Fréttablaðið - 28.12.2002, Blaðsíða 7

7LAUGARDAGUR 28. desember 2002
Veiðar:
Metár hjá
HB
SJÁVARÚTVEGUR Árið sem nú er að
líða er metár hjá Haraldi Böðv-
arssyni hf. á Akranesi. Skipin öfl-
uðu 167 þúsund tonna af sjávar-
fangi og nam verðmæti þess rúm-
um 3,6 milljörðum króna.
Höfrungur III var það skipa út-
gerðarinnar sem aflaði henni
mestra tekna, aflaverðmæti þess
nam 933 milljónum króna. Helga
María skilaði 800 milljónum og
nótaskipið Ingunn 670 milljónum
króna.
Stærstur hluti aflans var loðna,
102.000 tonn, en næst henni kom
kolmunni, af honum veiddust 27
þúsund tonn. ■
Íþróttamaður ársins:
Bræður tilnefndir
ÍÞRÓTTIR Tíu eru tilnefndir í kjöri
um nafnbótina Íþróttamaður ársins
sem Samtök íþróttafréttamanna
veita.
Í ár eru það sex karlar og fjórar
konur sem munu berjast um nafn-
bótina, þar af þrjú úr knattspyrnu-
heiminum. Það eru Ásthildur
Helgadóttir, fyrirliði íslenska lands-
liðsins og leikmaður KR, Eiður
Smári Guðjohnsen, leikmaður Chel-
sea, og Guðni Bergsson, sem hefur
verið fyrirliði Bolton Wanderers.
Jón Arnar Magnússon, tug-
þrautakappi úr Breiðabliki, er eini
frjálsíþróttamaðurinn sem er til-
nefndur.
Bræðurnir Jón Arnór og
Ólafur Stefánssynir eru báðir
tilnefndir í ár. Sá fyrrnefndi
leikur körfuknattleik með þýska
liðinu Trier en sá síðarnefndi
handknattleik með þýska liðinu
Magdeburg.
Kristín Rós Hákonardóttir og
Örn Arnarson eru fulltrúar sund-
fólks í ár en Rúnar Alexandersson
úr Gerplu fulltrúi fimleikafólks.
Ólöf María Jónsdóttir, golfari úr
Keili, er einnig tilnefnd.
Úrslitin sjálf verða kunngjörð
þann 2. janúar á Grand Hótel. Sýnt
verður frá hófinu í beinni útsend-
ingu í Sjónvarpinu og á Stöð 2. ■
Nýjar reglur kalla
á aukið eftirlit
Samkeppnisstofnun hefur gefið út leiðbeinandi reglur um viðskipti
birgja og matvöruverslana. Formaður Neytendasamtakanna fagnar
reglunum en segir þær kalla á aukið eftirlit á matvælamarkaði.
SAMKEPPNI Markaðsráðandi fyrir-
tæki, hvort sem um er að ræða
birgi eða verslun, er óheimilt að
fara fram á eða gera einkakaupa-
samning á tiltekinni vöru eða
vöruflokki. Þetta kemur fram í
nýjum leiðbeinandi reglum Sam-
keppnisstofnunar um viðskipti
birgja og matvöruverslana.
Jóhannes Gunnarsson, formað-
ur Neytendasamtakanna, fagnar
þessum nýju reglum. Hann segir
að vegna aukinnar samþjöppunar
á matvælamarkaði sé þetta eðli-
legt og nauðsynlegt skref. Sam-
þjöppunin hafi á sínum tíma leitt
til verðhækkunar sem Neytenda-
samtökin hafi gert athugasemdir
við. Þessar nýju reglur muni
koma til með að mæða meira á
hinum markaðsráðandi fyrirtækj-
um og kalli á aukið eftirlit á mat-
vælamarkaðnum.
Reglurnar eru settar í fram-
haldi af skýrslu Samkeppnisstofn-
unar um verðlagsþróun í smásölu.
Eftir að skýrslan var kynnt í maí
2001 stóð til að rannsaka einstök
fyrirtæki á matvælamarkaði en
þar sem stofnunin telur að við-
skiptahættir hafi batnað voru
samdar leiðbeinandi reglur sem
eiga að tryggja góða viðskipta-
hætti.
