Fréttablaðið - 28.02.2020, Blaðsíða 8

Um er að ræða eftirfarandi lífeyrissjóði:
Birta lífeyrissjóður, Festa lífeyrissjóður, Gildi lífeyrissjóður, Lífeyrissjóður Rangæinga,
Lífeyrissjóður verzlunarmanna, Lífeyrissjóður Vestmannaeyja og Stapi lífeyrissjóður
SAMTÖK
ATVINNULÍFSINS
ÓSKA EFTIR
HÆFU FÓLKI
TIL AÐ TAKA AÐ SÉR
STJÓRNARSTÖRF
Í LÍFEYRISSJÓÐUM
Samtök atvinnulífsins | Borgartúni 35 | 105 Reykjavík | Sími: 591 0000 | sa.is
Umsóknir sendist í tölvupósti á stjornarseta@sa.is
Athugið að umsóknir frá fyrra ári gilda áfram og þarf ekki að endurnýja.
Samtök atvinnulífsins hvetja konur jafnt sem karla til að sækja um.
Samkvæmt kjarasamningi SA og ASÍ skipa samtökin
helming stjórnarmanna í þeim sjö lífeyrissjóðum sem
eru á samningssviði aðila og er framkvæmdastjórn
SA falin tilnefning stjórnarmanna.
Samtök atvinnulífsins óska ár hvert eftir því að hæfir einstaklingar, sem starfa hjá
aðildarfyrirtækjum SA eða hagsmunasamtökum þeirra, gefi kost á sér til starfa
í stjórnum lífeyrissjóða. Leitað er eftir einstaklingum með fjölbreytta reynslu og
þekkingu m.a. á lífeyrismálum, stjórnun, stefnumótun, áætlanagerð og reikningshaldi,
lögfræðilegum málefnum og fjármála markaði. Úr þeim hópi sem gefur kost á sér til
stjórnarstarfa verða tilnefndir þeir sem metnir eru hæfastir í ljósi þeirra eiginleika
sem sóst er eftir í viðkomandi stjórn.
Sérstök hæfisnefnd fjallar um einstaklinga sem gefið hafa kost á sér til stjórnarstarfa.
Nefndin leggur mat á þekkingu og reynslu umsækjenda með hliðsjón af þeim
eiginleikum sem nauðsynlegt er að viðkomandi stjórn sem heild búi yfir. Að mati
loknu leggur hæfisnefndin tillögu fyrir framkvæmdastjórn SA.
KÍNA Borgin Shenzen, í suðurhluta
Kína, verður að öllum líkindum sú
fyrsta í landinu til að banna með öllu
sölu hunda- og kattakjöts. Er þetta
ótengt ákvörðun kínverskra stjórn-
valda um að banna tímabundið sölu
á villidýrakjöti, vegna COVID-19
faraldursins. Sveitarstjórn í Shenzen,
borg með um 12 milljónir íbúa, segir
þetta gert vegna sérstaks sambands
manna og gæludýra og undirbýr nú
reglugerðina.
Kínverjar hafa borðað hundakjöt
í þúsundir ára og árlega er á bilinu
10 til 20 milljónum hunda slátrað í
landinu. Eftir að landið varð opnara
fyrir umheiminum og menntunar-
stigið hækkaði hefur þeim fjölgað
sem leggjast gegn hundaáti. Í dag
eru vinsældir hundakjöts mjög mis-
munandi eftir héröðum, og einna
vinsælast er það í norðausturhlut-
anum. Yngra fólk er mun ólíklegra
til að leggja sér hvutta til munns en
það eldra.
Sumir hundar eru ræktaðir til
manneldis en einnig þekkist það vel
að gæludýrum sé stolið til átu.
„Shenzen gæti gert þetta, þetta
er framsækin borg á margan hátt,“
sagði Deborah Cao, sérfræðingur
í dýravelferð við Griffith-háskóla í
Ástralíu, í samtali við The Guardian.
Samkvæmt reglugerðinni yrðu háar
sektir lagðar við sölu hundakjöts,
allt að 3,6 milljónum króna. – khg
Shenzen fyrsta borg Kína til að banna hunda- og kattaát með öllu
Vinsældir hundaáts eru afar mismunandi eftir héröðum í Kína. MYND/GETTY
Shenzen gæti gert
þetta, þetta er
framsækin borg á margan
hátt.
