Morgunblaðið - 02.12.2019, Síða 4

4 FRÉTTIRInnlent
MORGUNBLAÐIÐ MÁNUDAGUR 2. DESEMBER 2019
595 1000
Gefðu góðar minningar
Jólagjafabréfin komin í sölu!
10.000 = 15.000 20.000 = 30.000
Hin fjögurra ára gamla Halla Bríet Ingvars-
dóttir gerði sér ferð frá Akureyri til ömmu sinn-
ar, Höllu Hallgrímsdóttur, á Húsavík til að skera
út laufabrauð með fjölskyldunni. Hér má sjá
Höllu Bríeti einbeita sér við útskurðinn ásamt
föður sínum, Ingvari Birni Guðlaugssyni. Það er
rík hefð á Norðurlandi sem og annars staðar á
landinu að fjölskyldur komi saman í upphafi að-
ventunnar og skeri út í laufabrauð og steiki.
Jólaundirbúningurinn er hafinn hjá fólki og fjölskyldum víða um landið
Morgunblaðið/Hafþór Hreiðarsson
Útskurður á laufabrauðinu krefst mikillar einbeitni
Sigurður Bogi Sævarsson
sbs@mbl.is
Ávinningur af gerð nýs flugvallar í
Hvassahrauni verður lítill sem eng-
inn. Eigi slíkur völlur fyrst og síðast
að þjóna innanlandsflugi stendur
fjárfestingin aldr-
ei undir sér. „Yf-
irgnæfandi meiri-
hluti landsmanna
er á móti tilflutn-
ingnum og ef til
þess kæmi að
fjármagna hann
myndi líklega
enginn vilja
greiða. Tillagan
er tilraun borgar-
innar til að losna
við flugvöllinn,“ segir Matthías Svein-
björnsson, forseti Flugmálafélags Ís-
lands. Félagið er regnhlífarsamtök
félaga og klúbba í flugi á Íslandi.
Matthías er jafnframt flugmaður hjá
Icelandair.
Samgönguráðherra og borgar-
stjóri kynntu fyrir helgina og und-
irrituðu samkomulag um að halda
áfram könnun á möguleikum þess að
útbúa flugvöll í Hvassahrauni sunnan
við Hafnarfjörð. Þar verður meðal
annars horft til samgangna, vatns-
verndar og veðurs.
Rannsóknir breyta litlu
„Fyrirhugaðar rannsóknir breyta
ekki stóru myndinni, með tilliti til
veðráttu útiloka ég ekki Hvassa-
hraun sem flugvallarsvæði. Málið er
hins vegar flóknara,“ segir Matthías
sem átti sæti í nefnd um flugvallamál
sem Ragna Árnadóttir fór fyrir og
lagði hugmyndir sínar fram sumarið
2015. Niðurstaðan þar var sú að
Hvassahraun væri í raun eini stað-
urinn nærri höfuðborgarsvæðinu sem
kæmi til greina sem staður fyrir nýj-
an flugvöll.
Samkvæmt samkomulagi ríkis og
borgar er það vilji borgarinnar að
skoða breytingar á aðalskipulagi uns
nýr flugvöllur er tilbúinn eftir 15-17
ár. „Mér finnst erfitt að sjá hvernig
borgin ætlar að breyta aðalskipulag-
inu miðað við að Reykavíkurflugvöll-
ur verði áfram á sama stað næstu 17
ár eða svo,“ segir Matthías sem telur
fátt handfast í samkomulagi ríkis og
borgar. Þar sé eingöngu lýst vilja en
engar ákvarðanir teknar. Hugur virð-
ist ekki fylgja máli, enda hafi ráðstaf-
anir borgarinnar undanfarin ár alltaf
miðað að því að flugvöllurinn víki.
Matthías telur að flugvallamál eigi
að horfa á í stærra samhengi og til
lengri tíma en nú er gert. Að fara í
stórtæka uppbyggingu á Keflavíkur-
velli, eins og Isavia áformar, og útbúa
nýjan innanlandsflugvöll í Hvassa-
hrauni kosti þegar allt er tekið til
nær 280 milljörðum, sem er nærri
kostnaðinum við uppbyggingu á al-
hliða flugvelli í Hvassahrauni. Þá á
eftir að reikna með ávinninginn af því
að starfrækja allt flug á einum stað
og færa millilandaflugið nær höfuð-
borgarsvæðinu.
Völlurinn verður óstarfhæfur
„Ég hef ekki trú á þeirri lausn að
innanlandsflugið sé gert út frá
Hvassahrauni og millilandaflug frá
Keflavík. Það er óraunhæft að flytja
innanlandsflugið til Keflavíkur og því
standa bara tveir kostir eftir; núver-
andi fyrirkomulag og svo að gerður
verði alhliða flugvöllur í Hvassa-
hrauni. Almennt get ég líka sagt að ef
ekki koma skýrar skuldbindingar
borgarinnar um að halda í Reykjavík-
urflugvöll ríkir óvissuástandið áfram.
