
Smáauglýsingar
Sumarhús
Sumarhús – Gestahús –
Breytingar
 Framleiðum stórglæsileg sumarhús
í ýmsum stærðum.
 Tökum að okkur stækkun og
breytingar á eldri húsum.
 Smíðum gestahús – margar
útfærslur.
 Sjáum um almennt viðhald á
sumarhúsum og sólpöllum.
 Setjum niður heita potta og
smíðum palla og skjólveggi.
Áratugareynsla –
endilega kynnið ykkur málið.
Trésmiðja Heimis, Þorlákshöfn,
sími 892-3742 og 483-3693,
www.tresmidjan.is
Ýmislegt
NÁTT- OG
HEIMAFÖT
18.900.-
29.900.-
19.900.-
15.900.-
www.frusigurlaug.is
Glæsileg vefverslun
- Frí póstsending -
Opið á laugardögum
11 - 16
MJÓDD | S. 774-7377
Í MIKLU ÚRVALI
Laugavegi 178, 105 Reykjavík
sími 551 3366. Opið virka daga
kl. 10-18, laugardaga kl. 10-14
Misty
Sabrina kjóll
St: S-XXL 6.990,-
Bona kjóll
St: S-XXL 6.990,-
Bona kjóll
St: S-XXL 7.550,-
Húsviðhald
Hreinsa
þakrennur
fyrir veturinn og
tek að mér ýmis
smærri verkefni.
Uppl. í síma 847 8704
manninn@hotmail.com
mbl.is
alltaf - allstaðar
Minningarvefur á mbl.is
Vefur þar sem er sameinað efni sem snýr að
andlátum og útförum. Þar eru birtar andláts-,
útfarar- og þakkartilkynningar sem eru að-
gengilegar öllum en auk þess geta áskrifendur
lesið minningargreinar á vefnum.
  
 


 
 þjónustuaðila sem aðstoða þegar andlát ber

  




 
ætlaðar aðstandendum við fráfall ástvina.
www.mbl.is/andlát
Minningar
og andlát