Deborah Cao,
sérfræðingur í dýravelferð
ÍSRAEL Likud-f lokkurinn mælist
stærstur í aðdraganda ísraelsku
þingkosninganna sem fara fram á
mánudag, með 34 prósenta fylgi.
Verða þetta þriðju þingkosningarnar
í landinu á innan við ári. Þar sem
brösuglega gengur að mynda stjórn
búast margir við þeim fjórðu innan
skamms.
Litlu munar á tveimur stóru flokk-
unum, Likud og Bláa og hvíta banda-
laginu, en hinn síðarnefndi mælist
með 33 prósent. Voru f lokkarnir
einnig hnífjafnir í síðustu kosning-
um, sem fram fóru í september, en þá
voru Bláhvítir örlítið stærri.
Ein af ástæðunum fyrir því að
Ísraelar eru vonlitlir um að þessar
kosningar nái að leysa hnútinn er
að þær koma tveimur vikum áður
en réttarhöld hefjast yfir Benjamin
Netanyahu, forsætisráðherra og
leiðtoga Likud-flokksins. Hann er
sakaður um spillingu og mútuþægni.
Þrátt fyrir þetta lætur Netanyahu
engan bilbug á sér finna og hefur sótt
hart að Bláhvítum og leiðtoga þeirra,
Benny Gantz, í vikunni. Netanyahu
kallaði Gantz heigul fyrir að mæta
sér ekki í sjónvarpsumræðu og að
hann skorti þekkingu og kjark til að
stýra og vernda Ísrael. Þá spyrti Net-
anyahu Gantz og klerkastjórnina í
Íran saman og sagði hann auðvelt
skotmark til kúgunar.
Gantz hrakti þetta á miðvikudag
og sagði Írani ekki hafa neitt á sig.
Netanyahu væri lygari sem væri
einfaldlega búinn að missa vitið.
„Árásir Netanyahu eru hatursglæpur
gegn ísraelsku samfélagi og lýðræði
okkar,“ sagði Gantz. Líkti hann
Netanyahu við Racip Erdogan Tyrk-
landsforseta.
Deilur f lokkanna eru í auknum
mæli að færast yfir í persónulegt
stríð á milli Netanyahu og Gantz.
Hvorugur þeirra getur unnt hinum
að vera forsætisráðherra og hvor-
ugur er tilbúinn að stíga til hliðar.
Erfitt er þó að mynda stjórn án
beggja flokka eins og staðan er nú.
Margir bundu vonir við að Avig-
dor Lieberman og f lokkur hans,
Yisrael Beitenu, myndu leysa deiluna
í haust. En Lieberman vildi leiða
stóru flokkana tvo saman og gerði
það sem kröfu fyrir stjórnaraðkomu.
Mælist Yisrael með sjö prósent nú en
það er sama fylgi og í síðustu kosn-
ingum.
Þá hefur lítil breyting orðið á
fylgi flestra flokka, Sameinaða lista
Araba, Verkamannaf lokksins og
smærri f lokka strangtrúaðra gyð-
inga.
Í ljósi þess hversu lítið fylgið
hreyfist milli kosninga og kannana
telja skýrendur að kjósendur séu
fyrir löngu búnir að gera upp hug
sinn, hvort þeir vilji sjá Netanyahu
áfram á forsætisráðherrastól eður ei.
Hverjir kjósa skipti mun meira máli.
Það er spurning hvor leiðtoginn nái
að kveikja nægilega vel í stuðnings-
mönnum sínum til þess að þeir
nenni að mæta enn einu sinni á kjör-
stað. kristinnhaukur@frettabladid.is
Baráttan sífellt
persónulegri
og hatursfyllri
Kosið er í Ísrael í þriðja skiptið á innan við ári á
mánudag. Likud-flokkurinn mælist nú stærstur
en lítil hreyfing er á fylgi flokkanna. Deila leiðtog-
anna er orðin bæði mjög persónuleg og hatursfull.
Gantz og Netanyahu geta ekki unnt hvor öðrum að leiða stjórn. MYND/GETTY
Árásir Netanyahu
eru hatursglæpur
gegn ísraelsku samfélagi og
lýðræði okkar.
Benny Gantz, leiðtogi
Bláa og hvíta bandalagsins
2 8 . F E B R Ú A R 2 0 2 0 F Ö S T U D A G U R8 F R É T T I R ∙ F R É T T A B L A Ð I Ð