Þó reglurnar séu fyrst og
fremst leiðbeinandi kann það að
vera brot gegn samkeppnislögum
ef fyrirtæki með verulegan mark-
aðsstyrk nýtir þann styrk til að
semja sig frá ákvæðum reglnanna.
Í reglunum kemur fram að
viðskiptasamningar milli birgja
og matvöruverslana eigi að vera
skriflegir. Afsláttarkjör verslana
hjá birgjum skuli endurspegla
umfang þeirra viðskipta sem um
ræðir og skulu kjörin vera gagn-
sæ, hlutlæg og kerfisbundin þan-
nig að afslátturinn tengist með
beinum hætti meintu hagræði af
umfangi viðskiptanna.
Samkvæmt reglunum má
matvöruverslun hvorki með
beinum eða óbeinum hætti
reyna að hafa áhrif á þau við-
skiptakjör sem gilda í viðskipt-
um birgja og annarra verslana.
Þá er matvöruverslun óheimilt
að fara fram á það við birgi að
hann miðli upplýsingum um
verð eða önnur viðskiptakjör
sem aðrar verslanir njóti hjá
honum. Á sama hátt er birgi
óheimilt að fara fram á það við
matvöruverslun að hún miðli
sambærilegum upplýsingum um
viðskipti sín við aðra birgja.
trausti@frettabladid.is
Tvö þúsund tonna byggðakvóti sjávarútvegsráðherra:
Mest til byggða við Húnaflóa
BYGGÐAKVÓTI „Þetta er það sann-
gjarnasta sem ég gat sett stafina
mína á,“ sagði Árni M. Mathiesen
sjávarútvegsráðherra þegar hann
kynnti úthlutun 2.000 tonna
byggðakvóta sem auglýstur var
fyrr í þessum mánuði.
554 umsóknir bárust og stóðu
fleiri en einn aðili að baki þeim í
mörgum tilvikum. 59 umsóknir
voru samþykktar og kom stærsta
úthlutunin í hlut Súgfirðinga. Þeir
fengu 160 tonn, en 13 aðilar stóðu
að umsókninni. Þá fá Sandgerðis-
bær og Hrísey 100 tonn hvort sveit-
arfélag, Húnaþing vestra fær 90
tonn, Patreksfjörður 80 tonn og
Ólafsfjarðarbær 75 tonn.
Af einstökum svæðum fá byggð-
ir við Húnaflóa mest, 330
þorskígildistonn, en 75 tonnum af
þeim kvóta er óráðstafað. Nyrðri
hluti Vestfjarða er skammt undan,
fær 305 tonn.
Umsóknirnar voru flokkaðar
eftir svæðum, farið yfir þær allar
og metnar í samræmi við ákvæði
reglugerðar sem fjallar um
byggðakvóta. Til úthlutunar voru
aflaheimildir í þorski, ýsu, ufsa og
steinbít og var sérstakt punktakerfi
notað til að meta hlut hvers land-
svæðis fyrir sig. Þar var tekið mið
af tekjum, íbúafjölda, fólksfækkun,
breytingum á aflaheimildum, lönd-
uðum afla og afla í vinnslu í ein-
stökum sjávarbyggðum.
Sjávarútvegsráðherra segir að
ekki hafi tekist að úthluta öllum
byggðakvótanum að þessu sinni
vegna þess að umsóknir hafi ekki
þótt nægilega marktækar. Þetta á
við um 75 tonna kvóta til
Húnaflóa, 45 tonn á Norð-Austur-
landi og 50 tonn á Mið-Austur-
landi. ■
KRÓNAN HRESSIST
Íslenska krónan styrktist á árinu eftir
harkalega niðursveiflu árið á undan. Sér-
fræðingar telja erfitt að spá í þróun hennar
á næstunni.
Íslenska krónan á árinu:
Endurheimti
styrk sinn
EFNAHAGSMÁL Krónan stefnir í að
enda árið í sterkri stöðu. Vísitala
krónunnar stóð í um 140 um áramót,
en staða vísitölunnar hefur verið
um 126 að undanförnu. Lægra gildi
vísitölunnar þýðir sterkari króna.
