Fréttablaðið - 19.12.2019, Side 28

Fólk er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Hjördís Erna
Þorgeirsdóttir | hjordiserna@frettabladid.is s. 550 5767 | Oddur Freyr Þorsteinsson, oddurfreyr@
frettabladid.is s. 550 57686 | Sandra Guðrún Guðmundsdóttir, sandragudrun@frettabladid.is, s.
550 5762 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Jóhanna Helga Viðarsdóttir
Sölumenn: Arnar Magnússon, arnarm@frettabladid.is, s. 550 5652, Atli
Bergmann, atli@frettabladid.is, s. 550 5657, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is,
s. 550 5656, Ruth Bergsdóttir, ruth@frettabladid.is, s. 694 4103,
Solveig Pálsdóttir er mynd­listarkona, mastersnemi í myndlist, einn af rekstrar­
aðilum Myrkraverks Studio og
fyrrverandi rappetta með Reykja­
víkurdætrum.
„Mér finnst skemmtilegast að
sinna myndlistinni en svo er ég að
gera tónlist í laumi,“ segir Solveig.
„Ég rek líka lítið gallerí á Skóla­
vörðustíg 3 sem heitir Myrkra­
verk Studio, en á neðri hæðinni er
kærastinn, Gustavo Blanco, með
ljósmyndastúdíó.“
Myrkraverk Studio er á Face­
book og Instagram, en þar er hægt
að sjá og kaupa verk fjögurra
listamanna, fyrir utan Solveigu.
Það eru þau Hjálmar Vestegaard,
sem er líka að sýna í SíM salnum,
Arngrímur Sigurðsson, Ólöf Bene­
diktsdóttir og Sunna Shabnam.
Stundum dönnuð
„Ef ég ætti að lýsa stílnum mínum
myndi ég segja að ég væri míní­
mal ískur hippi með dassi af goth
ef ég er dressuð almennilega upp,
en týndur tímaferðalangur og
manískur subbubrussi ef ég er
í vinnufötunum,“ segir Solveig.
„Ég er að reyna að venja mig á að
vinna ekki í hversdagsfötunum
mínum og leyfa mér að vera
dönnuð stundum. Þá er ég oftast
í svörtum prjónasilkibol úr Líf­
stykkjabúðinni, Aftur­vestinu
mínu, grárri Malene Birger ullar­
peysu, í svörtum útvíðum f lauels­
buxum og með f lauelstrefil með
síðu kögri, en ég er haldin mikilli
kögurfíkn.
Ég leitast við að klæða mig
eftir eigin höfði en lít upp til
kvenna á borð við Diane Keaton
og mömmu, sem hafa tímalausan
og sjálfstæðan stíl,“ segir Solveig.
„Mér var kennt að kaupa fáar
en vandaðar vörur og foreldrar
mínir innrættu mér nægjusemi og
smekk fyrir klassískum f líkum.
Svo hafa stelpurnar í Reykjavíkur­
dætrum kennt mér ýmislegt um
að vera pæja.
Móðursystir mín gaf mér
yfirhafnir sem ég dýrka, kögur
rúskinnsjakka frá Tommy Hilfiger
og síða smókingkápu frá Armani,“
segir Solveig. „Ég hef líka eignast
nokkrar f líkur eftir Malene Birger
sem eru klassískar og einstaklega
þægilegar. Ég hef verið að sækja
í f lauel og myndi þekja mig með
því ef það væri samfélagslega
viðurkennt.
Eins og enskur lávarður
Ég fylgist með þó nokkrum
íslenskum hönnuðum á Insta­
gram, til dæmis Hörpu Einars, Ýri
Þrastar, Alexander Kirchner og
Sævari Markúsi. Ég er líka Sögu
Sig „fangirl“, en hún býr yfir gífur­
legri næmni þegar kemur að lit.
Svo fylgist ég líka alltaf með Vivi­
anne Westwood,“ segir Solveig.
„Innblásturinn fyrir minn stíl er
þó kannski að mestu fenginn af
því að skoða söguna, trend eru
svo fjarstæðukennt fyrirbæri.
Það er ástæða fyrir því að
rapparanafnið mitt í gamla daga
var Svarta Solla, ég varð alveg
heltekin af Addams­fjölskyldunni
sem barn og valdi svartan sem
minn lit,“ segir Solveig. „Með aldr­
inum hef ég svo farið að sækja í
jarðliti og núna tek ég ljósbrúnum
lit fagnandi, en ég sæki líka í
mosagrænan og bláan.
Ég lít gjarnan út eins og snobb­
aður enskur lávarður á vappinu,
öll mosagræn í Hunter­stígvélum,
Barbour­jakka og með amerískan
cocker spaniel hund í ól,“ segir
Solveig. „Ég á líka við þann vand­
ræðalega vana að stríða að vilja
tóna allan klæðnaðinn saman, svo
að suma daga er ég alveg ljósbrún,
aðra mosagræn og næsta kolsvört.
Óvænt gjöf að handan
Ég nota skart og fylgihluti mikið
og bróðir minn Páll er mikill
ævintýramaður sem kemur alltaf
með skart handa mér til baka frá
Nepal, Perú eða Paragvæ, svo ég
á þó nokkuð af óhefðbundnum
skartgripum,“ segir Solveig. „Mig
langar óttalega mikið til að kaupa
mér skart í Orrifinn næst, þetta
egypska yfirbragð höfðar rosalega
til mín. Svo eru Lowtide­háls­
menin og eyrnalokkarnir eftir
Ásu Dýradóttur á óskalistanum.
