Morgunblaðið - 05.12.2019, Síða 4

4 MORGUNBLAÐIÐ FIMMTUDAGUR 5. DESEMBER 2019
Jólamatur
Hrefnu
Sætran
Hvað hljómar betur en lakkríshreindýr
og hvítsúkkulaðiostakökubrownietrifli?
Það er hin eina sanna Hrefna Sætran
sem galdrar hér fram heimsklassa
jólamáltíð eins og henni einni er lagið.
Fyrir 4
800 g hreindýrakjöt
8 msk. hrásykur
2 msk. fennelfræ
3 msk. svartur pipar
2 anísstjörnur
4 msk. sjávarsalt
Smjörklípa
2 greinar rósmarín
Merjið fennelfræin, pip-
arinn og anísstjörnurnar í
mortéli eða á þann hátt
sem þið kjósið. Blandið öll-
um kryddunum saman í
skál. Snyrtið kjötið og
skerið það í 4 steikur. Þerr-
ið kjötið og veltið því upp
úr kryddblöndunni. Hitið
pönnu við miðlungshita og
hellið olíu út á. Steikið kjöt-
ið í 2 mínútur á annarri hlið-
inni, snúið því við og steik-
ið áfram í 1 mínútu.
Slökkvið undir pönnunni
og setjið smjörið út á
ásamt rósmaríninu. Setjið
kjötið í eldfast mót og inn í
180°C heitan ofn í 5 mín-
útur. Leyfið kjötinu að
standa vel áður en það er
skorið.
Lakkrís-
kryddað
hreindýr
Peru og bláberja
waldorf-salat
2 perur
200 g bláber
150 g mæjónes
6 msk. flórsykur
100 g þurrkuð kirsuber
100 g heslihnetur, muldar
Smá þeyttur rjómi
Skerið perurnar í litla bita og bláberin i tvennt ef þau eru það stór að
það sé hægt. Blandið mæjónesinu og flórsykrinum saman í skál og
blandið öllu út í nema þeytta rjómanum. Blandið svo þeytta rjómanum
varlega saman við í lokin.
*Það þarf ekki að fylgja þessari uppskrift nákvæmlega – ef það fer
meira eða minna af einhverju eða þið finnið ekki kirsuber heldur bara
þurrkuð trönuber þá er það alveg í lagi og alveg jafn gott.
Einiberjasósa
4 skalottlaukar
2 rif hvítlaukur
8 einiber
2 msk. púðursykur
2 msk. balsamedik
150 ml rauðvín (eða berjasafi)
500 ml nautasoð (500 ml vatn + 2 teningar)
50 g smjör
Skerið laukana gróft og brúnið þá upp úr olíu í potti ásamt einiberjunum.
Bætið púðursykri og balsamikediki út í og karamellið laukinn. Hellið svo
víninu út í og sjóðið aðeins niður. Svo fer soðið út í og sjóðið alveg niður
um helming. Sigtið sósuna og pískið svo smjörið saman við.
* Hægt að bæta rjóma út í ef þið viljið hafa hana rjómalagaða og líka
hægt að bæta smá sultu út í ef þið viljið hafa hana sætari.