Styrking hennar nemur því um 11%
frá áramótum.
Mest hefur krónan styrkst gagn-
vart dollaranum. Bandaríkjadollar
hefur verið að veikjast gagnvart
öðrum gjaldmiðlum á árinu. Dollar-
inn er nú um 20% ódýrari gagnvart
krónu en hann var í upphafi árs.
Krónan styrktist verulega síðastlið-
ið sumar, en hóf að gefa aftur eftir
með haustinu. Undanfarinn mánuð
hefur hún verið að styrkjast á ný.
Væntanlegar stóriðjufram-
kvæmdir urðu líklegri með hverj-
um deginum síðasta mánuðinn.
Þeim væntingum sér merki í gengi
krónunnar.
Í markaðsyfirliti Búnaðarbank-
ans er vakin athygli á að afnám
þóknunar til viðskiptavaka með
krónuna geti leitt til þess að sveifl-
ur í gengi aukist á ný. Sérfræðingar
bankans telja því erfitt að spá um
þróun gengisins á næstu vikum. ■
Ríkisútvarpið um áramót:
Sendir út á
stuttbylgjum
ÚTVARP Ríkisútvarpið sendir út á
stuttbylgjum um áramót um
Reykjavík-radíó/TFA. Á gamlárs-
dag klukkan 18.00-23.30 verður
guðsþjónusta í Hallgrímskirkju
send út á tíðninni 13865 kHz
óstefnuvirt og ávarp forsætisráð-
herra á tíðninni 12115 kHz á út-
geisluninni Evrópa (L-4).
Á nýársdag milli kl. 11.00 og
13.30 verður guðsþjónustan í
Dómkirkjunni send út óstefnu-
virkt á tíðninni 13865 kHz. Eins
verða hádegisfréttir og ávarp for-
seta Íslands send út á tíðninni
12115 kHz á útgeisluninni Evrópa.
Hefðbundnar fréttaútsending-
ar á stuttbylgjum eru á sömu tím-
um og tíðnum og vant er ef þær
skarast ekki við hátíðardagskrá. ■
ÍKVEIKJA Á SELFOSSI Grunur er
um íkveikju þegar eldur kvikn-
aði í ruslageymslu við Fjöl-
brautaskóla Suðurlands á Sel-
fossi í fyrrakvöld. Litlar
skemmdir urðu og tók slökkvi-
liðið skamma stund að slökkva
eldinn.
HANDTEKINN MEÐ HASS Fimmt-
án ára piltur var handtekinn í
Keflavík í fyrrinótt eftir að eitt
gramm af hassi fannst á honum.
Hann var handtekinn þegar
hann sneri aftur í söluturn þar
sem hann hafði gleymt áhöldum
til fíkniefnaneyslu. Það var
starfsfólk söluturnsins sem lét
lögreglu vita og handtók hún
piltinn skemmt frá. Barnavernd-
aryfirvöld fara nú með málið.
ÞRÍR LAMDIR Í KEFLAVÍK Þrjár
líkamsárásir hafa verið kærðar
til lögreglunnar í Keflavík eftir
að slagsmál brutust út á fimmta
tímanum eftir dansleik í Stapan-
um. Fórnarlömbin voru öll með
áverka í andliti og þurfti að flyt-
ja einn á sjúkrahús til aðhlynn-
ingar. Engin hefur verið hand-
tekinn vegna málsins en grunur
leikur á hverjir voru að verki.
Sjúkra- og iðjuþjálfar:
100.000
meðferðir
LANDSPÍTALINN Sjúkra- og iðjuþjálf-
ar sem starfa á Landspítalanum
hafa veitt yfir 100.000 meðferðir
það sem af er þessu ári.
Iðjuþjálfar spítalans hafa veitt
rúmlega 2.000 sjúklingum með-
ferð það sem af er árinu. Sjúkling-
arnir hafa fengið misjafnlega
margar meðferðir hver og einn en
þær eru samtals 18.000. Þá hafa
sjúkraþjálfar veitt 91.000 með-
ferðir.
