Fréttablaðið - 28.02.2020, Blaðsíða 44

Til að birta andláts-, útfarar- eða
þakkartilkynningar í Fréttablaðinu þarf að
senda tölvupóst á timamot@frettabladid.is
eða hringja í síma 550 5055 .
Á meðan barnabækur halda
stöðu sinni sem mest seldi
flokkurinn erum við í ágætum
málum.
H inn árlegi Bókamark-aður Félags íslenskra bókaútgefenda er haf-inn á Laugardalsvelli og stendur til 15. mars. Opið er frá klukkan
10-21 alla daga.
„Þetta árið eru ríf lega 6.000 bækur
á markaðnum, frá rúmlega 100 útgef-
endum,“ segir Bryndís Loftsdóttir
starfsmaður hjá Félagi íslenskra bóka-
útgefenda. „Það eru 66 ár síðan bóka-
markaðurinn var haldinn fyrst, árið
1954 í Listamannaskálanum. Hann
hefur verið víða og var lengi í Perlunni
en þetta er sjöunda árið sem hann er
haldinn á Laugardalsvelli. Við höfum
átt frábært samstarf við KSÍ og okkur
líður mjög vel hérna undir stúkunni
við fótboltavöllinn. Bókamarkaður-
inn mun síðan samkvæmt venju fara
til Akureyrar.“
Bryndís segir að aðsóknin á bóka-
markaðinn í Laugardalnum hafi frá
byrjun verið góð og sé að aukast. „Það
var erfitt að f lytja sig um set eins og við
gerðum fyrir sjö árum, en aðsóknin
hefur aukist jafnt og þétt. Við seljum
um 100.000 bækur árlega sem er býsna
gott og líklega fáum við einhvers staðar
á bilinu 30-40 þúsund gesti á markað-
inn hér á Laugardalsvelli. Rúmlega 40
prósent seldu bókanna eru barnabæk-
ur, 20 prósent skáldverk og ljóðabækur
og tæplega 40 prósent handbækur og
fræðibækur. Þessi skipting er ekki ólík
því sem hún er á almennum markaði,
en samt eru heldur f leiri barnabækur
að seljast hér á kostnað skáldverka.“
Börnin vanda sig
Bryndís segir mikið um að foreldrar
komi á markaðinn með börn sín.
„Börnin fá oft að velja ákveðinn fjölda
bóka og vanda sig mjög og taka tíma í
að skoða enda er úrvalið gríðarlegt. Þau
eiga góðar stundir hérna.“
Spurð hvort hún mæli með einhverj-
um sérstökum bókum segir Bryndís:
„Eiginlega ekki, hér er svo margt. Ég get
þó alveg nefnt Lifandilífslæk eftir Berg-
svein Birgisson sem nýlega var tilnefnd
til Bókmenntaverðlauna Norðurlanda-
ráðs. Ég fel þó hverjum og einum það
frelsi að velja sína bók.“
Lesandi fyrirmyndir
Hún er spurð hvort breytingar hafi
orðið á því hvers konar bækur njóti
mestra vinsælda á markaðnum. „Við
lifum á tímum óendanlegra breytinga,“
segir hún. „Stór breyting varð í kjölfar
hrunsins þar sem matreiðslu- og hann-
yrðabækur seldust í gríðarlegu magni.
Þær seljast áfram ágætlega en ekki jafn
kröftuglega og þær gerðu þá. Það var
mikil aukning í sölu þýddra skáldverka
á markaðinum í fyrra en samdráttur í
sölu íslenskra skáldverka. Það gæti
allt eins snúist við í ár, enda útgáfa
íslenskra skáldsagna fyrir jól óvenju-
lega mikil og fjölbreytt. Ég vonast til
að fólk noti tækifærið og kynni sér þau
betur. Sala á sjálfshjálparbókum jókst
líka mikið í fyrra, þær hafa reyndar
verið að sækja mjög í sig veðrið, salan
tvöfaldast frá árinu 2017. Sala ævi-
sagna dróst hins vegar saman um 20
prósent í fyrra og ég á ekki von á því að
hún rétti úr sér í ár. En á meðan barna-
bækur halda stöðu sinni sem mest seldi
f lokkurinn erum við í ágætum málum.
