Fréttablaðið - 09.01.2020, Blaðsíða 26

Lærisveinar Erlings eru að fara í erfitt próf. NORDICPHOTOS/GETTY
HANDBOLTI Eyjamaðurinn Erlingur
Richardsson mun stýra liði Hol­
lands í fyrsta leik karlaliðs Hol­
lands á Evrópumóti í kvöld þegar
það mætir tvöföldum Evrópumeist­
urum Þýskalands í Þrándheimi.
Þetta verður í fyrsta sinn sem karla­
lið Hollands tekur þátt í stórmóti í
handbolta síðan Holland lenti í 11.
sæti á HM í Þýskalandi 1961. Erling­
ur tók við liðinu fyrir þremur árum
en hann hafði áður stýrt liði Füchse
Berlin í Þýskalandi, West Wien,
kvenna­ og karlaliði HK, kvennaliði
Vals, kvennaliði ÍBV og nú karlaliði
ÍBV í annað sinn á ferlinum.
Handbolti hefur verið á uppleið í
Hollandi en til þessa hefur kvenna­
landslið Hollands farið fyrir þeirri
uppbyggingu. Undanfarin ár hefur
hollenska kvennalandsliðið verið
með þeim fremstu í heiminum og
kórónuðu þær uppgang sinn með
fyrsta titli sínum í desember síðast­
liðnum þegar liðið vann til gullverð­
launa á heimsmeistaramótinu sem
fór fram í Japan.
Hollenska liðið er eitt fjögurra
liða sem eru nýliðar á Evrópumót­
inu ásamt Bosníu Hersegóvínu,
Lettlandi og Portúgal. Holland er
í riðli með Lettlandi en fær heldur
erfiðari andstæðinga í formi Þjóð­
verja og ríkjandi Evrópumeistara
Spánverja í hinum tveimur leikj­
unum í riðlakeppninni. Það er því
hæpið að sjá að Erlingur nái að
koma liðinu lengra en í riðlakeppn­
ina að svo stöddu en honum tókst
að brjóta ísinn.
Leikmenn hollenska liðsins leika
nokkrir í heimalandinu, tveir í Belg­
íu, sex í Þýskalandi og í Póllandi,
Frakklandi og Danmörku og mun
ef laust mikið mæða á Luc Steins,
leikmann Toulouse, við að bera
uppi sóknarleik liðsins. Þessi öflugi
miðjumaður sem er rétt rúmlega 1,7
metrar á hæð er öflugur í návígjum
og útsjónarsamur. Þá verður áhuga­
vert að fylgjast með hinum nítján
ára Niels Versteijnen sem er samn­
ingsbundinn þýska stórveldinu
Flensburg.
Erlingur verður ekki eini íslenski
þjálfarinn á mótinu sem stýrir
öðru liði en því íslenska því Krist­
ján Andrésson mun stýra sænska
liðinu á heimavelli. Kristján tók
við sænska liðinu á haustdögum
2016 og er því að fara á sitt annað
Evrópumót og fjórða stórmót með
sænska landsliðið en jafnframt það
síðasta. Kristján lætur af störfum
með sænska liðið að mótinu loknu
til þess að einbeita sér að starfi sínu
sem þjálfari þýska liðsins Rhein­
Neckar Löwen. Undir stjórn Krist­
jáns komst sænska liðið í úrslita­
leikinn fyrir tveimur árum en þurfti
að lúta í gras gegn Spánverjum í
úrslitaleiknum. – kpt
Eyjamaður við stýrið hjá hollenska landsliðinu
Guðjón er að fara á sitt 22. stórmót
með Íslandi. FRÉTTABLAÐIÐ/ÞÓRSTEINN
HANDBOLTI Guðjón Valur Sigurðs­
son, fyrirliði íslenska liðsins, er að
fara á sitt 11. Evrópumót í röð en
hann er eini leikmaðurinn sem
hefur tekið þátt í öllum Evrópumót­
unum á þessari öld. Guðjón Valur
fór á sitt fyrsta Evrópumót árið 2000
og hefur verið þátttakandi á öllum
mótunum síðan.
Þessi frábæri vinstri hornamaður
hefur leikið 52 leiki á þessum 11
mótum og skorað 270 mörk sem
gerir hann að markahæsta leik­
manni í sögu mótsins.
Nikola Karabatic, leikmaður
franska liðsins, sem leikur með
Guðjóni Vali hjá PSG fylgir fast á
hæla honum með 256 mörk og annar
samherji þeirra hjá franska stór­
veldinu, Daninn Mikkel Hansen,
kemur þar á eftir með 194 mörk. – hó
Heldur áfram að
bæta eigið met
Hollenska liðið er eitt
fjögurra liða sem eru að
þreyta frumraun sína á EM.