Þessu til viðbótar hefur
sjúkrahústengd heimaþjónusta
spítalans farið í 4.400 vitjanir,
næringarráðgjafar hafa veitt
nær 600 viðtöl og prestar og
djáknar spítalans sinnt tæplega
7.000 verkefnum á árinu. ■
Jón Baldvin
eignast föð-
urland
STJÓRNMÁL „Strax og ég frétti af
þessum ummælum Jóns Baldvins í
F r é t t a b l a ð i n u
sendi ég honum
föðurland í póst-
kröfu“ segir
Ámundi Ámunda-
son, kaupmaður í
Hafnarfirði og
einn helsti hvata-
maður þess að
Jón Baldvin
H a n n i b a l s s o n
sendiherra snúi
aftur í stjórnmál-
in. Ámundi lýsti
þeirri skoðun sinni að Jón Baldvin
byggi við slæm örlög að vera sendi-
herra í Helsinki í stað þess að taka
fimmta sætið í suðurkjördæmi
Reykjavíkur. Aðspurður um þetta
atriði sagði sendiherrann að ef
Ámundi vildi sér vel þá mætti hann
gjarnan senda sér föðurland til að
klæða af sér fimbulkuldann í
Helsinki. Ámundi hefur nú brugðið
skjótt við þeirri ósk.
„Hann þarf að greiða 11.900
krónur fyrir flíkina. En aðalatriðið
er að sendiherrann verði ekki kval-
inn af kulda ofan á leiðindin í Finn-
landi,“ segir Ámundi. ■
ÍÞRÓTTAMAÐUR ÁRSINS
Örn Arnarson sundkappi hefur verið kjörinn íþróttamaður ársins síðustu tvö ár. Hann er
einnig tilnefndur í ár.
TILNEFNINGAR
Ásthildur Helgadóttir KR
Eiður Smári Guðjohnsen Chelsea
Guðni Bergsson Bolton
Jón Arnar Magnússon Breiðablik
Jón Arnór Stefánsson Trier
Kristín Rós Hákonardóttir ÍFR
Ólafur Stefánsson Magdeburg
Ólöf María Jónsdóttir Keili
Rúnar Alexandersson Gerplu
Örn Arnarson ÍRB
FR
ÉT
TA
B
LA
Ð
IÐ
/B
IL
LI
LÖGREGLUFRÉTTIR
JÓN BALDVIN
Á von á póstkröfu
frá Íslandi.
LEIÐBEINANDI SAMKEPPNISREGLUR Á MATVÖRUMARKAÐI
Reglurnar eru settar í framhaldi af skýrslu Samkeppnisstofnunar um verðlagsþróun í smá-
sölu. Þó reglurnar séu fyrst og fremst leiðbeinandi kann það að vera brot gegn sam-
keppnislögum ef fyrirtæki með verulegan markaðsstyrk nýtir þann styrk til að semja sig
frá ákvæðum reglnanna.
Suðurland og Suðvesturland 220
Vesturland frá Akranesi 79
til Snæfellsness
Syðri hluti Vestfjarða, 126
Vesturbyggð og Tálknafjörður
Nyrðri hluti Vestfjarða, 305
Ísafjarðarbær, Bolungarvík
og Súðavík
Byggðir við Húnaflóa 330
Byggðir við Skagafjörð 49
og Siglufjörð
Byggðir við Eyjafjörð og Grímsey 203
Byggðir við Skjálfanda 106
og Öxarfjörð
Norðausturland frá 209
Raufarhöfn til Borgarfjarðar
Miðfirðir Austurlands 147
frá Seyðisfirði að Fjarðabyggð
Suðurfirðir Austurlands 183
til Hornarfjarðar
Vestmannaeyjar 41
Samtals 1.998
ÚTHLUTUN BYGGÐAKVÓTA TIL EINSTAKRA LANDSVÆÐA –
ÞORSKÍGILDISTONN
FR
ÉT
TA
B
LA
Ð
IÐ
/R
Ó
B
ER
T