Fréttablaðið - 14.01.2020, Side 12
Frá degi til dags
Halldór
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jóhanna Helga Viðarsdóttir RITSTJÓRAR: Davíð Stefánsson david@frettabladid.is, Jón Þórisson jon@frettabladid.is,
MARKAÐURINN: Hörður Ægisson hordur@frettabladid.is FRÉTTABLAÐIÐ.IS: Sunna Karen Sigurþórsdóttir sunnak@frettabladid.is.
Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum
án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir kolbrunb@frettabladid.is
LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Sighvatur
Arnmundsson
sighvatur@frettabladid.is
Hér eru ekki
slíkir hags-
munir undir
að það
réttlæti
virkjun á
þessum stað
sem myndi
rýra verulega
gildi Há-
lendisþjóð-
garðs.
Í því felast
um leið
tækifæri til
að efla
þjónustu og
styrkja
atvinnulíf á
landsbyggð-
inni til
hagsbóta
fyrir sam-
félagið allt.
Búningar
www.hókuspókus.is
Verslun og vefverslun
Laugavegi 69 S. 551-7955
Það er sjálfsögð krafa og réttlætismál að opin-berum störfum sé dreift með sem jöfnustum hætti um allt land. Um leið er þetta ein af
stærri byggðaaðgerðum hins opinbera enda mikil-
vægt að stuðla að fjölbreyttum atvinnutækifærum
um allt land. Þrátt fyrir reglulega umræðu í þessa
veru undanfarin ár sýna nýlegar tölur Byggðastofn-
unar að enn er langt í land. Fjöldi opinberra starfa
er ekki í samræmi við íbúafjölda og þar hallar á
landsbyggðina.
Stefna ríkisstjórnarinnar er að snúa þessari þróun
við. Forsætisráðherra hefur lagt áherslu á að skoðað
verði sérstaklega þegar ný starfsemi hefst á vegum
hins opinbera hvort starfsemin geti verið sett á lagg-
irnar utan höfuðborgarsvæðisins. Þá er í byggða-
áætlun að finna kraftmiklar aðgerðir til að fjölga
opinberum störfum á landsbyggðinni.
Í haust setti ég af stað vinnu við gerð áætlunar til
að efla starfsemi þeirra stofnana á landsbyggðinni
sem undir mig heyra. Ég lagði ríka áherslu á að slíka
áætlun þyrfti að útfæra í samráði við forstöðumenn
þeirra stofnana sem um ræðir. Þá þyrfti slík áætlun
að færa starfsmönnum meiri sveigjanleika og hag-
ræði um val á starfsstöð auk þess sem fjármagna
þyrfti áætlunina frá upphafi. Sömuleiðis þyrfti
að kanna leiðir til aukinnar hagræðingar í rekstri,
m.a. með því að sameina starfsstöðvar opinberra
stofnana í sama húsnæði. Afrakstur þessarar vinnu
liggur nú fyrir og verður áætlunin kynnt í dag.
Í áætluninni er að finna áherslur og aðgerðir
ráðuneytisins og þeirra stofnana sem um ræðir.
Jafnframt eru þar tölusett markmið um fjölgun
starfa á landsbyggðinni. Í mínum huga er þó einna
mikilvægast að það eigi sér stað ákveðin hugarfars-
breyting hjá hinu opinbera í garð fjölgunar starfa
á landsbyggðinni. Að það myndist samstaða um
að hafna þeirri aldagömlu hugmynd að opinberar
stofnanir og fyrirtæki séu bundin af því að eiga lög-
heimili í steinsteypu í Reykjavík. Í því felast um leið
tækifæri til að efla þjónustu og styrkja atvinnulíf á
landsbyggðinni til hagsbóta fyrir samfélagið allt.
Hugarfarsbreyting
Kristján Þór
Júlíusson
sjávarútvegs-
og landbúnaðar-
ráðherra
Brýna sverðin
Innan úr stjórnkerfinu berast nú
þau tíðindi að hagsmunagæslu-
menn sjókvíaeldisfyrirtækjanna
vilji láta sverfa til stáls gegn
Sigurði Guðjónssyni, forstjóra
Hafrannsóknastofnunar. Í því
ljósi má skoða hugmyndir Teits
Björns Einarssonar, varaþing-
manns Sjálfstæðisf lokksins, um
að gerð verði stjórnsýsluúttekt á
stofnuninni. Sigurður vill að ekki
verði farið of geyst í uppbygg-
ingu á laxeldi í sjókvíum, vegna
mögulegra skaðlegra áhrifa á
villta laxastofna og nytjastofna
í hafinu. Þykir sjókvíaeldis-
mönnum hann þar vera óþægur
ljár í þúfu og vilja koma í hans
stað manni sem er tilbúinn að
greiða götu sjókvíaeldisins.
