Fréttablaðið - 28.02.2020, Blaðsíða 16

Þættirnir eru byggðir á myndasögu eftir Þóreyju sem kom út árið 2016 og
heitir Ormhildarsaga. „Sagan er
epískt verk sem byggir á heims-
endaframtíð. Jöklar heimsins hafa
bráðnað og undan þeim skríða öll
þjóðsagnakvikindin. Litla Ísland
er klofið í eyjar sem heita Fróneyj-
ar og sagan hefst á Breiðholtseyju.
Þar eru Ormhildur og Albert að
reyna að finna leið til að snúa við
klukkunni og læsa öll þjóðsagnak-
vikindin aftur inni í klakanum. En
það hefur ófyrirséðar afleiðingar,“
segir Þórey.
Vinnan við gerð teiknimynda-
seríunnar er mjög stórt verkefni
að sögn Þóreyjar og núna er verið
að vinna í að fjármagna fyrsta
hlutann. „Við erum búin að skrifa
fyrstu sjö þættina. Þetta er hugsað
sem sjónvarpssería og við erum að
leita að samstarfi við sjónvarps-
stöðvar. Við höfum fengið áhuga
frá erlendum sjónvarpsstöðvum
en ég get því miður ekki sagt nánar
frá því eins og er.“
Þættirnir verða framleiddir
af Compass films í samstarfi við
pólska hreyfimyndafyrirtækið GS
animation og tékknesku stúdíó-
unum Hausboot og Studio PFX. Nú
er allt á fullu við að undirbúa að
sleppa kitlu í loftið sem sýnir brot
úr fyrsta þættinum.
Tröll, skoffín, lyngormar,
seiðkarlar og álfar
Upprunalega hugmyndin að
sögunni kviknaði þegar Þórey var
í ritlistarnámi í Háskóla Íslands.
„Það var árið 2011 eða 2012. Ég
skrifaði smásögu um bókasafns-
nörd sem var að hjóla á Tún-
götunni, ég sá þetta mjög sterkt
fyrir mér, þetta gerist við Kven-
réttindafélagið og það er skoffín
í runnunum. Konan dettur af
hjólinu sínu og þarf að berjast við
skoffínið. Þannig að þetta byrjaði
sem smásaga um nörd gegn skoff-
íni. Ég var nýbúin að eignast barn
á þessum tíma þannig að ég fékk
rosalega löngun í að skrifa sögu
um ótrúlegan „underdog“, eigin-
lega smábarn í hættulegum heimi.
Ormhildur þróaðist þess vegna
yfir í barn í kvenmannslíkama, en
hún hefur breyst aðeins í þátt-
unum til að höfða til markhópsins,
sem eru krakkar á aldrinum 9-13
ára,“ segir Þórey.
„Persónan er orðin yngri og er
sjálf orðin galdravera sem hún var
ekki í upprunalegu myndasög-
unni. Þetta nálgast meira fantasíu.
Mér finnst þættirnir vera blanda
af loftslags skáldskap, þetta fjallar
um hlýnun jarðar og bráðnun
jöklanna, og klassískri norður-
slóðafantasíu með sér íslensku
stefi.“
Í þáttunum birtast tröll og
skoffín, lyngormar og örlaga-
nornir, galdrakarlar, seiðkarlar og
álfar. „Bara allur þessi pakki sem
maður er alinn upp við er þarna,“
segir Þórey.
„Ég var búin að kíkja á skírskot-
anir í Völuspá og skoða gamlar
íslenskar þjóðsögur. Maður þarf
ekki annað en að opna einhverja
bók til að fá ótrúlegustu hug-
myndir.“
Frábært teymi kemur að
þessu stóra verkefni
Þó upprunalega hugmyndin að
sögunni komi frá Þóreyju segist
hún ekki geta sagt að sagan sé enn
þá algjörlega hennar hugmynd.
„Það hafa komið svo margar raddir
inn í þetta. Framleiðendurnir
leggja til dæmis alltaf eitthvað
fram. Ég hef skrifað handritin en
hef leitað svolítið til sérfræðinga.
