Fréttablaðið - 27.12.2019, Blaðsíða 50

21.12.2019
MARKAÐURINN Instagram fréttablaðsins@frettabladidfrettabladid.is
Föstudagur 27. desember 2019FYLGIRIT FRÉTTABLAÐSINS UM VIÐSKIPTI OG FJÁRMÁL |
Þorsteinn Friðrik
Halldórsson
SKOÐUN
PwC | Sími 550 5300 | www.pwc.is
Endurskoðun | Bókhald | Skattur | Ráðgjöf
Reykjavík | Akureyri | Húsavík | Selfoss | Hvolsvöllur | Vestmannaeyjar | Reykjanesbær
Gleðileg jól og
farsælt komandi ár
Árið 2019 verður líklega röngum
megin við núllið. Ef hagspár
ganga eftir verður niðurstaðan
vægur samdráttur í hagkerfinu
sem markar lok á einu lengsta
samfellda hagvaxtarskeiði sem
Íslendingar hafa gengið í gegnum.
Þetta var þó ekki alslæmt ár þegar
litið er um öxl.
Óvissunni á vinnumarkaði var
eytt með undirritun lífskjara-
samninganna. Það kunna að
vera skiptar skoðanir á því hvort
atvinnurekendur eða launþegar
geti unað betur við niðurstöðuna
en hvað sem því líður er tímabil
óvissu og sundrungar að baki. Það
var nauðsynlegt að ljúka þessum
kaf la sem fyrst svo unnt væri að
takast á við aðrar áskoranir.
Stærsta áskorunin var fall WOW
air og áhrif þess á íslenska ferða-
þjónustu sem hafði búið við
ævintýralegan vöxt um margra
ára skeið. Vöxtur af þessari gráðu
hafði í för með sér að ferðaþjón-
ustufyrirtæki spruttu upp eins og
gorkúlur en nú blasir nýr veruleiki
við sem mun krefjast hagræðingar
og samruna. Grisjun er hins vegar
ekki af hinu slæma. Með því að
sameina krafta og þekkingu innan
ferðaþjónustunnar verður hún
burðugri sem atvinnugrein.
Þá er vert að hafa í huga að ris og
fall WOW air var ekki til einskis.
Flugfélagið skildi eftir sig þekkingu
á flugrekstri og verðmætan mann-
auð sem nýtist til endurreisnar og
uppbyggingar á flugsamgöngum
til framtíðar. Eftirspurn ferða-
manna eftir Íslandsferðum er og
verður áfram til staðar. Verkefnið
sem fram undan er snýst því um að
byggja upp sjálfbært framboð flug-
ferða með því að koma framleiðslu-
þáttunum sem WOW air skildi
eftir sig í not.
Farsæl skráning Marels í kaup-
höllina í Amsterdam í byrjun
sumars var stór áfangi. Hún sýndi
hversu langt íslensk nýsköpunar-
fyrirtæki geta náð á alþjóðlegum
vettvangi með hugviti, framtaks-
semi og þrautseigju að vopni.
Minni fyrirtæki á borð við Kerecis
og ORF Líftækni eru í miklum
vaxtarfasa sem glæðir vonir um
að Marel og Össur verði ekki eins-
dæmi um íslenska risa. Þá sýndu
stjórnvöld í verki að þar á bæ sé
áhugi á að hlúa betur að nýsköp-
unarumhverfinu á Íslandi.
Það er auðvelt að gleyma sér
í góðærinu. Árið 2019 hefur
hins vegar sýnt okkur hversu
mikilvægt það er að hlúa að undir-
stöðum hagkerfisins. Að byggja
upp forða og gæta að skuldastöð-
unni. Þrátt fyrir umtalsverð áföll
í ferðaþjónustunni er útlit fyrir að
niðursveif lan verði frekar mild.
Íslenska hagkerfið er vel í stakk
búið fyrir nýtt ár og áskoranirnar
sem því fylgja.
Lærdómurinn
Þótt við höfum létt
af okkur tugum
milljarða af vaxtabyrði er
vaxtabyrðin enn alltof
þung miðað við láns-
hæfi landsins og
skuldahlutföll.
Bjarni Benediktsson,
fjármálaráðherra
Gæðavín frá Ítalíu sköruðu fram úr á vínmarkaðinum sem var heldur daufur á árinu 2019. Verðvísitala
Liv-ex fyrir ítölsk gæðavín hækkaði um
4,6 prósent á árinu. Á sama tíma lækkaði
almenna vísitalan fyrir gæðavín um 2,5
prósent.
„Þó að gæðavín frá Piemonte og Tosc-
ana standist samanburð við Burgundy
og Bordeaux hvað varðar einkunnagjöf
vínsmakkara þá hafa verðin jafnan verið
lægri,“ sagði í fréttabréfi Liv-Ex. Á þessu ári
hafa ítölsku vínin hins vegar sótt í sig veðrið.
„Allt í einu heyrirðu fólk segja „það er mikið
virði fólgið í bestu f löskunum frá Ítalíu“,“
sagði sérfræðingur í vínmarkaðinum í sam-
tali við Financial Times.
Kassi með tólf f löskum af Barolo Riserva
Monfortino 2002 sem er ræktað í Piemonte-
héraðinu hækkaði mest á árinu. Hækkunin
nam um 75 prósentum og fæst nú kassinn á
rúmar 1,6 milljónir króna. – þfh
Ítölsk gæðavín hækkuðu mest