Í því samhengi má nefna að sam-
kvæmt gildandi skipulagi á að loka
aðalbraut vallarins sem liggur frá
norðri til suðurs eftir tvö ár, en slíkt
gerir völlinn óstarfhæfan,“ segir
Matthías.
Tilraun til að losna við flugvöllinn
 Hvassahraun er óraunhæfur kostur, að mati forseta Flugmálafélags Íslands  Óvissan heldur áfram
Matthías
Sveinbjörnsson
Morgunblaðið/Sigurður Bogi
Reykjavíkurflugvöllur Aðalbrautin
sem liggur frá norðri til suðurs.
Heildaratvinnutekjur á höfuðborg-
arsvæðinu jukust um 4,7% á milli ár-
anna 2017 og 2018. Hæstu meðal-
atvinnutekjurnar á höfuðborgar-
svæðinu voru í Garðabæ og á
Seltjarnarnesi árið 2018 en lægstar
voru þær í Reykjavík og Hafnarfirði.
Þetta kemur fram í nýútkominni
skýrslu Byggðastofnunar um at-
vinnutekjur á Íslandi.
Athygli vekur að atvinnutekjur
kvenna árið 2018 námu 40% allra
tekna, sem er aukning um þrjú pró-
sentustig frá árinu 2008, þegar hlut-
fallið var 37%.
Stærstu greinar sem mældar voru
í atvinnutekjum árið 2018 voru heil-
brigðis- og félagsþjónusta. Atvinnu-
tekjur af þeim greinum voru tæpir
139 milljarðar, en til viðmiðunar
voru heildaratvinnutekjur á árinu
2018 1.316 milljarðar króna.
Atvinnutekjur af fræðslustarfsemi
voru næstmestar, 124 milljarðar
króna, en á eftir fylgir iðnaður með
120 milljarða króna og því næst
verslun með 118 milljarða.
Samdráttur í fjármála-
og tryggingastarfsemi
Atvinnutekjur jukust um 4,9% á
landsvísu á milli áranna 2017 og
2018, eða um tæplega 64 milljarða
króna. Atvinnutekjur jukust um 24%
frá árinu 2008 en síðan þá og fram til
2018 jukust tekjur mest af atvinnu-
greinum í ferðaþjónustu.
Þá varð samdráttur á fyrrgreindu
tímabili í fjármála- og vátrygginga-
starfsemi, þar sem atvinnutekjur
lækkuðu um 29%, og fiskveiðum, þar
sem samdráttur atvinnutekna nam
13%.
Atvinnutekjur lækkuðu á árunum
2008 til 2012 alls staðar á landinu
nema í Vestmannaeyjum, þar sem
þær jukust um ríflega 12%. Lækk-
unin varð minnst í Grindavík, á Snæ-
fellsnesi og í Skaftafellssýslum, þar
sem atvinnugreinar í sjávarútvegi
eru fyrirferðarmiklar.
Frá 2012 til 2018 hækkuðu hins
vegar heildaratvinnutekjur alls stað-
ar á landinu, minnst hækkuðu þær í
Vestmannaeyjum, eða um 0,5%, en
mest í Reykjanesbæ, þar sem þær
tvöfölduðust. veronika@mbl.is
Atvinnutekjur fara hækkandi
 24% hækkun á 10 árum Lækkuðu þó á milli 2008 og 2012
Morgunblaðið/Eggert
Tekjur Þær mældust lægstar í
Reykjavík og Hafnarfirði árið 2018.
Fjölmiðla-
frumvarpið svo-
nefnda verður
lagt fram með af-
brigðum í vik-
unni fyrir Al-
þingi og er stefnt
að gildistöku
þess um komandi
áramót. Að sögn
Lilju Alfreðs-
dóttur mennta-
málaráðherra er nú verið að fín-
pússa útfærslur í frumvarpinu er
lúta að stuðningi við einkarekna
fjölmiðla. Búið er að tryggja 400
milljónir króna í ríkisfjármála-
áætlun fyrir frumvarpið. „Hug-
myndir voru um að hækka styrkina
enn frekar en um það hefur ekki
náðst sátt,“ segir Lilja.
Fínpússa frumvarp
Lilja
Alfreðsdóttir
Um 20 manns leituðu á bráðadeild
Landspítala í gær eftir að hafa
hrasað í hálku. „Þetta var kúfur
fyrri hluta dags sem datt niður þeg-
ar hlýnaði og hálkan fór,“ segir Jón
Magnús Kristjánsson yfirlæknir.
Um hundrað manns hafa komið á
deildina frá því fyrir helgi vegna
hálkuslysa; fót- og handleggsbrota
og stundum höfuðmeiðsla. Þá hafa
margir brákast.
Spáð er hlýindum næstu daga og
því ætti vandamálið að vera úr sög-
unni. sbs@mbl.is
Færri á slysadeild
þegar hlýnaði í veðri