Við vorum til dæmis með hand-
ritsráðgjafa á tímabili sem var rosa
þægilegt. Þá gat einhver lesið yfir
og sagt manni er eitthvað vantaði
eða ef eitthvað var óskýrt. En
annars er handritið allt í mínum
Þórey skrifar handritið að þáttunum um Ormhildi sem byggðir eru á teiknimyndasögu eftir hana sjálfa frá árinu 2016. FRÉTTABLAÐIÐ/VALLI
Ormhildur hefur þróast mikið frá því hún varð fyrst til sem hugmynd hjá Þóreyju. MYND/PÉTUR ATLI ANTONSSON CRIVELLO
Sandra Guðrún
Guðmundsdóttir
sandragudrun@frettabladid.is
Framhald af forsíðu ➛
G U L L S M I Ð U R & S K A R T G R I PA H Ö N N U Ð U R
Skólavörðustíg 18 – www.fridaskart.is
Glæsilegir skartgripir
innblásnir af íslenskri sögu
höndum,“ segir Þórey.
Upphaflega var hönnun teikni-
myndanna einnig í höndum
Þóreyjar en svo var fenginn annar
hönnuður til að endurhanna allt.
„Hönnuðurinn heitir Pétur Atli
Antonsson Crivello. Hann setti
teiknimyndina í meginstraums-
búning. Eivör Pálsdóttir samdi svo
tónlist við prufuþáttinn en það
eru þrír íslenskir leikarar í þeim.
Álfrún Helga Örnólfsdóttir leikur
Ormhildi en svo leika þau Bragi
Arnarson og Vala Þórsdóttir einnig
í þáttunum.“
Alveg virkilega magnað að
sjá eigin sögu lifna við
Þórey lærði hreyfimyndagerð í
Bretlandi og útskrifaðist árið 2003.
Síðan þá hefur hún unnið mikið
við alls kyns hreyfimyndagerð
en þetta er stærsta verkefnið sem
hún hefur leitt fram að þessu. „Ég
er sjálfstætt starfandi við hreyfi-
myndagerð og hef gert mikið af
kynningarmyndböndum fyrir
alls konar stofnanir. Ég vann lengi
sem kvikari (e. animator) í Bret-
landi hjá fyrirtæki sem framleiddi
sjónvarpsseríur. Svo hef ég líka
teiknað myndir fyrir bækur og gert
stuttmyndir á eigin forsendum.
Það eru alls konar verkefni sem
detta inn á borð hjá mér. En þetta
er lang umfangsmesta verkefnið
sem ég hef leikstýrt. Það er ótrú-
lega gaman. Það er svo gaman að
fylgjast með galdrinum gerast.
Það er bara virkilega magnað að
sjá sína eigin sögu lifna við. Fólkið
sem vinnur í þessu með mér er
líka allt svo hæfileikaríkt. Ég gæti
ekki verið þakklátari fyrir þau.
Eins og Eivöru, tónlistin hennar
færir þetta upp á annað stig, hún er
ótrúlega flott.“
Þórey býst við að kitlan verði
frumsýnd eftir tæpan mánuð en
síminn ætlar svo að sýna stutt-
myndina/prufuþáttinn. „Myndin
fer svo líka á kvikmyndahátíðir
en það er óljóst hvenær serían sjálf
verður sýnd. Það tók okkur nokkra
mánuði að gera fimm mínútur svo
ef allt gengur að óskum þá ætti
fyrsti hlutinn að vera tilbúinn árið
2021,“ segir Þórey.
Þórey situr svo sannarlega ekki
auðum höndum, því auk þess
að vinna að gerð þáttanna rekur
hún einnig fyrirtækið Freyja
Filmworks ásamt þremur öðrum
konum, þeim Tinnu Hrafnsdóttur,
Védísi Hervöru Árnadóttur og
Dögg Mósesdóttur. „Við einbeitum
okkur sérstaklega að konum, að
auka hlut kvenna fyrir aftan og
framan myndavélina. Svo er ég
núna að klára kynningarmynd-
band fyrir Norræna húsið og er
líka að gefa út bók fyrir Mennta-
málastofnum. Ég ákvað að henda í
næstu myndasögu og gera lestrar-
kennslubók. Meginþorrinn af
myndasögum sem eru í dreifingu
á Íslandi er enskt eða þýtt efni
og mér fannst ég bara verða að
leggja hönd á plóg og gera íslenska
myndasögu og koma henni í
dreifingu.“
Maður þarf ekki
annað en að opna
einhverja bók til að fá
ótrúlegustu hugmyndir.
2 KYNNINGARBLAÐ FÓLK 2 8 . F E B R ÚA R 2 0 2 0 F Ö S T U DAG U R