Fréttablaðið - 27.11.2002, Side 22

MIÐVIKUDAGUR 27. nóvember 2002 23
Bréf Mariu Callas seld á
uppboði:
Vildi hefna
sín á Onassis
UPPBOÐ Persónuleg bréf sem óperu-
dívan Maria Callas skrifaði um það
leyti sem níu ára ástarsamband
hennar og gríska skipakóngsins
Aristoteles Onassis var í dauða-
teygjunum verða seld á uppboði í
Róm í dag. Í bréfum Callas, sem
hún skrifaði söngkennara sínum
Elvira De Hidalgo seint á sjöunda
áratugnum, kemur fram ósk söng-
konunnar um hefnd á milljóna-
mæringnum og konunni sem hann
var í þann veginn að giftast,
Jacqueline Kennedy. Í bréfunum
kemur einnig fram að þau eigi
bæði skilið að engjast og þjást.
Maria Callas lést í París í sept-
ember árið 1977, 53 ára gömul.
Söngkonan var þunglynd og ein-
mana er hún lést.
Á uppboðinu verða til sölu 11 af
bréfum Callas og ljósmyndir úr
safni söngkonunnar. Safnarar víða
um heim hafa sýnt uppboðinu mik-
inn áhuga og reiknað er með að
bréfin seljist á að minnsta kosti
15.000 dollara. Grískir samlandar
Callas og Onassis vonast til að eiga
hæsta boð í bréfin. ■
TIL STYRKTAR EYÐNISJÚKUM
Rapparinn P. Diddy var einn þeirra sem
komu fram á tónleikum til styrktar HIV-
smituðum í Höfðaborg í Suður-Afríku um
helgina.
Benedikt búálfur:
Álfadrottn-
ing fer í barn-
eignarfrí
LEIKLIST Næstkomandi sunnudag
tekur Valgerður Guðnadóttir við
hlutverki Brynhildar álfadrottn-
ingar af Selmu Björnsdóttur í fjöl-
skyldusöngleiknum um Benedikt
búálf í Loftkastalanum. Selma er
að fara í barneignarfrí og mun Val-
gerður leika Brynhildi fram yfir
áramót. Benedikt var frumsýndur í
október og eru áætlaðar sýningar
fram í miðjan desember og á milli
jóla og nýárs. Aðrir leikarar eru:
Björgvin F. Gíslason, Lára Sveins-
dóttir, Jóhann Sigurðarson, Sveinn
Þ. Geirsson, Tinna Hrafnsdóttir og
Hinrik Ólafsson. Höfundur er Ólaf-
ur Gunnar Guðlaugsson og tónlist-
in er eftir Þorvald Bjarna Þor-
valdsson. Leikstjóri er Gunnar
Gunnsteinsson. ■