Morgunblaðið - 31.12.2019, Side 13

FRÉTTIR 13Erlent
MORGUNBLAÐIÐ ÞRIÐJUDAGUR 31. DESEMBER 2019
Boða hertar árásir í Írak
 Blóði píslarvotta var ekki úthellt til einskis, segir leiðtogi vígasveita Hizbollah
Kristján H. Johannessen
khj@mbl.is
„Blóði píslarvotta var ekki úthellt til einskis og við
munum nú af mikilli hörku beina spjótum okkar að
liði Bandaríkjamanna í Írak,“ hefur fréttaveita
Reuters eftir Jamal Jaafar Ibrahimi, leiðtoga
vígasveitanna Kata’ib Hizbollah í Írak og Sýr-
landi, er hann var spurður út í loftárásir Banda-
ríkjahers síðastliðinn sunnudag á skotmörk tengd
samtökunum. Minnst 25 féllu í loftárásunum og
eru hátt í 60 til viðbótar særðir.
Loftárásir Bandaríkjamanna voru gerðar í kjöl-
far eldflaugaárásar vígamanna á herstöð í Írak. Í
þeirri árás lést bandarískur verktaki og særðust
til viðbótar nokkrir íraskir hermenn. Reuters
greinir frá því að vígasamtökin njóti stuðnings
klerkastjórnarinnar í Íran og hefur hún harðlega
mótmælt árásum Bandaríkjahers. Þannig hefur
utanríkisráðuneyti Írans meðal annars líkt árás-
unum við hryðjuverk.
Með árásum sínum segja Íranir Bandaríkin
styðja við hryðjuverk og vanvirða sjálfstæði og
fullveldi annarra þjóða.
„Þau verða að viðurkenna ábyrgð sína og taka
afleiðingum þessara ólögmætu aðgerða,“ hefur
Reuters eftir talsmanni utanríkisþjónustunnar í
Íran. Undir þetta hafa samtök Hizbollah í Líbanon
tekið, en þau segja árásir Bandaríkjahers svívirði-
legar og beint gegn öryggi, fullveldi og stöðug-
leika Íraks.
Stjórnvöld í Írak höfðu í gær ekki enn tjáð sig
opinberlega um árás Bandaríkjahers á skotmörk
tengd vígasveitum Kata’ib Hizbollah þar í landi.
Á hvað réðust Bandaríkjamenn?
Talsmaður Pentagon, varnarmálaráðuneytis
Bandaríkjanna, segir hersveitir þeirra hafa ráðist
„með nákvæmni“ á þrjár lykilstöðvar samtakanna
í Írak og tvær í Sýrlandi. Tilgangur árásanna var
að skaða getu samtakanna til að herja á sveitir
bandamanna en þær eru staðsettar í Írak vegna
átaka við vígamenn Ríkis íslams.
Meðal þess sem sprengt var upp í loftárásunum
voru vopnageymslur og stjórnstöð vígasamtaka
Kata’ib Hizbollah þaðan sem árásir þeirra voru
skipulagðar og samhæfðar, að sögn talsmanns
varnarmálaráðuneytisins.
Nítján ára bresk kona hefur verið
fundin sek um að hafa logið því til að
henni hafi verið nauðgað af hópi
manna á Kýpur í júlí síðastliðnum.
Dómur yfir konunni verður kveðinn
upp 7. janúar, en hún á yfir höfði sér
allt að árs fangelsi auk fjársektar.
Lögmenn hennar hafa beðið um skil-
orðsbundinn fangelsisdóm.
Konan, sem ekki hefur verið nafn-
greind í erlendum fjölmiðlum, hélt
því fram að 12 ungir ísraelskir karl-
menn, allir á aldrinum 15 til 18 ára,
hefðu nauðgað sér á hótelherbergi á
Ayia Napa, vinsælum ferðamanna-
stað þar í landi, hinn 17. júlí. Í kjöl-
farið hófst umfangsmikil lögreglu-
rannsókn sem leiddi meðal annars til
handtöku mannanna. Þeim var síðar
sleppt.
Frásögn hennar er stefnulaus
Fram kemur á fréttavef Sky News
að dómari segir frásögn konunnar
stefnulausa með öllu og að sekt
hennar hafi verið sönnuð án nokkurs
efa. Saksóknari í málinu segir kon-
una hafa logið til um nauðgun því
hún sé ósátt við að til séu upptökur af
henni stunda kynlíf á hótelherberg-
inu. Mennirnir sem sakaðir voru um
nauðgun hafa haldið fram sakleysi
sínu frá fyrsta degi og var þeim
sleppt úr haldi lögreglu án ákæru.
Saksóknari segir konuna hafa rit-
að undir yfirlýsingu þess efnis að
hún hafi logið til um nauðgun. Ber
hún því við að lögreglan hafi beitt sig
þrýstingi. Dómari segir aftur á móti
að lögreglan hafi sinnt starfi sínu af
fagmennsku og ekki reynt að þrýsta
á konuna um að breyta framburði
sínum varðandi þá atburðarás sem
átti sér stað aðfaranótt 17. júlí.