HANDBOLTI Didier Dinart, fyrr­
verandi varnartröll franska liðsins
og núverandi þjálfari liðsins, getur
orðið sá fyrsti til þess að verða Evr­
ópumeistari bæði sem leikmaður og
þjálfari í karlaf lokki. Dinart varð
Evrópumeistari sem leikmaður
með Frakklandi árin 2006 og 2010.
Auk þessara tveggja titla varð
hann heimsmeistari 2001, 2009 og
2011 og Ólympíumeistari tvisvar
sinnum í Peking árið 2008 og Lond­
on 2012.
Dinart tók við stjórnartaumun­
um hjá franska liðinu haustið 2016
og stýrði liðinu til
sigurs á heims­
meistaramót­
inu á heima­
velli í upphafi
ársins 2017.
Þ á v a r ð
liðið í þriðja
sæti á Evrópu­
mót i nu á r ið
2018 og va nn
bronsverðlaun
á heimsmeist­
aramótinu á
síðasta móti.
– hó
Getur brotið
blað í sögunni
Mikkel Hansen hefur farið fyrir gullaldarliði Dana sem hefur unnið æði marga titla og gætu Danir enn bætt við titlasafnið á næstu árum. FRÉTTABLAÐIÐ/EPA
HANDBOLTI Evrópumótið í hand­
bolta hefst í 26. sinn í dag og fer
það fram í fyrsta sinn í þremur
löndum, Austurríki, Noregi og Sví­
þjóð. Ísland er meðal þátttakenda
í ellefta skiptið í röð og hefur leik
á laugardaginn þegar Strákarnir
okkar mæta Dönum í Malmö.
Danir þykja sigurstranglegir í
aðdraganda móts sem ríkjandi
heims­ og Ólympíumeistarar og
þá gætu Svíþjóð og Noregur farið
langt á þessu móti. Líklegt er þó að
ríkjandi Evrópumeistarar Spán­
verja og þrefaldir Evrópumeist­
arar Frakka munu veita Dönunum
mesta samkeppni um titilinn eftir­
sótta þetta árið.
Reyna að jafna afrek Frakka
Danska landsliðið í handbolta
er handhafi Ólympíugullsins og
heimsmeistaratitilsins eftir að hafa
unnið HM í heimahögum sínum á
síðasta ári. Danska liðið vantar
því aðeins Evrópumeistaratitilinn
til að vera handhafi allra þriggja
stærstu titlanna á sama tíma fyrir
Ólympíuleikana sem fara fram á ný
í sumar.
Skandinav íuþjóðir hafa átt
góðu gengi að fagna á EM í gegnum
tíðina. Svíar réðu lögum og lofum
fyrstu ár keppninnar og unnu
fjórum sinnum í f imm tilraun­
um, aðeins Rússum (1996) tókst
að stöðva hið goðsagnakennda
sænska lið. Síðan þá hafa Frakkar
(2006, 2010 og 2014), Þjóðverjar
(2004, 2016), Danir (2008 og 2012)
og ríkjandi Evrópumeistarar Spán­
verja unnið titilinn.
Til þessa hefur aðeins franska
landsliðinu tekist að vera hand­
hafi allra þriggja stærstu titlanna
í handbolta. Frakkar unnu alla þá
titla sem í boði voru frá því að þeir
höfðu betur gegn Íslandi í úrslita­
leiknum í Peking árið 2008 þar til
á Evrópumótinu 2012 þegar Danir
stöðvuðu sigurgöngu Frakka á EM
í Serbíu.
Svíþjóð var hársbreidd frá því að
ná þessu fyrst árið 2000 en þurfti
að horfa á eftir gullverðlaununum
til Rússa í úrslitaleiknum á Ólymp­
íuleikunum í Sydney.
kristinnpall@frettabladid.is
Annarra að stöðva Danina
Evrópumótið í handbolta í karlaflokki hefst í dag. Danska liðið þykir sigurstranglegt og eygir afrek sem
aðeins Frökkum hefur tekist að ná, að vera handhafi þriggja stærstu titlanna í handbolta á sama tíma.
Svíar eru sigursælasta
þjóðin á EM frá upphafi
með 4 meistaratitla. Frakkar
(3) geta jafnað það met í ár.
S P O R T ∙ F R É T T A B L A Ð I Ð 17F I M M T U D A G U R 9 . J A N Ú A R 2 0 2 0