Miðað við þessa skiptingu eru það
börnin sem eru lesandi fyrirmyndir
okkar fullorðna fólksins.“
kolbrunb@frettabladid.is
Góðar stundir með bókum
Búist er við 30-40 þúsund gestum á Bókamarkað Félags íslenskra bókaútgefenda sem
haldinn er á Laugardalsvelli. Um 100.000 bækur seljast hvert ár á markaðnum.
„Okkur líður mjög vel hérna undir stúkunni við fótboltavöllinn.“ FRÉTTABLAÐIÐ/ERNIR
Systir mín, mágkona og móðursystir,
Guðlaug Gunnarsdóttir
(Lalla)
lést 14. febrúar sl.
Útför hennar fer fram frá
Digraneskirkju mánudaginn
2. mars. kl. 13.00.
Þóra Gunnarsdóttir, Sigurjón Ari Sigurjónsson
og fjölskylda.
Ástkær móðir okkar, tengdamóðir,
amma og langamma,
Auðbjörg Jóhannsdóttir
frá Eskifirði,
lést fimmtudaginn 20. febrúar á
hjúkrunarheimilinu Sóltúni.
Útförin fer fram frá Háteigskirkju
mánudaginn 2. mars kl. 13.00.
Þeim sem vilja minnast hennar er bent á minningar- og
styrktarsjóð Sóltúns. Sérstakar þakkir til starfsfólks á
Sóltúni fyrir einstaka umönnun.
Þorvarður Kári Ólafsson Anna Kristín Sigurðardóttir
Sólrún Ólafsdóttir Kristján Örn Karlsson
Bryndís Ólafsdóttir Björn Harðarson
Svanhildur Ólafsdóttir Magnús Arnar Einarsson
barnabörn og barnabarnabörn.
Ástkær móðir okkar, tengdamóðir,
amma og langamma,
Helga S. Helgadóttir
Lautasmára 5,
lést mánudaginn 24.2. á
krabbameinslækningadeild
Landspítalans.
Ellen Þórarinsdóttir Róbert Jónsson
Dagný Þórarinsdóttir Kjell Arne Hendrikssen
barnabörn og barnabarnabörn.
1525 Cuauhtémoc, síðasti konungur
Asteka, er tekinn af lífi af Spán-
verjum.
1854 Repúblikanaflokkurinn í
Bandaríkjunum er stofnaður.
1920 Skipið Valtýr ferst og með því
þrjátíu manns.
1957 Teiknimyndapersónan Viggó
viðutan birtist í fyrsta skipti á
prenti.
1973 Stangveiðifélagið Ármann
er stofnað.
1991 George H.W. Bush lýsir yfir
sigri í Persaflóastríðinu.
2013 Benedikt 16. lætur af embætti sem páfi.
Merkisatburðir
Þann 28. febrúar 1986 laumaðist
óþekktur maður aftan að Olof Palme,
forsætisráðherra Svíþjóðar, og eigin-
konu hans Lisbet þar sem þau voru
á leiðinni heim úr kvikmyndahúsi í
Stokkhólmi. Maðurinn, sem var vopn-
aður skammbyssu, hleypti af skotum
og fór eitt þeirra í gegnum bakið á
Olof en annað í öxl Lisbet. Olof lést
á leiðinni á spítala en Lisbet var ekki
alvarlega særð.
Árið 1988 var Christer Pettersson
dæmdur fyrir morðið eftir að Lisbet
bar kennsl á hann. Hann var síðar
sýknaður af dómnum en málið er enn
í dag óleyst.
Fyrr í mánuðinum sagði saksóknari
málsins, Krister Petersson, að hann
væri bjartsýnn á að geta varpað ljósi
á hver framdi morðið, en sagði ekkert
um að sú manneskja yrði sótt til saka.
Það kann að merkja að Peterson haldi
að manneskjan sé nú þegar látin eða
að rannsókninni muni ljúka.
Þ E T TA G E R Ð I S T: 2 8 . F E B R ÚA R 19 8 6
Forsætisráðherra Svíþjóðar myrtur
Palme var myrtur þennan dag árið 1986.
2 8 . F E B R Ú A R 2 0 2 0 F Ö S T U D A G U R16 T Í M A M Ó T ∙ F R É T T A B L A Ð I Ð
TÍMAMÓT