Fréttablaðið - 19.12.2019, Qupperneq 6

Vertu fyrst/ur
að lesa blaðið
Þegar við erum
bæði að tala um
friðlýsingu á mjög stóru
svæði og rammaáætlun þá
eru skiptar skoðanir.
Guðmundur Ingi Guðbrandsson,
umhverfis- og auðlindaráðherra
40” BREYTTUR
MEGA CAB
TRYGGÐU ÞÉR NÝJAN RAM FYRIR ÁRAMÓT
EIGUM TIL AFGREIÐSLU STRAX CREW CAB BIG HORN,
LARAMIE, SPORT OG LIMITED ÚTFÆRSLUR.
EINNIG MEGA CAB Í LARAMIE OG LIMITED ÚTFÆRSLUM.
BJÓÐUM UPP Á 35”, 37” OG 40” BREYTINGAR
RAM 3500 VERÐ FRÁ: 6.987.745 KR. ÁN VSK.
RAM 3500 VERÐ FRÁ: 8.640.000 KR. M/VSK.
ramisland.is
UMBOÐSAÐILI RAM TRUCKS Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 534 4433 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
Það er útópía að
trúa að enginn
eldislax sleppi í framtíðinni.
En aðalmarkmiðið er að
blöndun eldislaxa og villtra
laxa verði stöðugt minni.
Øyvind Lie, framkvæmdastjóri hjá
fiskistofu Noregs
UMHVERFISMÁL Yfir þrjú hund­
ruð þúsund laxar hafa sloppið úr
norskum eldisstöðvum á þessu ári
og er það mesti fjöldinn í átta ár.
Þetta kemur fram í norska blaðinu
Dagens Næringsliv.
Í frétt Dagens Næringsliv segir
frá því að fyrr í þessum mánuði
ha f i ha f r a n nsók na stof nu n i n
norska varað við aukinni hættu
á erfðablöndun hjá villtum laxi.
Hættan stafi af eldislaxi sem slopp­
ið hafi og gangi upp ár og hrygni
með villta laxinum. Slíkar erfða­
breytingar hafi þegar átt sér stað.
„Með tímanum getur blöndun frá
eldislaxi breytt eiginleikum villtra
laxastofna, minnkað fjölda villtra
laxa og veikt getu stofnanna til að
laga sig að breytingum í umhverf­
inu,“ vitnar Dagens Næringsliv til
aðvörunarorða hafrannsóknastofn­
unarinnar. Villtur lax frá Norður­
Þrændalögum til Troms séu í mikilli
hættu á frekari erfðablöndun.
Haft er eftir Øyvind Lie, fram­
kvæmdastjóra strand­ og sjávar­
útvegsdeildar fiskistofu Noregs, að
eldislaxinn sleppi helst í tengslum
við aðgerðir sem farið sé í til að berj­
ast gegn lús og öðrum sjúkdómum. Í
þremur af hverjum fjórum tilfellum
sleppi lax þegar gat komi á kvíarnar.
Øyvind Lie segir þó að aðgerðir til
að fyrirbyggja slík óhöpp hafi skilað
árangri og stórslys þar sem heilu
stöðvarnar bresti séu úr sögunni.
„Það er útópía að trúa að enginn
eldislax sleppi í framtíðinni. Aðal­
markmiðið er að blöndun eldislaxa
og villtra laxa verði stöðugt minni,“
hefur Dagens Næringsliv eftir Lie.
Tarald Sivertsen, sem fer fyrir
nefnd fiskeldissamtakanna Sjø­
mat Norge um sleppilaxa, segir við
Dagens Næringsliv að áðurnefnt
bakslag varðandi sloppna eldislaxa
sé auðvitað afar óheppilegt. Mikil
áhersla sé lögð á að allir í geiranum
viti hversu illa það geti skaðað alla
greinina séu hlutirnir ekki í lagi.
„En það er innan seilingar að fá
svo lágar sleppitölur að þær hafi
ekki áhrif á villta laxinn,“ fullyrðir
Sievertsen við Dagens Næringsliv.
– gar
Hætta á erfðabreytingum sögð mikil fyrir villtan lax í Noregi
Allar nýjustu fréttir og blað
dagsins eru fáanleg á
www.frettabladid.is
1 Fæðingarorlof lengt í tólf mánuði Alþingi samþykkti
að lengja fæðingarorlof úr níu
mánuðum í tólf.
2 Hagnaður af sölusíðu með fíkniefni rennur í löggæslu-
sjóð Fjármunir sem FBI haldlagði
í gagnaveri Advania og taldir
eru vera ágóði af fíkniefna- og
vopnasölu á netinu verða settir í
sérstakan löggæslusjóð.
3 Javi rekinn úr Allir geta dansað: „Þetta er óheppilegt
mál“ Javi Valiño segir að sér þyki
það leitt að hafa verið rekinn úr
þáttunum Allir geta dansað.
4 Skólabörn á Skagaströnd kaupa vatnsdælu í stað jóla-
pakka Nemendur í Höfðaskóla
ætla að sleppa því að skiptast á
jólagjöfum og safna heldur fyrir
Sönnum gjöfum UNICEF.
5 Tveir einstæðir feður flytja úr foreldrahúsum í leiguíbúð
fyrir jólin Lyklar voru afhentir að
nýjum leiguíbúðum ætluðum
tekjulágum í Hafnarfirði.