Ég er alltaf með nokkur silfur­
hálsmen eftir íslenska hönnuði,
Fríðu Skart annars vegar og Kríu
Jewelry hins vegar. Svo geng ég
með hringa og uppáhaldshringur­
inn minn er augað, sem kemur
frá ömmu minni, en ég fann hann
í perluboxinu hennar. Það var
eins og að fá faðmlag eða óvænta
gjöf frá henni að handan,“ segir
Solveig.
Ávanabindandi toppar
„Þegar ég vann í Lífstykkja­
búðinni lærði ég betur að meta
efni og kaupi mér reglulega ullar­
og prjónasilkisboli þar, sem og
föðurland frá merkinu Mey. Þetta
gengur við allt og heldur á manni
hita á þessu blessaða skeri,“ segir
Solveig. „Ég kaupi líka allan minn
undirfatnað þar, en Calvin Klein
topparnir eru svo þægilegir að þeir
eru ávanabindandi.
Ég er ekkert feimin við að kaupa
notað, svo framarlega sem efnið er
að mestu náttúrulegt og flíkin vel
farin,“ segir Solveig. „Síðasta flík
sem ég keypti var æðislegur gervi­
pels fyrir veturinn sem ég fékk í
Wasteland. Hann lætur mér líða
eins og Michelle Pfeiffer í Scarface.
Þrátt fyrir andúð mína á gerviefn­
um verður maður að gera undan­
tekningar og mér finnst pólýester
betri kostur en dýrshamur.
Ég elska líka Aftur og ætla að
eignast þó nokkrar flíkur þaðan.
Svo finnst mér Geysir vera að gera
fallegan og tímalausan fatnað.
Ég verð einnig að nefna Hildi
Yeoman, sem er að gera göldrótta
hluti,“ segir Solveig. „Ég læt mig
líka dreyma um flíkur frá Spaks­
mannsspjörum, sem mér finnst
trylltar.
Eignarhaldsstríð um slopp
Mér finnst skórnir mínir úr
Ástund bestu fatakaupin þessa
dagana. Það eru klassískir bítla­
skór sem eru áreiðanlegir í ólíkum
veðrum og alltaf töff,“ segir Sol­
veig. „Verstu kaupin voru líklega
dót frá unglingsárunum sem mér
finnst hallærislegt í dag en er samt
í tísku núna. En það sem einum
finnst tískuslys finnst öðrum
kraftaverk, þetta er bara spurning
um afstöðu. Stíll er að taka það
sem manni finnst smart og standa
með því.
Uppáhaldsf líkin mín er kín­
verskur sloppur með útsaumuð­
um dreka niður eftir öllu bakinu,“
segir Solveig. „Hann Zófi ömmu­
bróðir minn keypti sloppinn í
London á stríðsárunum og ég og
systir mín háðum eignarhalds­
stríð um hann eftir að pabbi gaf
okkur hann, en nú er hann minn.“
Útlitsaðgerðir eru tískubóla
Solveig segir að henni finn­
ist endurtekningar einkenna
klæðnað ungra kvenna í dag.
„Mér finnst alltof mikil hjarð­
hegðun í gangi þegar kemur að
tísku og útliti,“ segir hún. „Stund­
um er eins og allir séu að reyna að
líta út eins og sama Instagram­
stjarnan, sömu f líkur og sömu
fylltu varirnar. Ég vona að fólk
verði sjálfstæðara og upplýstara í
fatavali og hætti að kaupa mikið í
einu í búðum eins og H&M og Pri­
mark. Útlitsaðgerðir eru líka bara
tískubóla og þetta Kylie Jenner
varakjaftæði mun enda.
Ég hvet fólk til að kaupa færri
og einstakari f líkur og styðja
þessa gífurlega færu fatahönnuði
sem við búum að, í staðinn fyrir
alþjóðlegar keðjur. Þannig getum
við styrkt stoðir sköpunar hérna á
eyjunni,“ segir Solveig. „Að lokum
vil ég bara bjóða alla velkomna
í Myrkraverk á Skólavörðustíg 3
til að skoða áhugaverða íslenska
myndlist og hönnun. Það er opið
alla daga, nema mánudaga, því
þeir eru alltaf dálítið leiðinlegir.“
Solveig segir
að tíska ungra
kvenna ein-
kennist of mikið
af hjarðhegðun
og vonar að fólk
verði sjálfstæðara
og upplýstara í
fatavali.
Stíll er að taka það sem manni finnst smart og standa með því, segir Solveig.
Oddur Freyr
Þorsteinsson
oddurfreyr@frettabladid.is
Solveig notar skart og fylgihluti mikið og bróðir hennar gefur henni reglu-
lega skartgripi frá Nepal, Perú eða Paragvæ. FRÉTTABLAÐIÐ/SIGTRYGGUR ARI
Framhald af forsíðu ➛
Ég varð alveg
heltekin af
Addams-fjölskyldunni
sem barn og valdi svart-
an sem minn lit. Með
aldrinum hef ég svo farið
að sækja í jarðliti.
Ég er ekkert feimin
við að kaupa
notað, svo framarlega
sem efnið er að mestu
nátturúlegt og flíkin vel
farin.
2 KYNNINGARBLAÐ FÓLK 1 9 . D E S E M B E R 2 0 1 9 F I M MT U DAG U R