Kyssa hringinn
Það hefur gefist stjórnmála-
mönnum vel að kyssa hring
norsku eldisrisanna, sem eiga
sjókvíaeldisfyrirtækin hér við
land. Einar K. Guðfinnsson fór
til dæmis beint úr stól forseta
Alþingis í vellaunað starf sem
stjórnarformaður Landssam-
bands fiskeldisstöðva og Daníel
Jakobsson, efsti maður Sjálf-
stæðisf lokksins á Ísafirði, réð sig
til starfa hjá Norway Roayl Sal-
mon. Starfið fékk hann í gegnum
dótturfélag fyrirtækisins, Arctic
Fish. Teitur Björn veit að norsku
fyrirtækin líta á árásir hans á
Hafró með velþóknun. Það gæti
endað einn daginn í þægilegu
starfi. thorarinn@frettabladid.is
Eitt mikilvægasta málið sem mun koma til kasta Alþingis á vorþingi er frum-varp Guðmundar Inga Guðbrandssonar, umhverfis- og auðlindaráðherra, um stofnun Hálendisþjóðgarðs. Þetta er mál sem hefur verið lengi í vinnslu og ferlið
ber þess merki að vandað hefur verið til verksins.
Hálendi Íslands er einstakt svæði á heimsvísu þar
sem finna má afar fjölbreytt landslag og náttúru.
Tilkoma þjóðgarðs myndi styrkja umgjörðina og
gefa almenningi betri tækifæri til að upplifa töfra
hálendisins.
Meðal þeirra álitaefna sem greiða þarf úr er hvort
og hvernig orkuvinnsla og þjóðgarður fara saman.
Augljóslega verða aldrei allir fullkomlega sáttir þegar
tekist er á um hagsmuni orkunýtingar og náttúru-
verndar. Sjálfur hefur ráðherrann sagt að frumvarpið
sé málamiðlun. Væri hann einráður myndu engar
nýjar virkjanir rísa á hálendinu. Rammaáætlun var
einmitt málamiðlun ólíkra sjónarmiða og þótt deilt
sé um flokkun einstaka virkjunarkosta hefur þetta
fyrirkomulag dugað ágætlega.
Miðað við drögin að frumvarpi um Hálendis-
þjóðgarð verður dregin lína í sandinn við 3. áfanga
rammaáætlunar. Alþingi mun á vorþingi einmitt
fjalla um þann áfanga rammaáætlunar og flokkun
virkjunarkosta hennar. Einn virkjunarkostur í
nýtingarflokki myndi samkvæmt tillögu að ramma-
áætlun lenda innan þjóðgarðsins en það er Skrokk-
alda. Landvernd hefur varað við þeim áformum
en virkjunin yrði staðsett á milli Vatnajökuls og
Hofsjökuls.
Það færi vel á því að þingmenn myndu færa
Skrokk öldu úr nýtingarflokki en áætluð orkuvinnsla
virkjunarinnar er 345 gígavatnsstundir á ári. Til
samanburðar var heildar orkuvinnsla á Íslandi tæp-
lega 20 þúsund gígavatnsstundir árið 2018. Hér eru
ekki slíkir hagsmunir undir að það réttlæti virkjun á
þessum stað sem myndi rýra verulega gildi Hálendis-
þjóðgarðs. Þá á eftir að taka afstöðu til valkosta í
biðflokki en fjölmargir þeirra eru innan marka fyrir-
hugaðs þjóðgarðs. Verði lög um stofnun Hálendis-
þjóðgarðs samþykkt er ljóst að virkjunarkostir í
biðflokki innan þjóðgarðs þurfa að standast afar
strangar kröfur til að færast í nýtingarflokk.
Allir f lokkar á þingi nema Miðflokkurinn skrifuðu
undir skýrslu sem frumvarp um þjóðgarðinn byggir
á. Það vekur vonir um að góð pólitísk samstaða náist
um stofnun þjóðgarðs. Það felast mikil tækifæri í
þessu verkefni en um leið fylgir því mikil ábyrgð.
Umhverfisráðherra hefur sagt að stofnun Hálendis-
þjóðgarðs yrði stærsta framlag Íslendinga til nátt-
úruverndar hingað til. Það er í höndum Alþingis að
tryggja að svo megi verða.
Nýtum
tækifærið
1 4 . J A N Ú A R 2 0 2 0 Þ R I Ð J U D A G U R12 S K O Ð U N ∙ F R É T T A B L A Ð I Ð
SKOÐUN