Þá greinir breska ríkisútvarpið,
BBC, frá því að fjölskylda konunnar
íhugi nú að fara með málið fyrir
Mannréttindadómstól Evrópu.
Dæmd fyrir að
ljúga um nauðgun
 Sagði 12 unga menn hafa brotið á sér
AFP
Sakfelld Unga konan sést hér fela
andlit sitt á leið í dómsal í gær.
Tyrkneska lögreglan hefur nú hand-
tekið minnst 124 einstaklinga sem
grunaðir eru um tengsl við víga-
samtökin Ríki íslams þar í landi. Er
þetta gert af ótta við hugsanlegt
hryðjuverk á mannamótum í
tengslum við komandi áramót.
Aðgerð lögreglunnar hefur staðið
yfir undanfarna daga og fór hún
fram í sex héruðum landsins, að því
er fréttavefur Sky News greinir frá.
Tyrkneska fréttaveitan Anadolu
segir minnst 33 erlenda ríkisborgara
hafa verið handtekna í og við höfuð-
borgina Ankara. Af þeim eru 30
sagðir vera með ríkisfang í Írak. Í
borginni Istanbúl eru 24 grunaðir
vígamenn sagðir hafa verið hand-
teknir, þeirra á meðal eru fjórir með
annað ríkisfang en tyrkneskt.
Í húsleitum lögreglu sem fram-
kvæmdar voru í suðausturhluta
Tyrklands var lagt hald á skotvopn
og skotfæri. Í sömu aðgerð voru 22
handteknir og færðir í varðhald.
Einnig voru framkvæmdar húsleitir
og lögregluaðgerðir í borgunum Ad-
ana, Kayseri, Samsun og Bursa, að
því er Anadolu greinir frá.
Tyrkneska lögreglan hefur staðið
fyrir aðgerðum sem þessum í
desember frá því að vígamenn réð-
ust á hóp fólks á skemmtistað í
Istanbúl á nýársdag árið 2017. Alls
týndu 39 manns lífi í ódæðinu og
fjölmargir særðust til viðbótar.
Rúmlega
100 manns
handteknir
 Árleg aðgerð lög-
reglu í Tyrklandi
AFP
Istanbúl Tyrkneskur lögreglu-
maður sést hér standa vaktina.
Stjórnvöld í Ástralíu flytja nú íbú-
um í austurhluta Viktoríufylkis
skýr skilaboð vegna þeirra miklu
skógar- og kjarrelda sem þar geisa.
„Ef þið hafist enn við í þeim hluta
fylkisins þá er kominn tími til að
fara,“ sagði Andrew Crisp, yfir-
maður almannavarna, á fjölmiðla-
fundi sem haldinn var í gær.
Tugum þúsunda íbúa og ferða-
manna í suðausturhluta Ástralíu
hefur nú verið gert að yfirgefa
svæðið af ótta við að eldurinn breið-
ist enn frekar út. Vitað er um tugi
skógar- og kjarrelda víðsvegar um
Ástralíu um þessar mundir, verst er
ástandið sagt í námunda við borg-
ina Sydney þar sem áformað er að
halda veglega skoteldasýningu um
komandi áramót þvert á óskir og
ráðleggingar slökkviliðsins þar.
Um 250 þúsund manns hafa ritað
nafn sitt á lista þar sem hvatt er til
þess að hætt verði við skotelda-
sýninguna. Þess í stað ætti að
styrkja slökkvistarf í landinu.
Tugir þús-
unda flýja
nú eldana
AFP
Skógar- og kjarreldar loga víða um Ástralíu
Stærðir eru breytilegar og hægt að innrétta að vild. Umhverfið er í miðju fjölbreyttu miðborgarlífinu með mikla nálægð við
ferðamenn. Möguleikarnir eru endalausir en rýmin henta vel ýmiskonar rekstri s.s. gullsmiði, snyrtistofu, hárgreiðslustofu,
kaffihús, heilsubúð, mörkuðum af ýmsu tagi, listamönnum, einnig sem skrifstofur s.s lögfræðistofur, auglýsingastofur og
arkitektar svo fátt eitt sé nefnt. Einnig gefst kostur á að tengja saman rekstur og búsetu í sama húsnæðinu. Brynjureitur
afmarkast af Laugavegi 27 a og b og Hverfisgötu 40-44 og á milli þeirra liggur ný og skemmtileg göngugata sem getur
skapað sér sérstöðu í hringiðu miðbæjarins og hefur fengið nafnið Kasthúsastígur.
Við Laugaveg 27 a og b eru stærði í boði á bilinu 31 m² til 239 m² en við Hverfisgötu frá 60 m² til 255 m².
Nánari upplýsingar veitir Helgi Már Karlsson löggiltur fasteigna-
sali í s. 897 7086 hmk@jofur.is eða Ólafur Jóhannsson löggiltur
fasteignasali í s. 824 6703 olafur@jofur.is.
Nýtt og spennandi verslunar- og
þjónustuhúsnæði á Brynjureit
TIL LEIGU