UMHVERFISMÁL „Meginmarkmiðið
með stofnun Hálendisþjóðgarðs er
að vernda víðerni sem eru ein þau
stærstu í Evrópu. Þetta er mjög
einstök náttúra á heimsmæli­
kvarða út af fjölbreytileikanum
sem þar kemur saman á tiltölu­
lega litlu svæði,“ segir Guðmundur
Ingi Guðbrandsson, umhverfis­ og
auðlinda ráðherra.
Frumvarp hans um stofnun
Hálendisþjóðgarðs var lagt fram
í samráðsgátt stjórnvalda í gær
ásamt frumvarpi um Þjóðgarða­
stofnun. Guðmundur Ingi segir
fyrrnefnda frumvarpið í grundvall­
aratriðum byggt á skýrslu nefndar
sem í sátu fulltrúar stjórnmála­
f lokka, sveitarfélaga og tveggja
ráðuneyta.
„Ég er sannfærður um að þetta
verkefni er okkar stærsta framlag
til náttúruverndar hingað til,“ segir
Guðmundur Ingi.
Eftir að skýrsla nefndarinnar var
kynnt í byrjun mánaðarins hefur
komið fram nokkur gagnrýni á
áformin af hálfu sveitarfélaga.
Snýst gagnrýnin um skort á sam­
ráði og að með stofnun þjóðgarðs­
ins sé verið að skerða skipulagsvald
sveitarfélaga.
Guðmundur Ingi segist hafa rætt
við allar sveitarstjórnir sem fara
með skipulagsvald á hálendinu og
nefndin hafi hitt þær allar til að
ræða þessi mál.
Samkvæmt frumvarpinu verður
þjóðgarðinum skipt upp í sex
rekstrarsvæði og í hverju þeirra
verður umdæmisráð. Sveitarfélög
munu í gegnum umdæmisráðin til­
nefna sex af ellefu stjórnarmönn­
um þjóðgarðsins.
„Það er eðlilegt þegar lagðar eru
til breytingar að fólk greini og velti
fyrir sér með hvaða hætti það hafi
áhrif, til dæmis á sveitarfélögin. Þau
gegna mjög mikilvægu hlutverki á
þessu svæði í dag og ég vil að þau
geri það áfram. Þess vegna erum við
að teikna upp þetta lýðræðislega
fyrirkomulag um aðkomu þeirra,“
segir Guðmundur Ingi.
Hann segir að sveitarfélögin
muni áfram gefa út framkvæmda­
og byggingarleyfi sé um slíkt að
ræða og komi að gerð stjórnar­ og
verndaráætlunar sem verði síðan
bindandi fyrir skipulag þeirra.
„Þar sem þau koma að gerð
áætlananna og eru með meiri­
hluta í umdæmisráðunum þá vil
ég meina að við séum að tryggja
aðkomu þeirra að skipulagsvaldi á
svæðinu.“
Sú áskorun sem kannski sé stærst
við verkefni sé hins vegar samspil
verndar og orkunýtingar.
„Ég er hér að kynna frumvarp
sem auðvitað er málamiðlun.
Það vita allir sem mig þekkja að
ég myndi ekki vilja ráðast í nýjar
virkjanir á hálendi Íslands ef ég
væri einráður. En ég vil geta búið til
þann ramma að við vitum hvert við
erum að stefna og sú málamiðlun
sem ég tel góða felur það í sér að við
drögum ákveðna línu í sandinn við
þriðja áfanga rammaáætlunar.“
Þannig verði heimilt að skoða
þær virkjanir áfram sem Alþingi
muni að lokum samþykkja í nýt­
ingarflokk í 3. áfanga rammaáætl­
unar. Sett verði strangari skilyrði
fyrir virkjanakosti en nú er og ekki
verði hægt að koma með nýjar til­
lögur inn í framtíðarrammaáætl­
anir.
Stefnt er að framlagningu frum­
varpsins á Alþingi í febrúar og
segist ráðherrann bjartsýnn á að
það muni ganga vel að koma því í
gegnum þingið.
„ Auðvitað er u mismunandi
skoðanir um þessi mál. Þegar við
erum bæði að tala um friðlýsingu á
mjög stóru svæði og rammaáætlun
þá eru skiptar skoðanir. En ég vil
meina að hér sé búið að finna leið
sem sé mjög góð lending með það
hvernig við getum látið þessar áætl­
anir okkar tala saman með þeim
hætti að það geti sem flestir vel við
unað.“ sighvatur@frettabladid.is
Lína dregin í sandinn við
þriðja áfanga rammaáætlunar
Frumvarp um stofnun Hálendisþjóðgarðs hefur verið lagt fram í samráðsgátt stjórnvalda. Umhverfis-
ráðherra telur frumvarpið góða lendingu þegar kemur að samspili verndunar og orkunýtingar. Þá telur
hann að með frumvarpinu sé verið að tryggja aðkomu sveitarfélaganna að skipulagsvaldi á svæðinu.
Hálendisþjóðgarður yrði stærsti þjóðgarður í Evrópu. FRÉTTABLAÐIÐ/STEFÁN
1 9 . D E S E M B E R 2 0 1 9 F I M M T U D A G U R4 F R É T T I R ∙ F R É T T A B L A Ð I Ð